[عبدالله العجمي]

السلام عليكم ورحمة الله وبركاته

اولاً احب اهنيكم علي هالمنتدى الممتاز .. مادري شقول صراحه كثر ماراح امدحه قليل بحقه وبحقكم .. يكفي انه يغطي اخبار او اعمال الفنانين الكبار واهل الفن الاصلين ..


انا موضوعي ماني عارف اسميه هل هو عتاب ؟! او حسره ؟! او شوق ؟! او او او او او !


اتحسر على الفن الحالي بالكويت .. واعتب على كل فنان يمثل ويقدم عمل بالوقت الحالي .. واشتاق للأعمال السابقه ايام زمان ..


وين الفن الاصيل ؟! وين ايام مسرحية باي باي لندن .. وسوق المناخ .. وحامي الديار .. وغيرهم من مسرحيات مستحيل انها تتكرر ..


وين الفن الاصيل ؟! وين ايام التمثليات مثل خالتي قماشه .. ودرس خصوصي .. ودرب الزلق .. والي ابي وامي مع التحيه .. وغيرهم وغيرهم من تمثليات مستحيل تتكرر ..


شنو هالمسلسلات والمسرحيات اللي قاعد نشوفها ؟! الناس تشوف الاعمال الجديده بالتلفزيون وانا اشتري الاعمال القديمه عشان استمتع فيها .. عشان احس اني صج قاعد اشوف فن بمعني الكلمه !


والله اني اعتب على الفنان الكبير عبدالحسين عبدالرضا والفنان العود سعد الفرج والفنان ابراهيم الصلال والفنان غانم الصالح والفنان طارق العلي .. والفنانه سعاد عبدالله والفنانه حياة الفهد والفنانه مريم الصالح .. وغيرهم من فنانين مميزين ..


اي نعم اعتب عليهم والله .. وينكم ماتجتمعون في اعمال مميزه نفس السابق ؟! اين النصوص المميزه ؟!


اتمنى ان هالموضوع يشوفه الاستاذ الكبير بوعدنان او الفنانين الكبار ويفكرون بهالكلام .. والله ان في جمهور متعطش لأعمالكم نفس ماكنتوا بالسابق ..


وبالاخير ادري ان الكلام مو مرتب ولكن كلام من القلب الى هذا المنتدى الطيب .. وشكراً للجميع .. والسلام عليكم ورحمة الله وبركاته