[زهراء]

بالنسبه لسؤالج أختي الكريمة هل أنتم معي في مسلسل أم البنات؟ أكيد معاج
واسمحيلي أبيّن وجهة نظري بالمسلسل من دون زعل الله يخليك ...

اول شي المسلسل قصته مميزه
يعني مو مثل باجي المسلسلات و القصص المكرره الي نشوفها و القصه فيها 6 بنات كل وحده و طبعها و ستايلها و طريقتها يشدون المشاهدين بقصه كل وحده فيهم

الشي الثاني ان المسلسل احداثه تتحرك بسرعه و وايد في احداث كل يوم يصير شي و في اشياء وايد ما توقعناها و صارت بالمسلسل

السبب الثالث مثل ما قلتي المسلسل واقعي جدا و بسيط مافيه مبالغات الي تنام بمكياجها و الي تقعد بالبيت كاشخه ع الاخر ميك اب و دراعه من انسام كولكشن و الماس
اخيرا و ليس اخرا البنات 6 ضابطين دورهم عدل المسلسل كان وايد حلو

تسلمين يالغالية

ولانه يحكي واقع وداخل فيه شي من الزيادات ومواقف كثيره منها اقلها

يوم راحوا البيت وناموا فيه اول مره قاموا تجمعوا بغرفه وحده وامهم سهرت مانامت
هالموقف يصير لكثير خصوصا اللي تترمل واطفالها صغار وتسكن بيت ماحد بجوارها من اهلها مواقف متفرقه لحيات مختلفه
جد هالمسلسل من اروع المسلسلات بس خساره ماشفت اخر حلقه

عجبني المسلسل لانه احداثه وايد وواايد فيه توعيه وتنبيه
خصوصا انه الوحده اذا عطت زوجها لقمله مقصوعه باجر قالقمله تصير فراشه
وااايد حلو والله بس اللي يخرب اغلب المسلسلات ويخلينا توقع الاحداث المقدمه للمسلسل واااااااااااايد تخرب بس هم حلو وسبب نجاحه اول مسلسل جذي احداثه في تغير مستمر مو مثل باجي المسلسلات حدث واحد وما يتغير الا بعد جم حلقه وما فيها جديد

والصراحة المسلسل صج حلو وما يملل

وسبب نجاحته مثل ما قلت البساطه المسلسل .. وروح التعاون .. بين العائله وخاصه انهم بنات

وأنتقاداتي ..

لان مستحيل فيه عائله كويتيه جذيه . او بنات الكويتيات يلبسون نفسهم ويعرفون يشتغلون عدل سوالف الطباخ والمكياج . وحبستهم بالبيت لا طلعه ولا اي سبل للترفيه

اهم شي ان المسلسل حلوووووووووو

شكرا على الموضوع وسامحيني على الاطاله

لك


وتقبلي تحياتي