[star]

الراي

قناة الراي شنو برامجهم بالاخبار كل شوي مطلعين خبر برنامج رايكم شباب واتصالاتهم وكل سنه يغيرون المذيعين والحين في ثنتين توهم داشات
ودي احط صورة البرنامج بس مكتوب عليها اسم موقع

وعندهم برنامج تراااااي و ورد وهيل اتصالاتهم مشاءالله كثيره بس هم صعبه وكل برامجهم اقتصاديه تقديم
نواف القطان
ما اقول إلا

(حلوه نواف حلوه) ولقب بملك برامج المسابقات بالارسال
الرمضان هذا عنده عمل جديد طلع على الراي طبعاً غير الدولاب الي سواه

بس ماننكر أن قناة الراي قناة الراي .. من اقوى القنوات .. و تستخدم اجهزه قويه حيل موجوده بس في قناة mbc و الراي

اجهزه من اقوى التقنيات المتخصصه في عالم الانتاج التلفزيوني او بالاصح الانتاج الفني ..،

و ادارت و برامج الراي ممتازه جدا .. سيرة الحب .. وراء الابواب .. قذائف .. ساعه صراحه...ام سعف جت كوم,الفطين,دكتور فوز,فوازير حليمه ...الخ

اما برنامج ملكة جمال المذيعات لا تعليق عليه يكفي انه سوا ضجه كبيره وصار عليه
نزاع بين القنوات عشان يتبنونه ذيج السنه

يعني الراي لها وجود قوي سواء قديم او حديث

---------------------------------------------------------------------------------------------------
الوطن:
شعارهم القديم
اول شيء الفجر مايطلع شيء كله اعاده للبرامج الي طلعت من الساعه 7صباحاً -12مساءً

يطلع صباح الوطن الساعه7الى7ونص برنامج يعني حلو بس محد يشوفه لان الصبح مدارس وجامعه وشغل

وعالم بنات وبس نجح وبرنامج تجاري يدقون عليه المطاعم يوقولون لهم صورو عندنا +وجبة عشاء LOL

بس البرنامج الي سكت برنامج تو الليل لان فيه الفنان العملاق محمد المنصور والمذيعه المتالقه ناديه صقر


هذا البنرامج يطلع قدرات الشباب الكويتي

واستضافو شخصيات كثيره من الاسره الحاكمه ومن نواب,وسفراء مثل السفير القطري
والبحريني والسفير السعودي والسفيرالسور ي,وشيوخ خليجيين ودكاتره وغيرهم

يحتوي على عدة فقرات:
فيه فقرة اكثر متابعينها المطلقات والارملات الي اهاو المحامي خالـد عبدالجليل

المشاهد ذكي يا ذ.خالد ليش

لانك كله تسال ضيفك مثلاً:
واقع ما شفتوه!! ولا قد سمعتو عنه في حياتكم,الاخوان بالكنترول مجهزين لكم مقطع يخليكم تبجون بدال الدموع دم بس قبل لا نعرض المقطع في (جحوه تقرقع بقلبي) والا اقولكم خلونا نشوف اللقاء اللي سويته مع هالمسيجينه وا عليّه اخرتاه فاصل LOOOL
المحامي خالد:حجيه شنو مشكلتج

المرآه: ولدي

المحامي خالد:منو

المرآه ولدي طقني

المحامي خالد:انتي طقيتي ولدج ( يعني ماسمع)

المرآه :لا ولدي ولدي طقني

المحامي خالد:أي ليش طقج

المرآه : يبي فلوس

المحامي خالد: انتي تبين فلوس (اي وبعدين يا استاذ خالد ترى المشاهد ذكي مايحتاج توضيح
ولا فقرة الدكتور علي دشتي كل شوي زاف البطه LOL يبي ينزل جم كيلو منه مو قادر LOL
مسلسلاتهم السنه الي طافت حلوه ومنها الوزيره لنايف الراشدومسلسل للفنانه فرح بسيسو و وحسين المنصور وعندهم مسابقة قلطه الوطن
شغله بسيطه باقي ان القناة تعلق وارتدادها ضعيف مع الرغم من كثرة مشاهديها كانت اول مافتحت ارسالها متوسط بس الحين الحمدلله تعتبر من اقوى القنوات
ونبارك لهم على الجائزه لحصولها على اكبر نسبة مشاهدين..
==========================================
نكمل..
دندرمه:مسلسل عباره عن منوعات من بطولة عبدالناصر درويش وحسن البلام
المسلسل بصراحه مو بمستواه المطلوب مثل شبابيك وقرقيعان
ولون قرقيعان 2 وشبابيك فيهم حلقات يعني مانقدر نقول جيده ,دندرمه برنامج كوميدي
قليل المده ويتعمد على تقليد البرامج لكن تقليدهم هنسه موشيء..ويسوون حلقه
ويقولون نهايتها مثل وتشارك فيه اعتقد همهم كله الكسب المادي من خلال الرسائل
وبالاخير يحطون لنا اغنيه احسن مافيه وقت عرض الملسلسل الساعه7 زين والله

صورة لحسن البلام في كواليس دندرمه
============================================

المسلسل الكرتوني بوقتاده وبونبيل
مسلسل ذو جزئين ويتكلم عن مشاكل وهموم الشارع الكويتي ومن افضل البرامج
يجمع بين الكبار والصغار,اما بالنسبه لرسم كان ثلاثي الابعاد بس مو مثل الرسم
الي نشوفه بالقنوات الثانيه يفرق مع الاسف.
==========================================
عيون الحب:

صوره للعاملين في كواليس مسلسل عيون الحب
عيون الحب من بطولةهدى حسين ,الهام الفضاله,جاسم النبهان)
بصراحه كان افضل البرامج عندب برمضان قصة حقيقيه غير مختلقه او خياليه نفس
بعض البرامج الي يمزجون الحقيقه بالخيال لا هذي مشاكل تحصل بالمجتمع صحيح.
والاهم من هذا شغله مضبوط 100%.

أما مسلسل من عنده الغطايه مولازم اتكلم عنه

لـكن أفضل شيء بالقناة...
اداره ممتازه و رائعا جداً .. و مدعومه دعم قوي قوي

و شغاليه حاليا على انتاج مسلسلات حصريه للقناة غير الي تم عرضها

و برامجها في الوقت الحالي اقوى برامج القنوات
وعندهم برنامج للمسابقات لبركاتـ الوقيـان
اما بالنسبه لـــ
تو الليل .. الشباب فوضه ولا موضى راح تشوفونهم بشكل جديد هالسنه غير عن اول

الوطن قناة .. اعلاميه و قويه و صراحه قناة اكبر من مستوى قناة
نستكمل حديثنا..