[محمد العيدان]

المشاركة الأصلية كتبت بواسطة جنفر

أنا صراحة اهنيك محمد على طرح هالموضوع الي يعور القلب...
موضوعك هذا بالصميم...
أول شي آنا تحجيت وايد في هذا الموضوع كوني أعلامية ..
من جذي تحجينا لما متنا...
آنا بس بسأل سؤال واحد شنو مفهوم الوطنية عند هالجماعة الي يستخدمون هالفوم...؟
نعم؟
لا والله صج نعم؟
يعني جذي نحب الكويت...لما اطفال قاعدين يموتون...من الحوداث ليش...؟
والله عشان محتفلين بالعيد الوطني وكانو يعبرون الشوارع يرشون فوم على سيايير الناس...!!!!!
وين توعية الأهل...
وعلى فكرة حالات إصابات العين الي صارت تدري ليش..؟
لان كان يستخدمون نوع من الفوم الي يستخدم لتنظيف السيارات...!!!!
لا موصج!!!!
آنا اناشد الدولة منع الفوم نهائيا من الدولة
ومعاقبة اي احد يرش فوم
معاقبة شديدة جدا لأبعد حد
والأهل يوعون عيالهم وبناتهم ويزرعون فيهم روح الوطنية بأشياء مغايرة...
اتمنى صراحة كلنا اهل الكويت مع الأحتفالات السنة الجاية نناشد برجوع المسيرات الوطنية والعرظات لشوارع الكويت والخليج العربي
وآسفة عالإطاله
موضوع منرفزني
شكرا محمد

منورة بمرورك يا جنفر
المسؤولين يعتبرون حفلات هلافبراير هي العيد الوطني وبعدها كل شخص يشد الرحال ويسافر بعطلة العيد الوطني وعيد التحرير ..
بما انك إعلامية ياجنفر فيجب عليك الكتابة عن هذا الموضوع مرة ومرتين وعشرة وعشرين حتى يفيق الناس و المسؤولين من سباتهم ويعرفوا ماهو المعنى الحقيقي للاحتفال بالعيد الوطني والتحرير