انا باختصار انا عندي عدة اسباب لهبوط العملاق بوحمود :
1- النص ( شي طبيعي ) مافي قصة فقط (( كوميديا كوميديا وكوميديا )) صاروا يبون يضحكون الجمهور
بأي طريقة وينسون القصة لكن يحطون لهم (( اغنية بدون توزيع عدل ولا غناء عدل ولا موسيقى نفس الناس بس شغل , عالسريع )) وفي بداية المسرحة 5 دقايق يشرحون القصة , وفي النهاية 5 دقايق يحلون مشاكلهم .
2- النجووم : قلنا ان الفنانة هيا نجمة لكن خلاص لازم نغير او على الاقل نضيف , (( لاتقولون ان طارق يطلب من الفنانين وهم يرفضون بسبب اعمالهم )) الواحد اذا بغى الشي يقدر يحصله .
ملاحظة : طارق يقول ان ظرب الفنانين والتلميح الى الامور الجنسية كانوا الفنانين الكبار يسوونها مثل العود بوعدنان
انا أقول : (( نعم كانوا يسوونها , لكن , هل يسوونها مثل طريقتك الجريئة والجريئة جدا ))
انا بصراحة ماقدر اجيب اهلي لمسرحك او على التلفزيون ما اقدر اجمعهم واخليهم يسمعون كلامك .
3- فروغي : كتَاب نفسهم نفسهم مايتغيرون , فنانين نفسهم نفسهم , نصوص متشابهة لاقرب الحدود اللهم تغيير الاسماء مخرجين نفسهم نفسهم معدودين .
سبب تميز الاعمال القديمة ( خلوها من الظرب الجريء والكلام الجنسي الوقح ( اسف على الكلمة ) والتنوع من خلال النصوص والمخرجين والستاف كامل وتميز الاغاني )
الحين اللي يسمع اغنية من مسرحياته الاخيرة يقول ( جاهل يلعب على اللاب توب وسوا له أغنية ببرنامج )
في اعتقادي تسجيل الاغنية يمكن تاخذ 10 دقايق بالنسبة لطارق )
سامحوني على اي تجريح او كلام يسيء للمنتدى ,
هذي صراحة . واتمنى تقبل النقد البناء وتقبلني كعذو جديد ومساهم .
|