[حقاني]

المشاركة الأصلية كتبت بواسطة بحر الحب

لكن اي عمل يتكلم عن فترة "وسطية" مثل السبعينات او الثمانينات او التسعينات يكون فيه اخطاء ونتمنى من المقلة يتفاداها .

أوافقك الراي وبشدة ..

تصوير هذي الفترات أصعب من تصوير زمن ماقبل النفط بكثير ..

تخيل انك تبي تصور لقطة "حارة أو فريج" لمسلسل يتكلم عن سنة 1988 مثلاً .. كيف بتوفر السيارات اللي موديلاتها أقل من 1989؟ وتصاميم البيوت؟ وغيرها .. صعب!

مثلاً .. من الأخطاء اللي تأسفت لها ان "شماغ" الفنان بوعدنان في مسلسل التنديل كان شماغ حديث وماكان موجود قبل!

شلون طافتهم؟

لكن المخرج المبدع محمد دحام تفادى هذا الشيء في أحد روائعه "الهدامة" الذي كان أقرب للواقع من ناحية الاكسسوارات والديكور .. والأخطاء فيه لاتذكر

عندك بعد الصورة المرفقة بالموضوع اللي يظهر فيها الفنان غانم السليطي مثلاً .. الزري اللي في البشت ماكان بهالسماكه وهالعرض؟ والطاقية اللي لابسها حديثة وما كانت موجودة فترة السبعينات!

وشوف الصورة الثانية هم .. ( المزرعة ) النافذة الألمنيوم ماكانت موجوده ذيك الفترة .. النوافذ كانت حديد أو ستانستيل وتصميمها غير!