[أبو سعيدان]

أنا أفضل طارق العلي على عبدالعزيز المسلم ..

[The leader]

المشاركة الأصلية كتبت بواسطة sami2008

عبدالعزيزالمسلم فنان وايضا طارق العلى فنان والحق يقال بأن جماهرية طارق طغت على
جماهرية المسلم .. مع ان سلبيات طارق كثيره الا انه اضحك الجمهور .. وهذا مايبحث عنه
المشاهد الضحك والوناسه ..
ايضا عبدالعزيز المسلم تتركز سلبياته بالمثالية الزائده والتكرار في الاعمال واعتماد اسلوب الرعب
في مسرحياته .. وبدل ماتضحك ماتنتهي المسرحية الا وقلب شعر راسك ابيض من الخرعات
ومع ذلك فلكل منهما اعمال مميزه.... لاتنسى .
اثنينهم اخوان وعيال ديره واحده . الله يوفق الجميع

انا معاك في كلامك .. جماهيرية طارق طقت على المسلم

ولكن بالنسبه للرعب انا اعتقد بان في جمهور يعشقون هذا

النوع وفي ناس تحبه بس ملت منه وناس للحين يطالبو بوعبدالله

بمسرحيات الرعب .. وانا من الناس اللي تحب الرعب بس مليت

من الرعب شوي .. يعني لو يسوي سنتين رعب وسنه مسرحيه كوميديه فقط

كان يصير افضل من كذا بكثير .. يعني هالحين عبدالعزيز مسوي رعب صار له

اكثر من 4 مدري 5 سنوات ورى بعض .. وبعدين وين الخرعات اللي تقول عنها

الرعب اللي في مسرحياته ماتخوف إلأا البزارين .. يعني مافي ذاك الرعب اللي

تقدر تقول انه رعب صج .. بخلاف كم مسرحية وهي مصاص الدما 1 والبيت المسكون 2

وزمن دراكولا صج هذي المسرحيات اللي نقدر نقول عنها رعب ..

وبالنسبه لطارق فـ هو وناسه وانا احب اتابع مسرحياته ..

على العموم الله يوفقهم وإن شاء الله تكون مسرحياتهم الجديده افضل من السابقة

[ملك فنون]

المشاركة الأصلية كتبت بواسطة سـيـرة الـحـب

ملك الفنون أحترم رأيك ولكن ممكن توظحلي ماتقصد بالسطحية ..؟

السطحيه الي يقولك الموضوع بأقل من حجمه يعني يقوله بجمله ما تنفهم احيانا او المسرحيه ككل ما في موضوع اساسا عكس ماكان في الماضي ( في مسرحيات المسلم)
اتمنى اني افدتك

المشاركة الأصلية كتبت بواسطة someone

هنيالكم

يا من تبحثون الزله على طارق العلي : )

ويبقى الشامخ شامخ ،

حطيت رد بأن هالتصريح نفاه المسلم ولكن دام اكو شي على طارق العلي

وكون طارق العلي ماده دسمه لكم .. فطبيعي راح تخلون هالموضوع

عموما ً ابشر اخواني الاعضاء ... راح اخذ ايقاف فسأخرج بكرامتي

تحياتي للحقاد جميعهم .. اقصد النقاد ،، عفوا ً

تمنيت اسلوبك يكون احسن ليش حقاد في اسد يحقد على فهد ...مجرد تشبيه احنا الحين بعاد عن عبدالعزيز وطارق ... بوعدنان اهو استاذ استاذهم بالفن واحنا محبينه فمالنا شغل بالاثنين وبس كل هذا اراء تنقال ليش انت منحاز قول رأيك ولا تشتم

[القدير]

يعني انت الي مسكت يالمسلم





اغلب الفنانين الي انفصلوا عنك يقولون انك وايد تحب نفسك وشايف نفسك زيادة عن اللزوم وانت عندك مسرحيه من 14 سنة مصاص الدماء لحد الحين تقدمها شسالفة



وحتى طارق عنده سلبيه وحده وهي خدش الحياء فقط هاذي سلبيته اما انت يالمسلم فوايد سلبياتك

[أوبريت الفقر]

القدير ممكن تقوولي أسماء الفنانين الي قالو عن المسلم أنة يحب نفسة ..؟

[انين الشوق]

طارق العلي هو الافضل " مسرحيآ " ~

ولكن بالمسلسلات المسلم يتفوق

وانا بوجهة نظري طارق العلي يبحث عن الفرفشه والبسمه

ولكن المسلم يبحث عن الفكره والرساله ~

يعني كل واحد عنده سلبيه وايجابيه ~

[مجنونك يا رااشد]

انا احبهم كلهم
لكن اللي الاحظه على طارق العلي ان مسرحياته ثابته وعلى نفس المنوال
بـ معنى ان طارق العلي لازم يجيب معه السمين الاسمراني القطري >> ما ادري وش اسمه
او يجيب معاه فرحان العلي
او يجيب معاه واحد مررره نحيف
ويستلمهم طووول المسلسل
ثم يبدأ يتمهزأ بالبنات
ثم يبدأ يمدح الكويت >> الكويت على عيني وراسي بس اعلمكم وشلووون مسرحياات طارق
وعلى هذا المنوال

طارق مسرحياته مرره حلوووه
لكن اللي يعيبها انها مكرره فقط
اما عبدالعزيز المسلم ما قد تابعت له اعمال الا قليله فما اقدر احكم عليه




ثآآآآنكس ع ـلى المتصفح الأكثر من رآآئع

[عزووووز]

حبيت اقولكم ان طارق العلي اشتهر وتالق بعد مسرحية سيف العرب على يد عبدالحسين عبدالرضا والمسلم ماله اي دخل وانا اشوف ان طارق والمسلم نصوصهم فاشلة وطارق رغم نصوصة الفاشلة يخلي الجمهور يموت من الضحك اما المسلم تكرار من سنة جدي مايغير تقبلوو مرووري

[عاشق عبدالرحمن العقل]

انا الصراحة كنت احب طارق العلي لاكن من صح لسانك لي الحين اتحداك تشوف لحد مسرحياته مايها الفاض تسيء عن الكويتين كلهم
و اعتقد ان مفروض يكون بينه وبين عبدالرحمن العقل احترام لان عبد الرحمن العقل اعتقد انه اكبر منه ب 14 سنة يعن احنا شفنا اعلقل وولد الديرة يوم كان معاهم الكبير غانم الصالح ماشفت انهم قلو الأدب امامه واكنو محترمين معاه جدا ولا كن طارق العلي ييب العقل ليتمصخر عليه

مع كل احترامي لطارق العلي