[الاسطوره ابو عدنان]

صوره الفنان جاسم النبهان عاديه................ بس المو عادي صوره شجون صراحه ماني فاهم هالفنانه يوم تطلع بنوته وتتصنع النعومه ويوم تطلع بملابس رجال وقصات غريبه......... اللهم لاتواخذنا بما فعل السفهاء منا يارب العالمين........مشكوور على الموضوع

[الأنين]

وسط فني يحل لهم كل شئ ^^

مرفوع عنهم القلم

ثانكس

[Dragon706]

صورة الفنان القدير جاسم النبهان عادية جدا و ما فيها وقاحة ,
وبالنسبة لصورة عبدالله بو شهري و هيا فيها وقاحة ... لكن مؤخرا هالحركة موجودة
بالوسط الفني لكن احنا ما تعودنا وجودها بالخليج .
أما بالنسبة لصورة شجون فأعتقد انها مو بالمسلسل لان شجون مو موجودة بساهر الليل
( أنا ما أدري الناس ليش تقول عن شجون بوية و يدورون أتفه الاسباب عشان يقولون هالكلمة )
وقفتها عادية و ما فيها شي و هالمسكينة ما تسوى عليها هالدور الي مثلته كأنها أول فنانة
قامت بدور البوية .
واخر صورة عادية كل السالفة على انها قريبة شوي !!
لكن اسمحي لي كل الموضوع على بعضه ماله داعي و لو وجد موضوع اخر (( مفيد )) يكون أحسن .
و أنا آسف اذا غلطت على أحد .

[زهرة البحرينية]

شكرا للجميع على ردودكم

بخصوص صورة الفنان جاسم النبهان
فعلاً مافيها وقاحة بس تخيلوا ان هالفنانات خواتكم بترضون عليهم يصورون مع رجال بهذه الطريقة ؟

بخصوص صورة الوقحين بوشهري وهيا
سواء كان خلف الكواليس ام كان في المسلسل ، الفنان او الفنانة يوصلون رسالة للجمهور وهناك معجبين بهم يعني هذول بيصبحون قدون لناس ،، شلون يصيرون لناس قدوة وهم يظهرون لينا بالأعمال بهذه لحركات ؟؟ اذا امام العالم وامام شاشة التلفاز وصلت وقاحتهم لهذه الدرجة ،، شتتوقعون افعالهم خلف الكواليس؟


بخصوص شجون
شجون فنانة متميزة وعندها موهبة التمثيل ،، ولاكن صفات البنت البوية كلها تنطبق عليها

اخي الكريم Dragon706
تقول وقفتها عادية ؟؟ بالله عليك في بنت توقف هالوقفة ؟ وتلبس مثل هالملابس؟
تخيل زينب العسكري او حليمة بولند واقفين مثلها ولابسين مثلها وشعرهم مثلها ،، شبتقول عنهم ؟
شجون صحيح مثلت دور بوية ،، وفنانات وايد مثلوا ادوار البنت البوية لاكن ليش الجمهور ترك كل هالفنانات
واصبح ينظر لشجون انها بوية ؟ شمعنى شجون ؟ الجمهور واعي ويفكر ويقييم والناس تعرف البوية وصفات البوية ومدى تأثيرها على المجتمع ، الفنانة ملاك مثلت دور البنت البوية في مسلسل ابله نورة ، لاكن في الواقع ماهي بوية ومحد نظر لها انها بوية ،، لانها أدت الدور صح ووصلت رسالة المطلوبة بشكل صحيح ، بدون ماتأثر سلبا.


يعني لازم تصير وحدة من اهلك مثل هالحالة عشان تحس بخطورة المسئلة ؟؟



ياجماعة اني مااحب اتهجم على احد سواء من الفنانين او الفنانات او الناس

اني والله خوفي على الجيل القادم ، الاطفال ولمراهقين والمراهقات

ترى اقل شي يأثر فيهم واذا سكتنا عن الغلط وغضينا بصرنا عنه ،، راح ينحرفون عيالنا بسبب هالاشكال

الي مايحترمون الفن ولايحترمون المشاهدين اصلاً


شلون اتدافعون عنهم وهم يشوهون مجتمعكم ؟؟

[فارس الخبر]

اوافق الأخت زهرة البحرينية في كل ما قالت والله يعينا على تجريح صيامنا في هذا الشهر الفضيل.

وابارك لها غيرتها على الدين وعلى حرمة هذا الشهر الفضيل.

الله يبلغنا رمضان ويقدرنا على الصيام والقيام.

[Dragon706]

شكرا أخت زهرة على رأيك بالفنانة شجون و بالفعل هي تمتلك طاقة كبيرة لكن ما أحد قدر .
وبالنسبة لزينب العسكري أو حليمة بولند عفوا ً ( اختيار خاطئ ) الاثنين ما يعجبوني .
يعني ( اسمحي لي ) أنا ما أحب اشوفهم على الشاشة عشان أتخيلهم .
( ما أبي أقول رأيي فيهم عشان ما نطلع خارج الموضوع ).

ممكن تكون شجون تأثرت بالدور كثير لانها أول من قدم دور البوية (( بجرأة )) ,
ولا ننسى أنه من أول أدوارها وفي ناس تاخذ صور أولى الشخصيات على أنها الفنان نفسه .
وأما ملاك فمثلت أدوار قبل البوية .
و لكن شجون ببرنامج شوجي
لاحظت أنها (( بنت )) مو ولد كما يصفها البعض .
طبعا ً هذا رأيي و أحترم رأيك أيضا ً اخت زهرة .
و بالنسبة للأطفال أنا ما أعتب عليهم العتب على الأهل الي لازم ينتبهون لأولادهم و بناتهم
و ما يتركون تربيتهم للتلفزيون و (( لطاح الفاس بالراس )) قالوا : ليش ؟

و في النهاية أقول أنا مو متعصب لاي فنان أو فنانه .
وشكرا أخت زهرة ... مع التحية .
و آسف اذا أخطأت و أطلت .

[NaWaRa]

شي طيب
الصورة الثانية ابداع

[forca_barca]

هبوط العديد من الاعمال الصراحه مع ان المفروض تكون في حاله تقدم نظرا لتطور التصوير والانفتاح في الاعمال
لكن مو لي هالدرجه!!!

[بو حمده]

صورة النتهان ما فيها شي
لك صورة شجوون و الصوره الـثالثه
قمه بالإنحـطاط الآخلاقي