[القدير]

المشاركة الأصلية كتبت بواسطة كوكب الشرق

لا انكر ان طارق العلي كان ناجحا في يوم من الايام وسبب نجاحه هو مشاركته عمالقة الفن ورواده في اعمالهم امثال (حسين عبدالرضا - سعاد عبدالله - حياة الفهد - مريم الغضبان ...........الخ)
ولم يكن يستطيع العبث في العمل بوجود هؤلاء العمالقه
ولكن بداية فشل طارق وهبوطه هو بداية دخوله مجال الانتاج ومن هنا اصبح تفكيره مادي وتجاري بحت
طارق العلي في الامس يختلف عن طارق العلي اليوم
ووصفك لهيا الشعيبي بالجاهل اسمحلي اختلف معك في هذه النقطه
هيا الشعيبي هي كوميديانة الخليج الاولى في الوقت الحالي وصاحبة اعلى اجر في المسرح الخليجي
(وياخوي خلني استر على طارق وماقول شلي سوته هيا الشعيبي فيه في مسرحية حاميها حراميها في عرضنا)

واشكر الجميع على المشاركه باراءهم

اذا هيا الشعيبي كوميديانة الخليج الاولى عيل انتصار الشراح شنو تطلع

[عابر سبيل]

المشاركة الأصلية كتبت بواسطة القدير

اذا هيا الشعيبي كوميديانة الخليج الاولى عيل انتصار الشراح شنو تطلع

هي والله صدقت عيل هيا افضل عن انتصار؟؟

[ذيب الإمارات]

يااااناااااس فرقوا بين مسرح للضحك فقط ومعجبينه كثاار .. وبين مسرحيحتوي على قصة .. الخ ومعجبينه كثاااار .. يعني طارق العلي يحب هالنوع كأن قاعد مع ربعه ويسوولف ويااهم ويظحكوون يعني الحواار نكت × نكت وظحك × ظحك .. والنااس تبغي تظحك ف ترووح وتظحك .. كل انساان وذوقه و أنا أحب أحتفظ بذوقي لنفسي ^^

[أبو مضاوي]

السلام عليكم ورحمة الله وبركاته

بصراحة احب مسلسلاته قديما كطش ورش والمسرحيات اللي ماياخذ فيها دور البطولة وخاصة مع أحمد الجوهر
وهذه كلها قديمة

لكن مسرحياته الاخيرة هابطة جدا لا قصة لا هدف لا حوار لا نص ......... المسرحية كلها خروج عن النص
والحوار كله بين طارق العلي والجمهور لو تراقب المشاهد كلها المسرح مليء بالممثلين ولكن كلهم يتفرجون على طارق وهو يمسخر باحدهم
وانا استغرب من نجم كبير كعبدالرحمن العقل انه يوافق على المشاركة في هذه المسرحيات

للاسف ظلمت نفسي وشفت مسرحية سوبر ستار وهذا اللي استشفيته من المسرحية :
1- الاسم ماله علاقة بالمسرحية.
2- لاتوجد قصة ولا حوار واتحدى اي واحد يخالفني.
3- دخل طارق العلي وجلس ساعتين وهو يتطنز على اللي معه.
4- طبعا 3 جمل لاتخلو اي مسرحية من مسرحياته إلا ويقولها ( شحقه تضحك ، اطلع بره ، آه ياقلبي).

احسن مافيها عبدالناصر درويش بس ............. ومشهد البريكي وابوه اللي مابغى يخلص

في النهاية اقول ان المسرحيات الاسطورية القديمة لن تعود بوجود طارق العلي وعبدالعزيز المسلم هم من هبطوا بالمسرح الكويتي
انظر الى المسرحيات القديمة حتى التي لاتصل إلى المرتبة الاولى مثل لولاكي وغيرها
كم مرة يضحك الممثلون ؟ نادرا .......................... لكن انظر للمذكورين اعلاه يقولون النكتة ويطالعون الجمهور ويضحكون ، يعني حنا نضحك!!!!!!
حاليا طارق انصحه يقدم برامج مثل اللي يسوونها الاجانب واحد يمسك المكرفون في مسرح ويجلس يضحك الناس لحاله افضل والله راح يبدع فيها

وآسف جدا على الإطاله

[بحر الحب]

أنا رايي بهالموضوع قلته بمواضيع كثيرة ..

لكن
قبل يومين كنت اتابع مسرحية ( مخروش طاح بكروش ) ولقيت فيها طارق العلي الحقيقي

[حمودي فف]

كلام منطقي

[كوكب الشرق]

اشكر الجميع على المشاركه باراءهم

وبانتظار المزيد

[أحمد سامي]

لدي محور نقاشي أود إضافته للموضوع وأتمنى من الأعضاء الأكارم المشاركة بآرائهم

هل يمكننا القول بأن الفنان طارق العلي وقح فنيا ً ؟

ونركز هنا على مفردة فنيا ً

[عابر سبيل]

المشاركة الأصلية كتبت بواسطة أحمد سامي

لدي محور نقاشي أود إضافته للموضوع وأتمنى من الأعضاء الأكارم المشاركة بآرائهم

هل يمكننا القول بأن الفنان طارق العلي وقح فنيا ً ؟

ونركز هنا على مفردة فنيا ً

إذا بنقول لازم انقول مسرحيا لأن فنيا تشمل الأعمال كلها و الصراحه هو محترم في مسلسلاته مافيها خدش الحياء اما المسرح في وقاحة و حدش للحياء

و صدقت يا بحر الحب ايام مسرحياته ويا احمد الجوهر وايام سيف العرب هناك كنا نجد طارق الحقيقي اما بعد ما بدء ينتج خلاص تغير 180 درجة

[الجنرال حسين]

الاخوان قالوا كل الي في قلبي عن طارق كنت احبه ايام سليمان الطيب وغيرها من المسرحيات بس طارق الحين يستعرض عضلاته على نواف النجم وفرحان العلي وهيا شعيبي هل بوعدنان يكفخ في الي معاه
طارق جالس يستقل الفرصه لان اغلب الي يجون له شباب ويحبون المسخره شيء طبيعي تشوف المشاهدات له كثيره في اليوتوب لان اجل الشيء الي يدخلون عليه النت الشباب بنسبه 80 بالمئه

[bos3yd]

أخوي الكريم لكل زمن ناس وذوق فني .. والناس بهل وقت تبي تروح للمسرح للفكاه ولتفريح النفس .. وهذا نشوفة في مسرحيات طارق العلي .. وناسة وكوميديا .. وبعدين الإيحاءات الجنسية لمن تتكلم فيها عن طارق تحسسني فقط طارق الي يقولها مكل الفنانين الكبار الي مثلو مسرح يعملون ويقولون إيحائات جنسية من عادل إمام الى عبدالحسين الى طارق الى داود إلى ...

يعني ماهو شي غريب على المسرح الكوميدي ..

هذي نقطة النقطة الثانية : مخاطبت الجمهور .. الجمهور يستانس ويتقبل هذا الوضع ... أما ضرب الفنانين .. فهم راضين انت شكو موراضي ؟؟ بعدين اهم راضين لانة يدرون انها كوميديا اما بالكواليس فطارق العلي اكيد يحترمهم ..

اما سبب أستمرار العروض .. فهو تقبل الجمهور لهذة المسرحيات العوائل والشباب .. وروح وتشوف بعينك انة العوائل اكثر بكثيـــــــر من الشباب

[team rocket]

والله عاد حبيتو طارق ماحبيتو لالالالالالالالا بيوقف الحين كلش والله طارق احسن فنان والى الان بنسبه لي فنان مايجي مره وحده مثله في الكوميديا
انا المهم يخليني اضحك وناسه وهدا الي يبيه الجمهور بلا الكل يجي ويقول هابط ماهابط حاقدين على طارق ياهل منتدى اكثر منتدى حاقد على طارق

[سنفور]

طارق العلي فنان كبير وكوميديان له تجاربه وخبرته على المسرح و30 سنة من العطاء ونحبه ويضل على العين والراس لكن مانقدر نقول مثلا انه افضل فنان في الخليج هذه ما تدش العقل يعني من حق الناس تبدي اعجابها فيه وتمدحه على كيفها بس بحدود لان كل فنان يعرف حجمه وقدراته بين الفنانين والعين ما تعلى على الحاجب

[bos3yd]

للعـلم فقـط : كوكب الشرق كان منتسب لمنتديات الفنان طارق العلي وكان من جمهور .. ولكن بعد حظرة من المنتدى تغير 180 درجة :*

[bos3yd]

ياحبييبي بأختصار الفنان طارق العلي يقدم هذا النوع من المسرحيات وكل الكاست الي وياه مستانس .. والجههوور أغلبة عـــــــــوائـــــل .. وقليل الـشباب ..

والجمهور قابل هل شي ويشجعة لأنة ذووقة تغير ..

انت شنو الي مأذيك .. ياخي موعاجبك موشرط تشووفة ؟؟ .. طلع بالتلفزيون عندك ريموت غير .. موشرط تشوف طارق العلي وتغث نفسك ؟؟