الفنان عبدالعزيز المسلم يتصرف بغرور يصل لمرحلة الجنون ويسيء للناس ويهينهم!! السلام ورحمة الله وبركاته في هذا الموضوع اود ان اعبر عن رايي بمسرحية الرعب الفكاهيه ( ليلة رعب ) واود ان اذكر سلبياتها وايجابياتها وتقييم اداء الممثلين وكل ما في العمل بعد انتهائي من مشاهدتها قبل ساعه في مسرح سينما غرناطه . واود ان اذكر الاحداث التي مررت بها منذ وصولي لباب المسرح الى خروجي من باب المسرح . نبدأ بالموضوع : في الساعه ال9 والنصف مساءً وصلنا الى مسرح سينما غرناطه انا ومجموعه من اقاربي لجضور مسرحية الرعب الفكاهيه ( ليلة رعب ) ولم تفتح ابواب المسرح الا في الساعه ال10 مساءً وموعد بدء المسرحيه الساعه ال10 مساءً ! للأسف الشديد ان التنظيم سيء جدا والمسرحيه لم تبدأ الا في الساعه ال10 والنصف مساءً . وبدأت المسرحيه بصرخه قويه جدا ومن الصدمه القويه سقط الفشار (النفيش) من ايدي احد اقاربي وبدأ المشهد الاول بصراع بين الخير والشر (ابليس والأخيار) وحوار ساخن بين ابليس والاخيار وبمرور الاشباح بين ممرات المسرح وتخويف الجمهور وبايديهم الشموع المضيئه بالنار . وبدأت المسرحيه بدخول الممثلين وهذا تقييمي لأداء الممثلين : عبدالرحمن العقل : أداؤه جميل وحضور جميل واضاف الكثير والكثير للعمل المسرحي بخفة دمه وروحه المرحه واستهزاؤه بالجمهور بطريقه راقيه جدا وخروجه عن النص بشكل يخدم العمل بشكل كبر بالرغم اني ضد ان الفنان القدير عبدالرحمن العقل يقوم بتأدية هذا الدور البسيط الي حد ما . باسمه حماده : ملكة العمل وسيدته وقامت بتأدية الدور بحذافيره واتقنته وعاشت الشخصيه بكل مراحلها وهي ملكة المسرحيه بلا مناازع . عبدالعزيز المسلم : لا انكر انه كاتب ومخرج ممتاز ومن الدرجه الاولى وقام باضحاكي بالمسرحيه ولكن اداءه عادي جدا والبعض يقول انه سيء!! هبة الدري : مبدعه واداؤها جميل جدا وعاشت الدور والشخصيه باللبس و التسريحه و المكياج والتصرفات واقل ما يقال عنها انها مبدعه!! ضاري (عطنا عيديه) : له مستقبل جميل جدا وهو (فاكهة المسرحيه) بلا منافس وطفل جريء جدا ومبدع رغم صغر سنه!! والممثلين الاخرين اداءهم اقل من عادي . المسرحيه جميله جدا والفنان عبدالعزيز المسلم يعتبر في قمة الابداع في الكتابه والاخراج والمسرحيه بها الكثير والكثير من المواعظ والعبر وهي هادفه لابعد حد والاحداث تعيشك بجو التشويق والاثاره والرعب وكمية الرعب والكوميديا جميله جدا. وانتهت المسرحيه في الساعه ال1 والنصف بعد منتصف الليل. وبعد انتهائي من تقييم العمل وذكر شخصيات الممثلين في المسرحيه هيا بنا نذهب الى شخصيات الممثلين الحقيقيه وكيف تعاملو مع الجمهور والمعجبين بعد انتهاء المسرحيه وراء المسرح عند الباب الذي يدخل اليه الممثلين . (اعتذر للجميع لأني ساتحدث باللهجه الكويتيه لاني اجد صعوبه في التعبير في اللغه العربيه) وبعد ما انتهت المسرحيه رحنا لباب الممثلين على شان ناخذ صور تذكاريه ونسلم على الممثلين اول فنان شفناه اهو الفنان القدير عبدالرحمن العقل وكل الي اقدر اقوله عن هالانسان انه راقي في تعامله ومتواضع ومحترم والابتسامه ما فارقت ويهه وصورت معاه وهذا الحوار الي دار بيننا : انا : استاذ عبدالرحمن العقل ممكن صوره اذا سمحت؟؟؟؟ عبدالرحمن العقل : أفا عليك اكيد ممكن ليش مو ممكن (وصورنا الصوره) انا : يعطيك العافيه على هالوقفه ومشكور وما قصرت عبدالرحمن العقل : الله يعافيك وانتو جمهورنا تستاهلون كل خير وانت يعطيك العافيه عالحضور وما قصرت. انا : الله يعافيك بس ممكن سؤال اذا سمحت ؟؟؟؟؟ عبدالرحمن العقل : تفضل انا : بس ابي اعرف انت بالغزو كنت بالكويت ولا بره؟ عبدالرحمن العقل : لا والله كنت بره الكويت وبعد هالسؤال تشكرت منه ويعطيه الف عافيه وما قصر وتركنا وهو مبتسم يحليله وبعد عبدالرحمن العقل انتظرنا عند باب الممثلين وطلعت باسمه حماده وهي لابسه عبايه اسلاميه ومغطيه ويهها بالشيله مع انها كانت ملكة المسرحيه لكن افسدت تألقها بهالتصرف الباااااااايخ وهذا الحوار الي دار بيني وبين هبه الدري : انا : هبه ممكن صوره؟ هبه الدري : انشاالله بس اصور مع البنت انا : يعطيج الف عافيه على هالوقفه هبه الدري : الله يعافيك ومشكور وما قصرت انسانه محترمه ومتواضعه بصراحه وما شفت منها الا كل خير ( ما دار بيني وبين المسلم ) وبعدما انتهينا من هبه الدري انتظرنا عبدالعزيز المسلم وفي ولد يقول ابي توقيعه لكن المنظم يقول انه رافض ينزل وعطني ورقتك اوديها له يوقعها وطبعا طلع عبدالعزيز المسلم واتيمعو عليه اليهال وهذا الي قاله بالحرف الواحد وبكل غرور وقلة ذوق وتكبر ( وخرو وخرو والي يعافيكم انا تعبان من الساعه 2 وانا واقف علي ريلي ماني فاضي!!!!!!!) واليهال يترجونه يبون يصورون وهذا رده عليهم وبكل غرور ( يلا يلا بسرعه تراني مو فاضي ) وهذا الحوار الي دار بيني وبينه والي صار بالضبط انا : شلونك استاذ عبدالعزيز عبدالعزيز المسلم : حاقرني وساحب علي سيفون انا : شلونك استاذ عبدالعزيز المسلم : يا ولد الناس انت نايم وشبعان نوم انا من الساعه 2 واقف علي ريلي ومو فاضي لك اصور انا : ومنو قالك اني باصور معاك انا ياي اسألك سؤال!!!!! عبدالعزيز المسلم : حاقرني ولا يرد علي انا : ممكن سؤال عبدالعزيز وبكل غرور وتعالي : ايه اسأل اسأل منو قاضبك انا : وين هيا الشعيبي عنك وليش ما قامت تمثل معاك عبدالعزيز : ما راح تمثل معاي انا : ليش وشنو السبب عبدالعزيز المسلم : تبيني اناقشك الحين الساعه 2 انا : اي نعم ناقشني وعطني سبب عبدالعزيز : ترى هيا الي مسوي روحك خايف عليها تصير لي (وبعدها حقرني ولا رد علي كلش) انا : شهالمغرور هذا الحمدلله والشكر (والله وبصوت عالي وبويهها وبكل عصبيه حتى قمت اسبه بصوت عالي بعد ما مشيت عنه وحتى كنت بقوله ليكون انت حسين فهمي ولا عمر الشريف الي شايف روحك!!!!) عبدالعزيز المسلم بصراحه ما انكر ان العمل كان ممتاز وجميل جدا وانا وايد عجبني لكنه افسد كل هالنجاح بغروره وتصرفه وقلة ذوقه!!! وانا لازم اميز بين المسرحيه وشخصيته وما ادخل شي بشي ثاني وبصراحه عبدالعزيز المسلم طاح من عيني ومتحسف اني كنت ادافع عنه بالمنتديات وجدا ً متحسف اني ما عطيته ذاك الرد الي يأدبه ويسنعه بانتظار اراءكم وتعليقاتكم واتمنى الي حضر المسرحيه يعطينا رايه فيها اسف عالاطاله وشكرا ( بقلمي : كوكب الشرق ) |
للاسف هذا الفنان بنظري فاشل في اداءه وتمثيله وانا مستغرب انك تقول مسرحيته كان جميله لاني اعرف المسلم وكتاباته التي لا ترقى لمستوى الاطفال الذين هم اقل من 8 سنين والدليل مسلسله الاخير الفاشل والذي زجه زجاً اعلامياً وتصنع فيه وبالغ في مدحه وبالاخير طلع مسلسسل اقل ما يقال عنه انه فاشل والاكثر استغرابا ً مشاركة النجوم هي التي تفتح باب التسأُل لدي اما عما حدث معك .. فهذا غير مستغرب منه لانني اكثر من مره اسمع هالشي يسويه مع معجبينه واتوقع اعجابهم ليس لما يقدم وانما لشهرته الخاليه من الانجازات وهو شايف حاله على لا شي تحياتي وارجوا ان يكون مروري خفيف |
اقتباس:
|
الفنان يكبر بتواضعه لجمهوره |
معقوله هالتصرف يصدر من الفنان عبدالعزيز المسلم...؟ لكن على قولتك ليش مانعذر الريال من الساعه 2 الظهر ماقعد والعالم اكيد بتكون وقفتهم معه اطول لانه هو بطل المسرحيه ...(وعلى فكره انا لست مع المسلم) واعماله احس انه يطغى عليها الجانب التوعوي وبقوووه اي بمعنى اصح اعماله قد تكون تصلح لمن هم دون 18 عام لتكوين شخصيتهم على المبأدى الحميده ... اما بخصوص باسمه حماده فأنا اضع امام ردك علامات استفهام ؟؟؟؟؟؟ اتمنى تقبل رائيي براحبة صدر ... |
ذهبوا الفنانين ذهبوا رواد المسارح المتواضعين الذين يحبون التمثيل لكن أقول >عبدالعزيز المسلم< مريض وشايف نفسه>وجهة نظري< تحياتي |
يبا أنا أمس رحت المسـرحيه .. خآآيسـه و لا ببـيزه تحسفت إن ضاعت مني 3 ساعات من حياتي بهالـمسحريه الإنحطاطيه الإستخفافيه و التعدي على الدين الإسلامي |
على فكرة ، أنا ما أستغربت هذا التصرف الصبياني الغبي وعبدالعزيز له تاريخ مع هذه التصرفات وهذه النوعية من الأخلاقيات مع الناس والكثير من أعضاء المنتدى لهم مواقف مشابهة مع هذا المعتوه الأرعن ولكني أقولها / لايوجد مايبرر تصرف هذا المعتوه إلا أنه ( مختل عقليا ً ) وأنا أراهن على كلامي . |
ما استغربها.. عيزت وانا اقول حق ربعي والشباب..هالانسان سخيف بكل لقاء من لقاءاته يقول هالجمله "احنا بنسوي عمل نفس درب الزلق والاقدار" انا اقوله..ليش ماتستريح انتا واعمالك..من طقه تراثي و وطني واهو مافي اسخف منه روحو شوفو صفحته بالفيس-بوك..تدزله رساله مدح..يرد عليك..تدزله رساله تنتقد نقد بناء..يطنش..شهالعقليه انا اقوله روح موت.. واسمحولي لاني قاعد اتكلم بعفويه |
أذكروا الله يا جماعة الخير وأرجوا أن تحسنوا الظن بهذا الممثل ، يمكن التعب أثر عليه . ترى التعب و الاجهاد شين. |
اقتباس:
|
صح كلام الفنان عبد العزيز المسلم يمكن تعبان مصدع ترا اهوا بشر مثلك يتعب و انت بصراحه سؤالك تافه مثل ويهك وين هيا الشعيبي !! انت ما تفهم انها موقعه عقد مع فروغي انت سؤالك اكثر من التافه و الفنان تعبان و اذا مو عاجبك لا تروح له و انا اتحدا الكل كل الاعضاء ان اي واحد شايف كل مسرحيات المسلم و ما ضحك و اتحداكم و اتحدا منتداكم ال شقول اللي ما عندك موضوع غير عن طارق قاعدين تسبونه و المسلم قاعدين تسبونه اذا ما تبون تطالعون اعمالهم لا تطالعون |
بالنسبه لعبد العزيز المسلم أنا أشوف إنه دخل للبطولات المسرحيه فجأه بدون إستئذان على طول هو البطل مثله مثل أحد الممثلين من أبناء المنصور كذلك فرض تواجده كبطل ماسك جوال وبالنسبه لعبد العزيز مليق لما يركب حواجب ويسوي يعننه يني في أكثر من دور مركب حواجب كبيره !! ما صارت وكلها رايحه على فوق تقول نيران مب حواجب الله يهداه |
شوف اولا سؤالك عن هيا في ذاك الوقت مو محله ثانيا بالنسبه انه معطاك وجهه لا تلومه كل شي عليه لانه المنتج واكيد صار كم يوم ما نام عدل هذا مو دفاع عن المسلم لاني كنت معجب فيه اما الان فليس عنده جديد ولكن الحق لازم نقوله |
اقتباس:
لكن ماذا قدم المسلم للمشاهد ؟! المثاليه المبالغه + السذاجه + القصور والإبتدائيه في التمثيل لدرجة النظر الى الكاميرا الذي لا تطوف الوجوه الجديده في الساحه ولك الدليل وشاهد مسلسل هذا العام وتعلم ما نقول المسلم فااشل فنياً وناجح اعلاميا ً فقط وبالنسبه للموقف مع الاخ ليس جديداً فأكثر من عضو ذكر ذلك |
اقتباس:
وبعدين انا قلت له شلونك استاذ عبدالعزيز؟؟؟؟ هل كلمة شلونك تضر او تزيد تعبه!!!!! وبعدين انا سالته بكل احترام ممكن سؤال ؟؟؟؟؟ مارد علي وحقرني!!!!!!!!!! اظن ان من الذوق لو اهو فعلا تعبان يقول سامحني اخوي تراني تعبان ومالي خلق مو يرد بغرور وتكبر وعبدالرحمن العقل اكبر منه ب 12 سنه وماشاالله عليه متواضع ومحترم وصور مع الكل ولا قال اي شي!!!!!!!!! لكن الظاهر ان عزوز فيه نقص ويحاول ينتقم من جمهوره |
والله انا للحين مستغربة من عبدالعزيز معقولة يسوي جذيه!! |
صحيح فوق ضعف قدراته الفنيه قلت أدب وذوووق وعدم تقدير للجماهير التي حظرت علشانه ..! الفنان قبل كل شي بأخلاقه وتواضعه وبدون الجمهور لا يساوي شي وهو كذلك لأنه دخيل على الفن ولا يعطي أي معيار للذين أمامه .. (من تواضع لله رفعه) والمشكله على ايش !!!!! |
مشكور وماقصرت بما انك ذكرت تصرفات هذا الانسان المعتوه والمريض نفسيا هذا اللافنان عبدالعزيز المسلم وبما اني لي علاقة بهذا الوسط ساخبرك انت والاعضاء بعض من مواقفي مع هالانسان المعتوه الموقف الاول: مرة في البحرين وهو يسوي اعمال الديكور حق مسرحية قصر الرعب في فندق الدبلومات دخلنا عليه انا مع مجموعه من الشباب وسلمنا عليه وناشدنا فيه وفي اعماله تخيلوا شرد علينا؟ بدال مايرحب فينا يقول من الي خلاكم تدخلون قلنا له شفنا البوابة مفتوحة ودخلنا مااشوف الا طلع هاتف لاسلكي ويصرخ على السكرتي واحنا على طول طلعنا! الموقف الثاني: *وبعد من ضمن السوالف الي ضحكتني عندي بنت عم عمرها10سنوات تقول راحت مسرحيته في البحرين تقول هي تحب عبدالعزيز المسلم بعد المسرحية شافت احمد ايراج تقول هالانسان عليه اخلاق غير طبيعي وصورت معاه وشافت انتصار الشراح ونفس الشي تقول الصدمة انها راحت حق عبدالعزيز المسلم وسلمت عليه وهو ماعطاها وجه وانصدمت منه طيب قالت له بصور معاك قالها اسمحيلي ومشى تقول خلاص طاح من عيني وكرهته. الموقف الثالث: في القهوة قبل كم يوم كنت قاعد مع شباب وكنا نسولف عنه وعن غرورة وانحطاطه والمفروض الفنان يتحلى باحسن الاخلاق المهم *يقول هو رايح مع زوجته وعياله هم عددهم خمسة في مسرحية مسويها في البحرين الظاهر صرخة الرعب قاله المصري الي يبيع التذاكر مافي الا اربعة تذاكرقاله حاول يمين يسارقاله مافي اربعة تذاكر قال طيب باخذ الاربعة تذاكر والخامسة الي لي بعطيك بدالها فلوس وادخل بدون تذكرة المهم وافق المصري الي يبيع التذاكر يقول ان وهو يشوف المسرحية مع عياله جاله السكرتي وقاله الفنان عبدالعزيز جاسم يبغاك يقول قمت من محلي ووداني ورى خلف الكواليس وقابلت عبدالعزيز جاسم يقول مااشوف الا عصب علي يقوله من سمح لك تدخل من دون تذكرة قاله التذاكر خلصت ودفعت حق تذكرتي فلوس ودخلت قاله يعني الي يبيع التذاكر عطيته فلوس وخلاك تدخل قاله اي تالي قاله طيب خلاص خلاص روح بطريقة حقيرة قول الي ضحكه ان عبدالعزيز المسلم وهو يكلمه كان يكلمه بالكركتر ماله الي هو حواجبه صغار الموقف الرابع: مرة كنت مدعو بمهرجان بحكم اني عضو مسرحي طبعا شفت عبدالعزيز جاسم قلت بصير احسن منه وبسلم عليه المهم هم بعد رد علي بكلمة هلا ومشى عني على طول من دون ابتسامة ولا حتى مجاملة منه... استغرب من فنان يكون بهذا الخلق الفنان لازم يتحلى بالتواضع والاخلاق الجميلة |
مره ثانيه للمسلم!!!!! يا جماعة هالممثل يبغاله يتواضع بحيث: ما لا يدرك فنه لا يترك خلقه يعني يمكن أكون ممثل صغير وبتواضعي مع الممثلين الآخرين والناس أكون كبير جداً ولو أعاقتني الظروف عن التمثيل سأرى التساؤلات من هنا وهناك أين ذلك الممثل.. لكن بهذه الطريقة من الخلق أقل ما يقال انه يصرف أموال في غير مكانها لأنه يدعي توجيه عمله دينياً وهو يناقضه تصرفاً |
اقتباس:
|
اقتباس:
|
اعتقد ان المسلم قالك انه تعبان وياعالم شنو له من ظروف صحيه بس التشره عليك انت الفاضى اللى قاعد تساله على هيا اذا كنت تحاتيها روح اسالها انت وبعدين بما انك خواف وطاح النفيش منك من الخرعه ليش رايح المسرحيه واظن انهم قالوا مسرحية رعب على فكرة طلعت انت اللى ماعندك سالفة تتشره على ناس تعبانين مقدمين عرضين والفنان المسلم كان دايم يقدم قبل 20 سنه حق عيالنا مسرحيات هادفة |
اقتباس:
انت شعارك (ننتقدك لكي لا تتقدم ) انا ذكرت بالموضوع ان احد اقاربي الي طاح منه النفيش وعمره 9 سنين |
انا : معقوله انت استاذ عبدالعزيز؟ المسلم : نعم امرني انا : يا استاذ احبك في الله وربي اني احبك المسلم : وانا احبكم انا : تكفي نبي صورة اذا تكرمت المسلم : لي شرف والله ============================= نبي دليل على كلامك وترا نقدر نحط كلام من راسنا :) |
اقتباس:
عفوا ً أنت تتكلم عن عبدالعزيز جاسم القطري والا عن عبدالعزيز المسلم ؟؟؟ |
هذا الأسلوب متوقع ولا أستبعده عن عبدالعزيز المسلم للأمانة أنا كنت أحترم عبدالعزيز المسلم , حتى لو أعماله و نمطه الفني ما يعجبني , بس كنت أحترمه كفنان مثقف و صاحب رؤية هادفه و في بعض مسلسلاته و مسرحياته فيها حس ديني .. لكن بعد ما شفت له لقاء صحفي قبل سنتين تقريباً غيرت رايي فيه لأن كانت لهجته في اللقاء مليئة بالغرور و الثقة بالنفس !! يعني أتذكر بعض كلامه في هذا اللقاء - أنه قدم مسرحيه بعد الغزو العراقي للكويت إسمها (عاصفة الصحراء) و أن هذي المسرحية هي أول مسرحية ناقشت موضوع الغزو في الكويت و أن المسرحية نجحت نجاح كبير أكثر من سيف العرب !! - إنتقاده بصوره شنيعه للفنان طارق العلي و تكلم بأن هو السبب في ظهور و شهرة طارق العلي من خلال مشاركته معاه في بعض المسرحيات !! و غيرها من الكلام الغير واقعي و الفاقد للمصداقية , يعني كلنا نعرف أن أول مسرحية قدمت عن الغزو العراقي كانت أثناء الغزو من بطولة داوود حسين و ما يحضرني إسمها حالياً .. و كلنا نعرف أن سيف العرب كانت أشهر و أنجح مسرحية ناقشت موضوع الغزو و بعدها تجي مسرحية الفنان أحمد جوهر (طاح مخروش) و باقي المسرحيات بصراحه ما سمعنا عنها شي !! و كلنا نعرف أن طارق العلي كانت شهرته الحقيقيه من خلال مسرحية (سيف العرب) بعد ما نجح في تأدية كذا كركتر و دور في هذي المسرحية !!! |
اقتباس:
تصريحات المسلم .. لا تخرج من شخص سوي ولا حتى أفعاله مع الجماهير . |
يني شبح يني شبح البيت في ينيه من 1995 وهو عل الموال زهقنت وبرايي كرته احترق(وجه نضري) |
سالفه الوقت وتاخير عن العرض هذي صحيح |
يعطيج العافيه عالموضوع بصراحه مادري على شنو مغرور!! يعني لو بنعد كم عدد الممثلين اللي احسن منه يمكن يطلعون في ال20 واحد صراحه انا عندي اهو مايعرف يمثل . يعني لمن يمثل يبين ان قاعد يمثل |
اقتباس:
مصاب بجنون العظمة !!! |
اقتباس:
جنون العظمة لايكون بهذه الحدة والكيفية أنا أرجح أنه مُختل عقليا ً |
اقتباس:
احسنت و انا اوافقك على هذا الشيء |
تحيه لل كويت واهل الكويت بدون استثناء وعيدكم مبارك --------- بصراوي محب للكويت وهلها الطيبين--------- |
أصلاً مآ أحس إنه فنآن رآئع لدرجة كبيرة مثل ما يقولون عنه الناس أحسه إنسان سخيف و كل مسرحياته مكررة و كلهم على الجن و الهرار .. سمعت من نآس من الكويت .. إنه في مسرحيته هالسنة كآن يسب الشيعة و يتكلم عنهم بطريقة موب آوكيه حتى إن كآن يتطنز على زيآرة القبور !! صج الخبر يعني لو جذب ؟؟ |
يعطيكم العافية........... بصراحة أنا سمعت كلام مماثل لكلام "كوكب الشرق" ومن أمس وبعض معارفي اللي راحوا للمسرحية يطرشون مسجات ويطلبون عدم حضور هالمسرحية.......... وكان ودي تكون لي مداخلة في الطرح.... لكن أفضل أن تكون مداخلتي بعد حضور المسرحية " يوم الثلاثاء".......... واكون بالصورة للأمانة علشان اسرد وجهة نظري ورأي من خلال رؤيتي للعرض والأشخاص.... وانتظروني |
أقســم برب الــكعبة وبرب الــكون , أنة لم يدخل أحد الى الكواليس من صبيان صغار او كبار وانا كنت بالكواليس الي كانو موحودين ينعدون على الاصابع , ياخي ليش تنشوة منظر الفنان بفهم ..؟ المسرحية احلى مسرحية سواها الفنان عبدالعزيز المسلم بتاريخة الفني كلة وانا اتحداك اذا دخلت الكواليس انا كنت بالكواليس وصورت , وماكان في احد , وهل يعقل فنان بمثل عبدالعزيز المسلم يقول هل كلام مستحيل أصلاً .. |
أخوي أنت ذكرت أنك صورت مع الفنان عبدالرحمن العقل وباسمة حمادة وماصورت مع المسلم " السؤال المهم لأثبات كلامك , ممكن صورة الي صورتها مع العقل وباسمة تنزلها هني لوسمحت :) |
الموقف وحسب شرحك له موقف غريب يعني ممثل له وزن واسم يفترض به انه يكون مؤدب مع جمهورهـ لان جمهور هو السبب للي هو فيه الحين ولكن برضو ما اقدر انتقده او اقوله عنه شيء لان يمكن الرجال كان تعبان ومهدود حيله لانه واقفه على ريوله من الساعة 2 على حسب ما يقول ,, والانسان بسبب التعب خله يتنرفز ويعصب على اي شيء ,, |
| الساعة الآن 09:12 PM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0