الاخ العزيز كفاح أولا بالنسبه لمسلسل الحياله العملاق بنفسه قال عنه بايخ !!! وتقدرون تسالونه وموضوع التنديل خالصين منه مايحتاي النقاش فيه سوق المقاصيص صج ناقش مواضيع كثيره بس من غير سنع وانا اذا بقيمه بعطيه 50 بالميه وديوان سبيل نسيت اتكلم عنه كذالك من الاعمال الفاشله في تاريخ هذا الفنان حبيبي العمر يمكن له علاقه بس اذا الانسان حاب شغله راح يبدع فيه شوف الاجانب اعمارهم توصل 80 وفوق وتمثيلهم ولا اروع منه ... لانه يحب شغله ويعطي الدور حقه وما يمثل في اعمال سلق بيض !! واذا كان على قولتك كبير ومايقدر يمثل شلون يصور مسلسل 30 حلقه !! خل يرتاح احسن واحنا بعد نرتاح من مشاهدة الاعمال الهابطه واعتقد انه انتقادي بمحله ولم ابالغ فيه وعلى فكره انا احب هالفنان وما اكرهه وابي اشوفه مثل سابق عهده ... |
تم تثبيت الموضوع لكونه طرح قيّم , ولحجم التفاعل , ولتفاعل كاتب الموضوع مع بقية المشاركات إلى الأمام. |
اولا اخالفك الراي عزيزي الحيالة تتحدى ان المشاهد يضحك حرام عليك الحيالة لازال عالق بأذهان الجميع لانه الخط الاساسي للهرم وزاد حلاوته مشاركة المرحوم النفيسي والتنديل مسلسل ناجح بكل المقاييس صحيح انه ليس خط ابوعدنان اللي تعودنا لكنه نجح 100% والحب الكبير ايضا عمل هادف اجتماعيا قد تكون نظرتك ككاتب سيناريست لك نظره تختلف عن نظرتنا كمشاهدين للعمل عموما ننتظر السرداب ونرى والاختلاف لايفسد للود قضية |
اقتباس:
الحيالة - وسوق المقاصيص حققوا نجاح ملمووس |
قالو في الامثال في الاتحاد قوه والفنانين تشتتوا وكل واحد حط له فريق يمثل معاه وفقد الفن بريقه :rolleyes: وماراح يرجع حتى ترجع الاخوه والمحبه بين الفنانين وخاصه الكبار:cool: على فكره الحياله روووعه يمكن لانه جمع نجوووم |
اقتباس:
انا عندي بوعدنان يخرج لنا بعمل عادي افضل من ان لايخرج ابداً ثم ان بوعدنان وباقي الفنانيين ليسوا مثل السابق لان المشاهد تغير وكل شيء اختلف |
بالفتره الاخيره عبدالحسين عبدالرضا وايد مستواه قل ماله داعي يمثل صراحه |
اقتباس:
لكم جزيل الشكر وكون الموضوع يحمل اسم عبدالحسين عبدالرضا رائد الفن شي طبيعي يثبت :) |
اقتباس:
من حقك تخالفني اصلا لو ما في واحد بالمئه اختلاف او مجادله اكيد الموضوع بيكون فيه غلط :) نرجع للحيالة عزيزي هل ترى الحيالة بمقام المخضرم بوعدنان ؟؟!! هذا العمل لو قدمه في بداية مسيرته كنت بقول عنه ناجح .. لكن بعد سلسلة العطاء هذه يقدم اعمال دون مستوى المقبول !! وبعدين بوعدنان خط سيره واحد اللي هو الكوميديا بعد 50 عام يقدم لون مخالف ماعهدناه عليه اكيد ماراح نتقبله مع العلم اني تابعت مقتطفات من العميلين وماعجبوني شخصيا ... وانا معاك انه الفنان لازم ينوع والنمطيه ممله نوعا ما ولازم الواحد يكسر الروتين ويغير بس اذا كان هاللون مو لايق علي ليش اقدمه :) اكيد كل كاتب وكل ناقد وكل انسان عموما له نظره :) سعادتي بمشاركتك الحديث |
اقتباس:
اجمع جميع المشاهدين انه الاعمال القديمه اجمل بكثير من الاعمال الحاليه :) على سبيل المثال خالتي قماشه او مسرحية باي باي لندن منو يمل من هالعملين ؟؟ والله يوميا اشوفهم اما اعمال هالوقت زين اذا شفنا الحلقات كامله وانا اعتقد انه النجوم الكبار صاروا يجامولون وايد وماينظرون لفكرة العمل |
اقتباس:
طيب ليش فشل حبل المودة برايج؟؟ |
اقتباس:
احنا ما نطالبه بالاعتزال اخوي في حال قدم شي جميل يليق بمقامه وبتاريخه بس اذا استمر الحال على ماهو عليه اي انا اشاطرك الراي |
الممثل هذا مات فنيا من زمان اخر عمل يتشاهد له زمان الاسكافي سنة 98 وجهة نظر ^^ شكرا ع الموضوع |
اقتباس:
نطقتي بالجوهره يالأنين والشكر لله ولاهنتي على المرور |
أتمنى من السينارست ومن الفنان الكبير أن ينتبهوا لاسم العمل فهو يحمل إيحاءات غريبة! السرداب وعبد الحسين عبد الرضاأحس لازم أقول بعدها "عج" عجل الله فرجه :) |
| الساعة الآن 01:23 PM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0