[اسحق قومي]

يالوطن:
قصيدة باللهجة المحكية

للشاعر السوري اسحق قومي.
ألمانيا
9/4/2011م.
ياوطن
ياوطن...
أوف يا الوطن...
ياروح الروحْ.
يابا وش حالكْ
يابعد جبدي.

آني من يوم اللي ودعتك
من كبل
خمسا وعشرين سنة
ماشفتك بهل حالة !!!
جنت بعز كوتك.
عزيز ماتنظام
وأسد ضرغام
ماتهاب المنايا .
واليوم أراك تعبان
وشبيك يالحبيب
عساك بخير ..؟!!!.
أنتا يالوطن أغلا من الروح،
أنتا السفينة الكلنا بيها نروح.
أنتا محظر عرس ،
أنتا لمة حبايب ونسْ.
شاعر ربابة حزن.
وتريد بينا تطوح.
أغنيك مواويل بحزن
وبغربتي أصيح
ياوطن ياوطن
ماسمع إلك صوت
إلا عنين بوادي بعيد .
أريد أظمك بصدري...
وش حالك يالمجروح.
سلامتك من كلَّ لجروح.
تعا يالوطن تعا لعندي
أنتا بالقلب
أجي لعندك
وأريد أبوح
إلك بس أبوح
بسر جنت كاتموا
بصدري هل سنين كلها
ترى يريدونك خروفن مذبوح.
فرصا كالوها وترى البيك هم مجروح.
وهم آني يالوطن ليش ابتعدت عنك؟
ترى السبب منك.
آبوي علمني وكال ترى الوطن ماينباع
ولا ينشري بالروح.
يالمجروح ....
جرحك بالقلب ..
وبكل بيت عويل ونوح..
ترى هلحز أكلك يالوطن
ترى أتبرا منك..والله أتربا منك
وأنت أعز من الروح
لو أنتا ذبحت عصفور الهلي
والدمع بعيون أمي يطوح.
أختي بجت وعمتي ترى تنتحب
غوالي منك يالوطن راحو
عليش الدم بيك يطوح.
أنتا المحبة دوم
وش غيرك يالمجروح.
ترى هلك نشامى واريد منهم
يوم معاك يالمجروح.
أريد أصارحك يالوطن
آني اليوم ماني بخير
دموعي عليك وعا هلي
مثلا الفرات وزود.
يالوطن يا ألخو
كربان ترابك يالوطن
ما تكتل المذبوح.
كلهم هلك يحبونك
بس السياسة عمى وشلون يرظونك؟!!
***
اسحق قومي