[روائي]

قبل رمضان توالت علينا الإعلانات للمسلسلات وكل قناة تقول الزود عندي ..


لكن ماهو العمل الذي كنت تتوقع نجاحه ولكن بعد مشاهدته اكتشفت انه فاشل وأخذ أكثر من حجمه الطبيعي



شاركنا

[الصراحة]

بنات الثنوية فاشل
لك الاعمال اللي طلعت اقل من ما اتوقع
فرصة ثانية
بوكريم
الملكة بادي يرتفع بس بعد هم خيب شوي
الدخيلة من الحلقة الاولى الى الثامنة كان بارد لكن الان كل يوم تزداد النار حطب والعمل ممتاز صار

[فيصل%]

مسلسل شوية أمل
في التسع الحلقات الأولى كان ممتاز جداً وبعدها أصبح في انحدار من حلقة لأخرى
أخطاء فنية واضحة وغير واقعية , فرق الحقبة الزمنية وانتقال لفترة أخرى لم يكن بصورة جيدة , أحداث مملة , أداء بعض الممثلين الجامد ولايمتلكون أي موهبة , جرأة بل وقاحة لم نكن نتوقعها
ولانعلم ماذا يخبيء لنا هذا العمل في الحلقات القادمة

[>< ساره ><]

قبل رمضان كنت متشووقه حيييييييييييل للمسلسلات وبعد ثاني او ثالث يوم بدا الحماس يخف لما تلاشى هاليومين
صرت اتابع بدون تفاعل لأني عارفه شبيصير ،،

1- بوكريم اغلاط كتابية + اخراجية بالهبل بس اداء سعد الفرج الرائع ووجود الشله اللي احبها ( شجون وفاطمه والهام ) مخليتني اكمل وياه
واضح ان هبه مخليه هالعمل "ثاني" وحاطّه اهتمامها ومجهودها كله بالسرداب

2- فرصه ثانيه : فكره جميله ومحد تطرقلها بس قتلها الإخراج التقليدي !! مافي أأكشن وتشويق !!
وأشوف الحلقات الأخيره صارت ممله مافي أحداث تشد ،،

3- ساهر الليل : للأمانه افضل السيئين لكن مايرتقي لمستوى الجزء الأول ولاهو يمّه

4- شوية أمل : على كثر انبهاري بالحلقات الأولى على كثر ماني كارهتهم يوم كبرو برووود موطبيعي والأحداث تقريباً ميته !!
انطر رجعة حبيب ،،

5- علمني كيف أنساك : انقهرت لأن قناة دبي أجلته لي رمضان بس الحين ماخذ نسبة مشاهدة موهينه !!
عمل متوسّط ويمكن سامعين بهالقصص من قبل بس للأمانه احداثه على برودها جاذبتني ،

6- الجليب : بين كل مشهد ومشهد "بجي وصراخ" !! كمية الجرأه اللي فيه موحلوة والمبالغة !
من متى البنت قبل توقف تاخذ وتعطي مع الشاوي !
ومن متى البنت تقول حق أبوها يبا ترا أبيه !
+ اللي موعاجبني المبالغة بشخصية الشر والمبالغة بالطيبه نفس أفلام الكرتون ،،

واستغرب من الجرايد اللي ترفعله حيل ومسويته عودة قوية لأم سوزان !!!!!!!!!!!!!!!!!!!!!!!

7- الملكه : فرق بين فهد العليوه بساهر وفهد الملكه !! وهذا يبيّن تدخل محمد دحام بالنص من الألف للياء
العمل عادي وأقل من عادي 14 حلقه عباره عن يوميات مطربه وعايلتها ،، واللي مكرهني فيه زياده الالفاظ ××××× السيئه جداً اللي تنقال !!

[الأنين]

لهفة الخاطر قصة مملة واحداث بطيئة وحتى الاخراج جامد مافيه اي تشويق
مادري ليش محمد دحام لما يقدم عملين بالسنه يعطي مجهود لمسلسل دون الثاني

تسلم ع الطرح يا روائي

[بدون اسم]

كثيره هي الاعمال التي خيبت املنا فيها
الجليب
الملكه
بوكريم
الدخيله
ساهر الليل
الافضل من وجهة نظري فرصه ثانيه

[ابو فيصل]

فرصه ثانيه عمل ممل لا بعد الحدود وكنت متحمسله وتابع اخباره اول باول بس خيب ظني من اول حلقه والدخيله

[محمد....]

1- (شوية أمل) كان افضل مسلسل عندي في اول 10 حلقات لكن عقب ما كبرو .. اصبح مسلسل سيء للغايه و للامانه ما قمت اشوفه لثقل دمه و للاحداث الي ما تسوى احد يتابعها

2- فرصه ثانيه ... ما عجبني العمل ابداً و خاصةً الحوار المتصنع و المفردات الي تكون باللغه العربيه الفصحى و الكل يتكلم بنفس الأسلووب .. الفكره و السيناريو و كلشي مب حلوو لكن والله انا اتابعه لقوة اداء الممثلين المشاركين لانه مشاهدة تمثيلهم يعتبر متعه


3- الجليب ... العمل قوي جداً و كل الاحداث قويه .... لكن حراااام والله حراااااااام العمل ينظلم بأداء الممثلين المشاركين
وايد ممثلين ياليتهم ما شاركوو فيه و تختاار حياة الفهد ممثلين اقوى .. حتى احس تمثيل حياة مب مثل قبل قوي محد يسندها في العمل مافي حد الا القليل علشان ما اظلمهم
يعني اشلوون باسمه حمااده تغار من حياة الفهد و فارق العمر شاسع بينهم!! يعني المفروض تختار فنانه تكون اكبر من باسمه و قريب من عمر حياة لانه فرق في العمر و حتى في الشكل ...
ياليت اختارت ممثلين و ممثلات اقوى و افضل يعني انا في هالعمل اشووف فيه (( فخريه خميس+مريم الصالح + غازي حسين + احمد الجسمي + يعقوب عبدالله )) اسماء تشيل العمل فوق فوق
لانه حرااام والله العمل متكااامل ولا فيه قصوور .. بس اداء الممثلين فيييه وايد سيء و متصنع



الدخيله ... ما عجبني من البدااايه فتركته .. لكن لازلت على يقين انه فكرته حلوه لكن في بداية الاحداث كان جدا ممل
و هذي ملاحظاتي

[صدى التاريخ]

العضيد كان فاشل ساهر الليل بدا ينزل مستواه