[كفاح]

المشاركة الأصلية كتبت بواسطة غ‘ـلآ

:d

صراحة أنا مع انها تقتبس افكار اجنبية ومن افلام قديمه بس يصير فيه حبكة درامية
مو تقتبس وبعد م فيه حبكة

عموما هبة دخلت افكآر جديدة بكل اعمالها ..
اقرب مثال الوسواس القهري من ناقشة
حنّـآ ناسس ملينآ من سالفة الورث والفلوس نبغى قصص جديدة
نبي شئ يواكب الوقت اللي حنا فيه


* استغرب الهجوم الشنيع ع هبة لانهآ اقتبست افكآر .. رغم أن هذا شئ عادي بالدول الثانية لدرجة ان الدول الثانية يسوون المسلسل المقتبس كامل لانه اعجبتهم القصة
واستغرب بعد الهدوء اللي صاير ع رواية رجاء الصانع المسروقة

رد جميل واتفق معك في كل كلمه ياجماعه احنا ملينا من القصص اللي كلها عن الفلوس والورث والعقوق معقوله احنا كخليج ماعندنا الا هذي المشاكل ؟

انا مع اقتباسات هبه دام ماعندنا كتاب جريئين لكتابة اعمال هادفه ذات افكار جديده واهم شيء الحوارات والتوسع بها انا عندي سؤال عمركم شفتوا مسلسل حواراته تستمر خمس دقايق متواصله ؟ الاجابه لا

وهبه هذا العام مبدعه في الحوارات ومتمكنه فيه وهذا هو الكاتب الناجح وانا اشوف ان ابو كريم افضل من زوراة خميس وهي الافضل هذا العام

[متابع بصمت]

المشاركة الأصلية كتبت بواسطة >< ساره ><

الحين منو اللي بايق هبه حماده ولاساره ديسكون ؟!

موضوعها مبيوق كوبي بيست لدرجة ماغيّرت اللهجة من سعودية الى كويتيه خخخ
بعد رمضان اللي فات عضوه ( بشبكة الاقلاع ) نزّلت هالموضوع بحذافيره ( اللهم مسلسل بوكريم ) !!

وانا رديت على العضوه باختصار :

ساره مسروق من فضه ؟!
شلون ؟!
قصة البنت "المعاقه" او اللي عندها تخلف عقلي نوقشت بأكثر من مسلسل وفلم !! دام جذي عيل نقول ان مسلسل ساره مقتبس من فلم نبيله عبيد ،، او نور الشريف بفلم الأخرس أو أو أو

أبله نوره مافي أي نسبه مطابقه لضمير ابله حكمت لا بالقصّه ولابمشاكل البنات اللهم ان الثنتين ناظرات يبون اصلاح مدرسه !! واذا استشهدت بصابرين وشخصية ( الطالبة الغنية اللي متسنده على نفوذ ابوها ) بوايد مسلسلات نشوفها ،،

أميمه في دار الأيتام اي نعم صحييح ( بالحلقة الأخيره ) وسالفة البجامه لكن لاقصص البنات ولاشخصية اميمه ولا المقالب ولاطرق معالجتها لمشاكل اليتيمات سرقه من احد !!

زوارة خميس اهم شي تركت 24 شخصيّة بالمسلسل وقصص وحكايات 30 حلقه وبكل حلقه حوالي 30 مشهد عشان نحكم على المسلسل انه مسرووق لأن في ( سالفتين انقالو ) !!

نفس شخص قبل جم يوم قال زوارة خميس مبيوق من فلم هندي ،، قالوله اي فلم ؟! ،، رد مادري قالولي :d

آآما قصة فاطمة الصفي ماتتطابق مع الفلم نهاااااااائي !!
بالفلم البطل فقد الذاكره ،، وبالصج الممثل ماكان فاقد الذاكره وكان يعرف ان هذي ( موحبيبته ) بس مثّل مثل ماهي مثّلت عشان عنده امل انها بترد ،،

##
##

ولكن السؤال ليش بالكويت الناجح محارب ؟!
والفاشل محد يلتفت صوبه ؟!

بصراحه بعد هالرد ماكورد يعطيج العافية اختي ساااااااااااااااره

[الشـادي]

و الله ما رفع هبه حماده الا المجاميع النسائيه و الا لو على كتابتها ما احد تابعها :d

مثلاً انا اشوف فرصه ثانيه يتفوق على بو كريم لكن اشوف العالم طايرين في بو كريم

مع انو انا كنت في البداية متفاعل مع بوكريم في اول 10 حلقات و ما كنت متفاعل مع فرصه ثانيه

لكن هنا يظهر ابداع الكاتب

فا وداد الكواري مع تتابع الآحداث ارتفعت وتيرة التشويق

لكن مع هبه بعد كل حلقه تحس بملل شديد و تخمه من المشاهد الي تعاد كل يوم و بنفس الحبكه و السيناريو

انا مو ضد هبه و لا مع كاتب بعينه

محبتي الشآادي

[J00ry]

صراحة شدني الموضوع وايد

وشفت نقاشاتكم فيه وآراءكم كلكم

عشان جذي سجلت وابي ارد على صاحبة الموضوع

مثل ما قال اخوي بحر الحب بخصوص الافكار في المسلسلات والافلام

ترى كثير منها مقتبسة من بعض وتلقى الافلام اللي نشوفها الحين افكارها بالضبط نفس افلام قديمة في الثمانينات والسبعينات وووو مجرد انهم غيروا القليل في الشخصيات والا الاماكن او السيناريو

وانا من متابعي مسلسلات هبة الصراحة ما عليها كلام واذا على الاخطاء محد كامل غير الله سبحانه

وفعلا الاحظ وايد يحطون على الدراما الخليجية يعني لو اقتبست فكرة والا مقطع من فلم اجنبي والا عربي قومتوا القيامة عليها (حرام عليكم والله) وما يجوز تطلعون الكاتبة حرامية ترى هالشي بذمتكم

وبالنسبة لزوارة خميس اقول استريحوا بس على مقطع التسجيل سويتوها سالفة يعني وتركتوا المسلسل بكبرة بشخصياته والاحداث ترى كانت بمجمله عمل ضخم بالنسبة لي وخصوصا ان الكاتبة في بداياتها

ومسلسل بو كريم ترى صج تعبنا من موضوع الفلوس والمخدرات والحب والغرام والمدارس والمغازل نبي شي يديد وما قصرت وطلعت لنا بهالقصة

المغزى هني ان الموضوع كله غيرة وحسد ان كاتبة كويتية وصغيرة بالسن لاقت كل هالنجاح بعدد قليل من الاعمال واللي انتقدها وقام يدور على مشاهد مماثلة من اعمال اجنبية وعربية مو كويتي والا كويتية بنت سعودية هو ماادري يعني غيرانه ان الاعمال الكويتية لها صيت والكل يتابعها مو مثل ربع طاش وغشمشم اللي بنظري اعمال قمة في التفاهة والغير منطقية مجرد تضيعة وقت وفوق كل هذا كثير مسكوا عليهم امور في الدين منها تحريف في الايات والاحاديث ووووو .....


في الاخير صدق من قال لا تقذف الا الشجرة المثمرة ^___^


وعلى فكرة انا من البحرين يعني لا تقولون هبة دخلت تدافع عن نفسها بس كلمة حق وحبيت اكتبها

والسموحه منكم

[هزُلت !]

وعلى فكرة انا من البحرين يعني لا تقولون هبة دخلت تدافع عن نفسها بس كلمة حق وحبيت اكتبها

يكاد المريب

الحمدلله والشكر بس

وبعدين ترى الموضوع مش عن طاش الموضوع عن الكاتبه الساذجه

ومع ذلك اتحدى الغبيه هبه تسوي ربع طاش يمديها على حلقة تقليد القذافي

اقول سلموا عليها واذا تبي افلام عبدالحليم ابيض واسود تقول لنا وحنا حاضرين

خخخخخخخخ

[هزُلت !]

يالله لا تبلانا

[هرول]

طاش له ١٨ سنة
فكرة جديدة ولم تقتبس
لامجال للمقارنه مابين العبقرية في صناعة الافكار
مع عمل نسبه عالية من احداثه وقضاياه طرحت من قبل الغير
طاش وانتي تلعبين في مصاصتك وتقولين بابا ماما وهو يعرض
اختي لاتهاجمي من اجل الدفاع
ولاتدافعي من اجل الدفاع
تفهمي بأن الناس اذواق ومايعجبك قد لايعجبهم
x

[J00ry]

انا ما تهجمت

واللي اعرفه ان كثير من رجال الدين معترضين عليه لان وايد غلطوا على رجال الدين و المطوعين

يمكن في بداية المواسم كانت حلوة الحلقات بس كل شي ان زاد عن حده انقلب ضده ولو تقول ان فعلا هو ناجح وايد جان شفناه في كل القنوات ينعرض مو بس في الام بي سي واقصد حتى بعد رمضان ما ينعرض الا في نفس القناة

وعلى الكاتبة هبه ارجع واقول ان انا مااعرفها شخصيا مجرد عن طريق اعمالها لا غير واذا على الافكار ترى اغلبية المسلسلات والافلام تتكرر افكارها والاختلاف في السيناريو والشخصيات وانا جيت وكتبت هني لانها كاتبة في بدايتها للحين وفي رصيدها عدة اعمال ناجحه ولاقت اعجاب الكثير من المتابعين

وفي النهاية انا قلت رايي واللي مب عاجبه بكيفه ما جبرتكم توافقون عليه

[هزُلت !]

اذا على رجال الدين فالشيخ عائض القرني قال في برنامج نبض الكلام انه يتابع طاش وما يشوف انه فيه مخالفه شرعيه
ما احد معارض طاش الا المتطرفين المحسوبين على التيار الديني
اصلا المسلسل يناقش الصراع بين التيار الليبرالي والتيار الديني في السعوديه
اما عن ليش ما ينعرض بعد رمضان هذا قناة فنون يعرضون مسلسل طاش
واذا كان لا بد من المقارنه فـ عبدالله السدحان وناصر القصبي يستعينون بدكاتره في كتابة الحلقات
وما قد احد اتهمهم بالتقليد والقص واللزق !!
على حسب فلسفتك يوم تقولين ليش سعوديه اللي تنتقد المسلسل وواضح انه كان قصدك ان السعوديين حاقدين على الكويت ويكرهونهم
مع العلم ان ثلاثة ارباع السعوديين لهم اقارب وعيال عم بالكويت
ما ادري كيف جبتي المعلومه
اجل انتي بحرينيه ومالك حق تنتقدين لا طاش ( السعودي ) ولا بوكريم ( الكويتي ) !!

ويا اخت جوري ثمني كلامك مره ثانيه والزمي حدك ولا تقولين شي انتي مو قده
انتي اتهمتي طاقم طاش بتحريف الآيات والاحاديث وهالشي ما قد صار منهم

وارجع اكرر مره ثانيه الموضوع عن بوكريم والفظي طاش من لسانك