[روائي]

منذ مبطي والقائمين على تلفزيون دولة الكويت يتبعون سياسة البتر والحذف بلا مبرر او لسبب ..

لكن في حال زادت سياسة التقطيع للمشاهد والحوارات ليش تعرضون العمل على شاشتكم؟!

والله اني كنت اشوف المسرحية الرائعه " سوق شرق " حسبالي

الحوار صامت !!!!!

بس تشوف الممثلين يحركون شفايفهم وايدينهم وماتفهم شي وكل ما اندمجت مع المسرحيه يامشهد ياحوار محذوف !!!!

يعني والتالي مع المسؤولين في الإعلام ... حرام عليكم نسفتوا هوية الفن الكويتي واعتزمتوا الرجوع إلى الوراء لقرون صرنا مانشتهي نشوف القناه الاولى والله انه السودان واليمن تفوقوا علينا وسبقونا !

واعمال السنه كلها سب وحوارات ماصخه ولا لها معنى والرقابه عمك اصمخ .. حتى الأعمال القديمه ماسلمت منكم مسرحية قديمه ومافيها شي ليش كل هذا ؟؟؟؟؟؟؟؟

ولي متى هالسياسه البايخه هذي ؟!

[محامي القصبي]

الكويت كانت من أحب القنوات لدي !! لدرجة اني سابقاً كنت أسجلها بالرسيفر على الرقم ( 1 )
اما الآن لأدري هل هي موجودة بالقائمة ام لا !!!
( خلهم يحذفون على كيفهم ياخوك ،، اتوقع أنتهت هالقناة من فترة طويلة )
نظامها أصبح كنظام القناة السعودية الرسمية الأولى !!!!!!!!!!!

[الشبل]

كل القنوات الحكومية على هالحال ما ادري اشلون لكم نفس تشوفو هالقنوات انا من سنين ما فتحت عليهم

[خالد الغفيلي]

المشاركة الأصلية كتبت بواسطة الشبل

كل القنوات الحكومية على هالحال ما ادري اشلون لكم نفس تشوفو هالقنوات انا من سنين ما فتحت عليهم

والله فيه بعض القنوات الحكوميه ممتازه , مثل سوريا وقطر ...

لكن تبقى القنوات الحصرية افضل بكثير

[سوالف بنت]

دائما التلفزيون الحكومي جامد وخالي من الابداع مادري يمكن لان اللي يعملون فيه موظفين حكومه اهم شي يقبض معاشه اخر الشهر
عاد خساره تلفزيون الكويت كان قديما الافضل والاحسن والاجمل
كان يامكان

[روائي]

يقواكم الله جميعا

[محمد العيدان]

الطامة الكبرى ان جهة الرقابة المسرحية هي جهة حكومية وتوافق على حوارات المسرحية وبعد ذلك يتم حذف الحوارات من جهة الرقابة التلفزيونية وهي جهة حكومية ايضا !!!!!

[الدنيا لحظة]

قناة الكويت من اسوء القنوات بس هالسنة برمضان المسلسلات بدعت يعني فيه مسلسلات وايد حصرية

وفيه قناة افتتحوها اسمها كلنا الكويت يعرضون مسلسلات كويتية قديمة

شطرا

[بحر الحب]

عادي ..

مرة من المرات عرض تلفزيوننا الموقر مسرحية ( الكرة مدورة ) , وفي مشهد الملعب كان هناك حوار بين غانم الصالح وعبدالرحمن العقل ..

غانم قال : سم
ورد عليه العقل : عسى الله يسم اسرائيل

لكن مع نطق عبدالرحمن العقل لهالجملة كتموا صوته وماسمعناه شقال