لا والله المسرح مو مثل قبل مليان وين قبل كم سنة وين الحين .. مسرحية سوبر صطار 2003 كان الجمهور مليان الان المسرح صغير جدا لا مليان ولاشيء خلها على الله

الجمهور يريد عبدالناصر درويش

الفن الخليجي بكبرة ماله هدف
وطارق ماشي مع التيار
مايقدمه مو اقل من الي قاعد يقدم في المسلسلات او المسارح الاخرى

للعـلم فقط ..

مسـرح طارق الي تنتقده وتقول أنه بلا هدف والبعض يصفه بالفشل !

فول المسرح لمدت ثلاث أسابيع والى الان ماعملو ولا دعايه للمسرحية .. لاتلفزيونيه ولا بالجريده
وحتى ماسوو مؤتمر صحفي :) ..

للعـلم فقط !!

والله العتب عالجمهور اهو اللي معطيه ويه

بصراحه انا كنت من المعجبين بمسرحياته وما اطوف ولا مسرحيه له تمر بالسنه

لكن الحين لي 3 سنين ما طبيت مسرحه

خاصة بعد خاربه خاربه والالفاظ الخادشه للحياء والتلميحات اللي انا اخجلت منها

وكنت رايحه مع اخوي وعائلتي كلهم طلعوا منها مستائين لقلة الاحترام و عدم مراعاة العوائل الحاضره للمسرحيه


وكل اللي يتفاعلون معاه شباب مراهقين

مسكين بوحمود يكسر الخاطر ..

كل الفنانين الكبار والعمالقة بلقاءاتهم ينتقدون المسرح وانه صار مجرد تهريج , لكن عمرهم ماذكروا اسمه او اي اسم ثاني ..
ومع ذلك طارق يرد عليهم ويقول علموني المسرح لو كنت مهرج ..

اللي على راسه البطحة يابوحمود .. يقشرها وياكها