[كوكب الشرق]

الجميع يعلم بان 80 بال 100 من الشعب الكويتي هرب من الكويت اثناء الغزو الغاشم ولجأ للدول المجاورة خوفا من بطش الاحتلال والغزاة !!!

ما هو رايكم بمن لجأ للدول المجاورة ؟؟؟ هل هو عديم الولاء ؟؟؟ هل الخوف من بطش الغزاة عذرا كافيا للهرب وترك ارض الوطن فريسة سهله للغزاة ؟؟؟

[بحر الحب]

يعني 80% من الكويتيين مالهم ولاء للديرة !!!

تأكد بأن كل عايلة كويتية سواء بقت بالكويت او هاجرت لها أسير او شهيد , وما في أي عائلة كويتية ما فقدت أحد
والله يرحم من مات

[كوكب الشرق]

المشاركة الأصلية كتبت بواسطة بحر الحب

يعني 80% من الكويتيين مالهم ولاء للديرة !!!

تأكد بأن كل عايلة كويتية سواء بقت بالكويت او هاجرت لها أسير او شهيد , وما في أي عائلة كويتية ما فقدت أحد
والله يرحم من مات

يا عزيزي ما قلت مالهم ولاء !!! أنا طرحت سؤال : هل الخوف من الغزاة سبب كافي للهرب واللجوء للدول الشقيقة ؟؟

[القدير]

موكلهم تقريبا 75% منهم الي راحوا لان اصلا كان وقتها اجازة الصيف وكل الناس برا الديرة


والباجي ظلوا بالكويت يقاومون

[كوكب الشرق]

المشاركة الأصلية كتبت بواسطة القدير

موكلهم تقريبا 75% منهم الي راحوا لان اصلا كان وقتها اجازة الصيف وكل الناس برا الديرة


والباجي ظلوا بالكويت يقاومون

فعلا نسبة كبيرة من الكويتيين كانو مسافرين !!! لكن غالبية المتواجدين بالكويت يوم الغزو لجأوا للمملكة العربية السعودية في الايام الاولى من الغزو

[روائي]

والله اللي داخل الكويت واللي خارجها ما الومهم واكيد المشاعر واحده والالم واحد والجرح واحد

لكن انا مو باط جبدي الا اللي على سبيل المثال وليس الحصر في منطقة الصباحيه مع احترامي لاهلها

الجنسية الكويتية تنقط بالشارع وجنهم متاكدين انها ماراح ترجع !! ويطلعون جناسيهم الثانيه ويروحون لبلدهم الثاني وجنه الكويت مالها فضل عليهم

ولما صار التحرير يدشون الكويت بعين قويه بعد ماسمعوا بال500 لكل كويتي اثناء تلك الفتره ولا يطالبون بتعويضات بعد !!!!

يعني المال اهم من الكويت

شي يقهر بس شنو نقول غير هذي الكويت صل على النبي ديرة بطيخ الكل ينهش فيها من كل صوب

وولاءه للمادة !!!!

[هرول]

ايام الغزو اذكرها للحين
بصراحة كانت وناسة فريق كرة مجلس تعاون . سعوديين وكويتيين
والمدرسة اجازة ورا اجازه
كنا صغار ومانفهم وماخذينها سعة صدر
ماكنا وقتها نفهم وش يعني حرب
للحين اذكر كمامي ابو خرطوم ،
لايتزحلق علي كويتي ويكرفسني ، وقتها كان عمري تسع سنين
هههههههههه

[• رماد إنسان •]

المشاركة الأصلية كتبت بواسطة هرول

ايام الغزو اذكرها للحين
بصراحة كانت وناسة فريق كرة مجلس تعاون . سعوديين وكويتيين
والمدرسة اجازة ورا اجازه
كنا صغار ومانفهم وماخذينها سعة صدر
ماكنا وقتها نفهم وش يعني حرب
للحين اذكر كمامي ابو خرطوم ،
لايتزحلق علي كويتي ويكرفسني ، وقتها كان عمري تسع سنين
هههههههههه

هههههه آيآم رغم قسسوتها على الشعب الكويتي

لكن فعلا كانت صورة حقيقية للتلاحم الخليجي


مدري ليش تذكرت هالكلمة للمرحوم ابو فيصل آيآم الغزو





حمى الله الخليج من كل عدوان

[محمد العيدان]

الكل يعرف ان دول مجلس التعاون الخليجي لم يتعرضوا لاي حرب والله يجنبنا شر الحروب .. فقط نشاهد هذه الامور في التلفزيون ولكن عندما حصل ماحصل كان ثلثي الشعب خارج البلد لتمضية اجازة الصيف خارج البلاد والبعض الاخر لديه الحجة بالخروج لان الخوف على اهله وبناته كان سمة الناس بمثل هذه الظروف والكثير خرج من البلاد ولم يكن لديه اهل في الخليج وانا ضد كلمة صامد او هارب او غيرها من هذه المصطلحات لان الكل تكيف مع الوضع الذي كان في صالحه من ناحية الخروج او البقاء ... كثير من الدول بها ناس هربت من جحيم حكوماتها لسنوات وسنوات فمابالك من تعرض بلده لغزو من بلد اخر ...