[مكسورة وتبرد]

المشاركة الأصلية كتبت بواسطة محامي القصبي

ياختي ساره ماقلنا شي شوجي مبدعه وممتازة بمجال التمثيل ماحد يختلف على هالنقطةعن اخبارها لـ فنها فقط وماذا تقدم؟
لكن انا أتكلم بشكل عام أنها صحيح صغيرة لكن بامانة وخل نكون واقعيين هل متابعينها واللي يبحثون
أكثر اللي يحبونها ويبحثون عن صورها ومدري ايش مراهقات وخير دليل ذالك المنتدى كل صفحة صفحتين صور شوجي وكلام مراهقين ( يالبيه ياويلي عليه ياعمري ياحياتي اموت على هالزين ) !!

فهمتي وش اقصد ؟
يعني أشتهرت بقوة ونجاحها بسب هالبزران !!!
ماقولك لا هي مش ممثلة او فاشلة بالعكس ممثلة كويسة وتعجبني احياناً لكن أؤكد بأن لولا السعوديات ( المراهقات ) وبعض المراهقات بشكل عام في منطقة الخليج كانت شوجي مثلها مثل صمود وشهد وغيرها

معاك 100% ياليت اللي يمدحونها ويعظمونها يقولون لنا شنو الادوار اللي قدمتها عشان تكون بهالمكانه العظيمه اللي حاطينها فيها ؟!! شنو تفرق عن شهد وصمود مثلا ؟ شنو المسلسل اللي شالته ورفعها فوق ؟ خلونا نكون واقعيين قاعدتها الجماهيريه ما اكتسبتها الا من بعد برنامج شوجي ولا قبل محد كان يطق لها خبر ومعظم جمهورها من السعوديه ومراهقات تقدرون تتاكدون من منتداها الرسمي

المشاركة الأصلية كتبت بواسطة بحر الحب

لا يوجد احد شبه شجون بسعاد او حياة ..
ومن الخطأ تشبيه اي فنان بآخر .. لأن العمر الفني يختلف بينهم

والبعض يظن بأن شجون أو غيرها لن تكون مميزة الا اذا تطابقت شخصيتها الفنية مع سعاد او حياة 100%

وهذا خطأ لأن لكل فنان اسلوبه وخطه وشخصيته

يا اخوي ما ابيها تطابق شخصيتهم مو هذا القصد لكن شجون ما قدمت شي كبيير حتى نشبها فيهم

في اللي يقول شجون بمثابة سعاد وحياة سعاد وحياة اعمالهم من بداياتهم للحين تنعرض شوفوا الوطن الحين حاطين خرج ولم يعد وللحين اتابع حلقاته اول باول و هاذي الاعمال اللي صج تستحق المدح وانا مو من ذاك الجيل عمل له اكثر من عشرين سنه وللحين يلاقي المتابعه ... اما شجون ما قدمت شي كبييير حتى تعطونها هالمكانه العظيمه اشوفها ممثله عاااديه جدا جدا

المشاركة الأصلية كتبت بواسطة بو يعقوب

أعتقد أن المبالغة بسبب ندرة الفنانات الحقيقيات في هذا الوقت

وبالفعل هذا المدح مبالغ فيه

نعم انا معاك

المشاركة الأصلية كتبت بواسطة الشبل

شجون نجحت بسبب شخصيتها و تمثيلها اما لو على كلامك ان المراهقين السعوديين حبوها عشان شكلها او جمالها اقول لك صباح الخير !! لأن الكل يجمع ان شجون ما فيها اي شي من الجمال الخلقي لكن حبوها الناس لشخصيتها المميزه و لإبداعها بالتمثيل

و ثانياً كل الخليج يعرفها مو بس المراهقين السعوديين فلا تعظم من دورهم و هم ما لهم اي دور

صج كلامه معظم جمهورها من السعوديه هم اللي معطينها اكبر من حجمها وحتى فبرنامجها شوجي معظم اللي كانوا يتصلون عليها من السعوديه وانا ماشوفها قدمت شي كبير حتى تستاهل كل هالتمجيد

اقنعوني شنو الادوار اللي قدمتها شوجي حتى تمجدونها بالطريقه هاذي ؟؟