[كاظم]

المشاركة الأصلية كتبت بواسطة كفاح

أخوي أنا ماقلت مو كوميدي وماقلت مو فنان أنا ما اهضم حق أحد وأقرا ردي الاول أول رد وتعرف

أنا قلت سابقا طارق أنسان موهوب ويمتلك قدرات عاليه لإضحاك الناس

بس اخوي أنت ماودك طارق يغير من مسرحياته يعني أسألك بالله راضي عن الخمس مسرحيات الاخيره لعلمك يا اخوي أنا أتابع طارق ومعجب فيه من أكثر من 15 سنه يعني لحقت على مسرحياته القديمه أبيك أخوي تقارنلي مسرحياته القديمه بمسرحياته الحين فرق شاسع طارق يوم كان ثنائي مع أنتصار الشراح ومحمد العجيمي كانوا يبدعون كانو فنانين بمعنى الكلمة بس الحين هبط مستواه صار يقدم أي كلام وهذا شيء يحزني

أتمنى اخوي فهمت ليش أحنا ننتقد طارق

اهو قصده استمر يا طارق بمسرحيات اللي تحتوي على ألفاظ سيئة وكلام بذيء هذا هو المسرح المطلوب في هذا الزمن ...... ( مسرح خرابيط مسرح منحط) بالله هذا فن كويتي بالله هذا مسرح عرفناه .... المسرح ليس كالسابق حتى انه ليس قبل 10 سنوات واقل ايضا.... كل ماله من أردى إلى اردى شوف الطرح والحوارات هل هذا كان موجود بالسابق اتحدى ,,,,موجود ولكن ليس بنفس مستوى الآن .... والكل يؤيد كلامي

[هدبدب العلوي الحربي]

ما يبيلها برهان عبدالحسين عبدالرضا اكيد
الى كل من قارن بين العملاق (( عبدالحسين عبدالرضا )) و القزم (( طارق العلي ))
ما يبيلها براهين و دلائل طبعا و اكيد بو عدنان يا جماعه معقول واحد يمثل من سنه 1960
يتقارن مع واحد صارله 15 سنه يمثل يا عمي رووووووح بو عدنان يوم يمثل كان طارق توه بالمهاد
شلون يتقارن مع العوود
واذا عن طارق اذا يبي يكمل مسيرته الفنية ويحقق نجاح خله يرجع مثل اعماله من سنه 2000 الى 2005
من بعد 2005 بصراحه مع قروبه الجديد ما حقق نجاح ولو حقق نجاح سبب النجاح الخروج من النص وبخصووص مسرحيته الجديده الطرطنقي لولا بو حسين (( داوود حسين )) كان ما نجحت خل يحمد ربه ان فنان واحد من القروب القديم جاله ويظل معاااه
برب رب

[The leader]

أنا احد جمهور طارق العلي وجمهور الفنان عبد العزيز المسلم

لكن .. الحق يقااااال

مشهد واحد من مسرحية باي باي لندن او على هامان يافرعون = جميع مسرحيات طارق العلي وعبدالعزيز المسلم

اتمنى من جمهور الفنان عبد العزيز المسلم وطارق العلي مايزعلون من الحقيقه ..

[كاظم]

المشاركة الأصلية كتبت بواسطة the leader

أنا احد جمهور طارق العلي وجمهور الفنان عبد العزيز المسلم

لكن .. الحق يقااااال

مشهد واحد من مسرحية باي باي لندن او على هامان يافرعون = جميع مسرحيات طارق العلي وعبدالعزيز المسلم

اتمنى من جمهور الفنان عبد العزيز المسلم وطارق العلي مايزعلون من الحقيقه ..

كلامك بالصميم أنا أؤيد هذا الكلام الذي قلته كله

[محمد إبراهيم علي]

في البدايه السلام عليكم ورحمة الله وبركاته

طبعا هذه اول مشاركات لي في شبكة الدراما والمسرح الكويتيه الخليجية و الحقيقيه حبيت اشكر كل العاملين على الأهتمام والطرح القيم لبعض المواضيع والنقاش فيها بكل احترااام متبادل وهذا يدل على فكر وثقافة الأعضاء .
لاأطيل الحديث بس حبيت أشارك في موضوع مقارنه الأستاذ الفنان طارق العلي والعملاق الفنان عبدالحسين عبدالرضا ، انا عن نفسي اشوف الفنان طارق العلي يحاول الوصول او تجسد شخصية العملاق الفنان عبدالحسين عبدالرضا وهذا الشي مو عيب ولا تنقيص من الغير ولا يقلد إلا الناجح وإنما لا نقول المقارنه بين الأثنين لكل شخص شخصيته وجمهوره المحبوب واللي يحترمه وهذا الشي معروف في الساحه الفنية .
طيب نحن كجمهور نريد ان نقول للفنان طارق العلي مع كل احترام له و مايقدمه من أعمال مسرحيه نريد نصووووص وليس اغلب المسرحيه (خااارج النص) . الصراحه مسرحية بخيت وبخيته احس فيها نص وإبداع والله يعطيكم العافيه على ماقدمتموه .

الف شكر للجمييييييييييييييييع ،،،،،،،،،،،،،،

[الصراحة]

عبد الحسين عبدالرضا يقول
خلوه اش عليكم منه الريال عايز طنازة

يقصد طارق

[دلال ومدللّك]

ما انكر طارق العلي يضحكني بحركاته وقطاته
بس جرأته وايد وقحه هالفتره ! السب والالفاظ والتشبيهات و تعيبه على الكومبارس وبصراحه مسرحياته مو مسرحيات تروح لها عايله كلش
بفهم لي وين بيوصلنا بهاللزمات اللي لها ايحاءات خارجه عن الادب
لو يبطل من هالجرأه اللي مالها داعي لانها ماتضحك حدها تطيحه من عينا والله راح نحبه اكثر
يعني بمسلسل الفلته ابدع ! ليش مايكون نفسه بالمسرحيات مافيه قطات قليلة ادب ...

[كاظم]

المشاركة الأصلية كتبت بواسطة دلال ومدللّك

ما انكر طارق العلي يضحكني بحركاته وقطاته
بس جرأته وايد وقحه هالفتره ! السب والالفاظ والتشبيهات و تعيبه على الكومبارس وبصراحه مسرحياته مو مسرحيات تروح لها عايله كلش
بفهم لي وين بيوصلنا بهاللزمات اللي لها ايحاءات خارجه عن الادب
لو يبطل من هالجرأه اللي مالها داعي لانها ماتضحك حدها تطيحه من عينا والله راح نحبه اكثر
يعني بمسلسل الفلته ابدع ! ليش مايكون نفسه بالمسرحيات مافيه قطات قليلة ادب ...

هذا الكلام كله صحيح

[كاظم]

طارق العلي يقدم مسرح أطفال سخافة وتهريج .... الخ تضييع وقت على الفاضي ما تطلع بزبده... مسرحيه تبتدي فجأة ولا اهي منتهية شسالفة وشنو القصة ما تدري ! هذا بالنسبة لمسرحيته الاخيره الفاشلة طرطنقي