[محمد العيدان]

موضوع جميل كتبته احدى الصحفيات والتي نحمل اسم حركي وهو خالتي قماشة استقطعت منه الموضوع الذي بالاسفل عن حكاية مرض بوعدنان العام الماضي والذي نفاها وقتها جملة وتفصيلا مدير اعماله السيد حسن السلمان عندما اتصل بي شخصيا وحمل شبكتنا هذا الموضوع والذي كان منشورا وقتها في احدى الصحف السعودية ... اليكم رابط هذا الموضوع

http://forum.fnkuwait.com/showthread...DA%E6%CF%ED%C9



واليكم ماكتب عن هذا الموضوع والذي اتمنى من السلمان ان ينفيه مرة اخرى او يؤكده للكاتبة خالتي قماشة ... واليكم ماكتب حرفيا :


«الجمبزه»
< قبل عام واكثر أصيب عبدالحسين عبدالرضا حسب ما قالوا مقربين منه بمرض انفلونزا الخنازير..يا حيل الله..شنو This..كيف و..اشلون..«تييكم السالفة»...
< عبدالحسين حساس وايد ما يحب أحد يعرف شيء عن صحتة شيء، مع انه شخصية عامة ومن حق الناس تعرف..بس مالك أمل..اخفى سالفه اللي سوته الخنازير فيه، .
كان عبده في رمضان اللي طاف في شقتة في لندن – العاده رمضاناته لندنية أو مصرية -..عقبها يه الكويت جم يوم، وطار الى مصر، أيامها كانت مصر مولعة بمرض انفلونزا الخنازير وقامت حكومة مبارك باعدام عشش الفراخ ومزارع الخنازير والناس «تولول» على مصدر رزقها الوحيد..
< ذيك الايام أصيب بوعدين بانفلونزا الخنازير اللي تنام «بمردام الآدمي «وترقد على بيضها جم شهر وعقب تطلع الأعراض...رجع بوعدنان لندن، وانعزم على عرس ملكي بالسعوديه، لبى الدعوة..
< وكالعادة في الأعراس استقبل عبدالحسين كلمن سلم عليه وطاحله بووس فيهم مع نكتة على الطاير....
< في صباح اليوم الثاني حس بسخونة غير شكل، وطاح «مارد» الفن الكويتي خذوه على المستشفى، وطلبوا ياخذون منه عينه من بلعومه..فرفض بإباء وشمم على اساس بيرجع لندن عند خالتي الملكة اليزابيث وبيشوف سبب الحراره اللي ولعت فيه..
< أصروا عليه يتعالج بالسعوديه ف» لان «شويه لانه قال «ليش ارفض أتعالج بهالمستشفى الراقي، ويمي منسدح سمو الأمير الملكي..وهناك نايم سمو «صغيرونو» فوافق على أخذ عينة منه...وعينك ما تشوف الا النور.

راح ولدنا ملح
< أثناء أخذ العينه من بلعوم عبدالحسين عبدالرضا في المشفى السعودي تم جرح وتر في حنجرتة ففقد صوته..وصار «يبحبح» همسا (يا حراام)...طار عقبها الى لندن عشان خالتو الملكة اليزابيث تدير بالها عليه، وهذا سبب غيابه عن دراما رمضان السنة اللي طافت مع انه كان في مشروع أعلن عنه بالصحافه بينه وبين الكاتبه هبه مشاري حماده في مسلسل «السرداب» فتوقف المشروع.
< اشلون يمثل وماكو صوت، فأحسن شيء التوقف لحين عودتة صوتة الكرواني...وما زال يعاني من تداعيات العينه اياها، وطار من فترة الى احدى المدن الفرنسية..حتى يشيلون ورمة صغيرونه طلعت في بلاعيمه بحسب الزميله القبس (لا حول الله اشسويتو بالريال يا مستشفى؟!)...
< مدير اعمال عبدالحسين اسمه حسن السلمان عباله الدنيا صغيرونه فرد على الصحافة بالنفي التام والا جدامكم الموت الزؤوام...نفي دخول عبدالحسين المستشفى الفرنسي المشهور بازالة الأورام، وعلل وجود بوعدنان هناك بأنه «رايح يتونس مع ربعه في المستشفى»...شدعوه السلمان اشهالصواريخ...

يروح النار
< السؤال الأهم ما دام الانسان معرض للصحة والمرض ليش بوعدنان «حريص» واايد على اخفاء حالتة الصحية عن جمهوره، اللي ما يخفى عليه شي، وهي اللي تزيد من النار في الاشاعات بين الصج والجذب..
< ومادام هو رضى يصير شخصية عامه فليش التكتم والنفي و «الجمبزه» بالعكس هي فرصة يشوف فيها «لمة» حبايبه حواليه ويعرف انه محبوب مع ان أعماله التلفزيونية الاخيره مو هالكثر...حسون بلا صواريخ انته وعمك وخلكم صريحين وشفافين مثل رفيجه محمد عبده.



http://alwatan.kuwait.tt/articledeta...rQuarter=20114

[صدى التاريخ]

مادام الخيط والمخيط بإيده اكيد يبي يصرح وينفي بمزاجه

ها يالسلمان الحين جريدة الوطن الكويتية هي اللي تكلمت عنك نبي نشوف ردك البهلواني على الجريدة ولة لسانك راح يتوقف ؟

[عضو مجلس]

يبي يسوي لنفسه اهمية على ظهر بوعدنان

[بحر الحب]

خالتي قماشة = ليلى أحمد


أكثر من 4 أو 6 أعوام وبوعدنان في حالة عزله شديدة واختفاء اعلامي لا تظهر اخباره الفنية او الصحية الا مرة كل عشر شهور , والسبب معروف .. المدعو حسن السلمان وفعايله

[محمد العيدان]

اشكر الجميع على المرور

[الأنين]

الحين اطفال الروضة يتحكموا بكل شئ حسب رايهم الشخصي
هالدور رجال بسن السبعين بيسمح لحد يتحكم ويشك ويخيط من مزاجه لو مو راضي عليه ماخلاه يتولى ادارة اعماله لسنوات

ومايشوف شر بالحالتين

شكرا