[بحر الحب]

المشاركة الأصلية كتبت بواسطة >< ساره ><

# بحــــر الحــــب #

انت مبدع ،
تبتكر مواضيع ماتخطر على البال ،، وكلها بقمة الروعه !

مشاهد الموت هي باختصار ابداع "فنان" يصيغ جوها المؤلف ويتحكّم المخرج بالوقفه والجلوس وكت على المقاطع ولكن تفاصيلها يصنعها الفنان نفسه !!
ياما شفنا مشاهد مؤثره يقتلها برود الممثل أو اللي حواليه ،، وأخرى ذرفنا دموعنا عليها بدون لاينطق الفنان بولاكلمه ،،

يبا احنا ماعندنا ريّس ، احنا عندنا شيوخ ،، وشيوخنا الصباح ،، وأميرنا جابر وبس !!!
مازلت ابجي على هالمشهد بــ كل مره أشوفه

مشهد موته كان يخوفني !!

من بدايته الى نهايته فظيع !!
من أروع مشاهد حياة الفهد من لما تركض بدون حجاب لما تطلع من داره وبيدها عياله !!!

فظيع فظيع !!
وصلاح الملا وبومبارك احلى ادواره على الإطلاق !!

منو يصدق على مدى 30 يوم هاللّقطه اللي ببداية التتر اللي ماأعرناها اهمية بتكون اهم مشهد بالمسلسل !!
موتتها وايد مؤثره وخاصّة لما تغني وياهم ( أطفال ببرائتهم ) ،، قعدنا نبجي

روووووووعه ياأم سوزان !
هالإنسانه لما تنزل دمعتها احس قلبي يعوّرني ،،

بجرح الزمن يوم تنزله من السّياره وتطالعه بنظره عقب ماينزل ،،!!!!

فاضل رفيج هلال !!
يعور القلب !! ويوم يقول هلال ببرائه : منو بيطلع معاي ؟! أو شي من هالحجي ،،

وليد شي ماشيات وايد يعور القلب ، ووايد حبيناه
فعلاً موتته آخر حلقة او اللي قبل الأخيره وايد مؤثره ،،

##
##

بعد اذنك بزيد عليهم :

موتة جاسم بدارت الأيام تعوووووور القلب !!
يمكن هذا أقوى مشهد موت شفته

طيف وهبه والخرجي كلهم بدّعو خاصة الأولى كملت ذهولها من موت ولدها الوحيد الى الحلقه 29 واهي معوره قلوبنا لما يتزاولها وتكلمه :'(

صقر أخو البنات الحنون ماننسى حلقة موته !!
تعوّر القلب ،، يمكن ماطلّعو مشهد موته ولكن صراخ البنات وشريط الذكريات اللي مر علينا ،، ومن باجر لما ( جمعه ) يتذكّر لحظاته الأخيره رجعنا نبجي مرة ثانيه ،

منو ينسى موتة جاسم الخراز ؟!
وكلمته حق مرته ( مومحلّلين ) وذهولها بعد موته ولما تسكّر عينه ،،

اداء روعه من الكبير بوصلاح ، الف رحمه عليه ،

نهاية باسم ياخور بـ أخوة التراب تبجي تبجي تبجي
وايد مؤثرة !! لما كان يحتضر بعد القنبله و يشوف "الالعاب" اللي كان يسوي فيها تمثيليات أيام الحرب ويتسلى فيها مع ربعه ! وفجأة نظرته يوم يدوسون عليها ( ،

ماما نونه بعد كسرت خاطرنا آخر حلقه ،،

رحيم في الليل وآخره يوم يشوف حبيبته عقب 20 سنه ويقرر يتزوجها جان يموت فجأأة
وحسنات تتم طول عمرها تزور قبره لما ماتت ،،

مشهد موت أسامه في الجوارح فظيع !
موتته قوية مثل شخصيته بالمسلسل !! ولما طقه أبوه بالسهم مارضى أحد يمسكه ،،

هذا اللي نكّد علي العيد
خلود والبطيطه وبجي زهرة عرفات وخواتها ،، وبعدين اخته الكبيره يوم بينتقلون جان تقول وخالد ماراح ايي ويانا

شكراً عالموضوع فتحتلنا جروح قديمه :d

وانتي الابداع بعينه يا سارة على الرد الكبير والاضافات المميزة ..
مشهد سعاد في ( الزوارة ) على ان النهاية كانت سلق بيض وبسرعة بسرعة الا انها كانت مؤثرة ولن تنسى ابدا ..

ومن اضافاتج .. تعجبني مشاهد :
وفاة ماما نونا في ( يتربى في عزو )
ووفاة اسامة في ( الجوارح )

مشاهد عظيمة

المشاركة الأصلية كتبت بواسطة فارس الخبر

موظوع رائع مثل عادة بحر الحب

تعليقات بسيطة اقل من مستوى هالموظوع الرائع

1- إضافات رائعة من باقي الأعضاء خصوصا الأخت سارة
2- ترتيب الإبداع في الأداء يحتاج مراجعة خصوصا الفرية يستحق مركز أفضل
3- وفاة الأبن في دارت الأيام يتفوق على وفاة الأبن في أم البنات بمراحل عديدة وخصوصا المؤثرات والممثلين المرافقين في الأداء. (يمكن يكون غلطة المخرج وليس تقليلا من سعاد عبد الله)
4- إبداع بو عدنان في سيف العرب ما يحتاج نقاش ولكن ما ننسى العملاق الآخر خالد العبيد وحياة الفهد اضافوا للمشهد بعدا اخر بدون ما نبخسهم حقهم.

الموظوع يحتاج صفحات وما اعتقد أفضل 10 مشاهد عدد يكفي.

أهلا أخوي فارس ..
بخصوص الترتيب .. فأنا رتبتهم عشوائيا وذكرت هالشي في بداية الموضوع لان ترتيب مثل هالمشاهد صعب جدا

وبالتأكيد 10 مشاهد قليلة فعلا

المشاركة الأصلية كتبت بواسطة عابر سبيل

يااااه ... موضوع كبير يا بدر , لي عودة بعد مشاهدة كل المشاهد مع أنني شاهدتها و أتذكرها جيدا ,

بانتظارك