[بشاير]

سنة 2012 عندي احساس راح تكون نفس 2011 بالضبط

(حبر العيون) للامانه بعض المرات اتحمس له وبعض المرات مااتفائل فيه كلللللش ، بس الشي الحلو اللي فيه وجود ام سوزان+ المقله ..هالشي بحد ذاته يخليني اتفائل واتحمس للعمل..
...
(ساهر الليل3) هذا المسلسل الوحيد اللي متفائله فيه ومستعده اراهن عليه بعد ،، المسلسل امانتن كقصه وكـ اخراج وكـ ابطال راااااااااااائع +فترة الغزو اللي ليلحين ماحد تجرأ وناقش هالفتره +المخرج الكبير دحام الشمري اللي يخليني غصبن علي اشوف ابداعاته وطريقة اخراجه المميزه وهم الكاتب الشاب المبدع فهد العليوه اللي في الاونه الاخيره صارله صيت حلووو من بد كل كتابنا الشباب
...
(مسلسل جدران) ابدااا مو متفائله بالعمل وخاصه من شفت المخرج منير الزعبي ماسك الاخراج فيه يعني ابشروا بمسلسل مليان اخطاء من اوله لاخره + ثنائية شجون وفاطمه اللي صارت ممله وتلووع الجبد، هالعمل من اللحين حاطه عليه اكسس حتى اخباره وصوره مااحرص على متابعتها لانه بختصار ""ماشدني""
....
(خادمة القوم) هدى فااااااااااااشله جدا جدا بالانتاج واكره شي في هدى تحب تفرض اقاربها مثل الشطي اللي اول مره يدخل باخراج "مسلسل تلفزيوني" بصراحه مغامره من هدى حسين ولاتستبعدون وجود صديقتها وحبيبة قلبها "مها محمد" في هالعمل ،، الشي اللي يشفع للعمل وجود اسم وداد الكواري فقط
.....
( جنة الشام ..الخ) مادري جنة شاميه وسبع شاميات خخخخ ،،، تكراااااااااااااااار واتعب وانا اقول تكرااااااااااار
،، نفس القروب تقريبا ، وهبه ماتوقع راح تبدع بهالفتره لانها جديده عليها و موجوها ، وبختصار هبه حماده بدون ام طلال عليها اكبر (اكسسسس) مع احترامي لها
....
(العافور) ليلحين ماعرفنا عنه اي شي سواء اسمه يعني ماراح اتكلم فيه ،، بس احساسي يقول انه بيمر مرور الكرااام
(دافي الشعور) اعمال الجطيلي ممممممممله وماتشد للمتابعه كلللللللللش اتوقع مستوى هالعمل نفس مستوى لهفة الخاطر..
....
هم في اعمال قاعدين يصورونها اللحين لرمضان مثل مسلسل(شارع 90) اللي شدني وااايد بقصته وهالعمل اتوقع انتاج دحام الشمري )
............
شكرا اخوي على طرحك المميز

[بحر الحب]

اقتباس لرد الزميلة سارة

لنتكلم اولاً على دراما ( الموسم الشتوي ) واللي طاحو فيها آخر سنتين ولكن هالسنه زاد العيار حبتين !! ،
الكبيرتين سعاد وحياة ،، اضافة الى الهام الفضاله ، هدى الخطيب وابراهيم الحربي ، وغيرهم !! كلهم داشين اعمال موسميه ،

بالعكس أراها ظاهرة جدا صحية حيث نشاهد العديد من الاعمال طوال السنة ولا تتكدس في رمضان فقط ..
والملاحظ فعلا انها زادت هالسنة عن العام وقبله وهذا دليل على رواجها ونجاحها

اما عن الأعمال الرمضانية فمتفائله بـــ
- ام سوزان : بتبتعد عن التراث + كتاباتها وانتاجها وتكتفي بالتمثيل واللي يحتاج تفرغ كامل وحسب علمي بدو او على وشك يبتدون تصويره
- هبه حماده : وجود القفاص بدل ( الدايخ ) الزعبي يخليني اتفائل بالعمل جداً وحقبة يديدة على هبه اول مره تكتب عنها ( الستينات )،
- فترة ساهر الليل مثل ماقلت وأرجع اقول مافي عمل عندنا ( مميّز ) ناقش الغزو !! وأتوقع مافي أحسن من عدسة دحام الشمري ووجود كاتب شاب مثل العليوه اللي بيخلينا نتفائل : )
- جدران تبكي في الظلام ، تمثيل سعد الفرج العام أسرني ووجوه مثل فخريه خميس وخفيفة الدم نشوى مصطفى ، محمد جابر وانتصار الشراح وحسن البلام !! وضيف عليهم شجون وفطّوم
اما ايمان السلطان وايد حبّيت هالتعمق بالشخصيات واللي سوته بعلمني كيف أنساك !! دخلت لأعماق كل شخصية وحللتها ،، على الرغم انها صغيره وحديثة عهد بالكتابه بس واضح عندها موهبه مايستهان فيها

الجميل في عمل ام سوزان انها تركت الانتاج والتأليف وشاركت كممثلة فقط .. لكن التراجيديا المكررة عندها اضافة الى تصوير العمل في الامارات وامور اخرى لا يدعون الى التفاؤل ..

أما سعد الفرج .. فقبل سنوات كان متأخر كثيرا عن ابناء جيله ولكنه صحى من غفلته وحاليا يسجل تقدم كبير عليهم وجدا متفائل بدوره في ( الجدران ) ..

العافور صارلهم شهرين موقفين كلام عنّه !! بيصورون بوعدنان ،، ماراح يصوره ،، ماندري
- داوود حسين مازال يتخبّط ! ويقولون بيطير القاهره يصور عمله وبيكون سيت كوم ،، صراحه مومتفائله !
- الكواري ماعجبتني وايد العام ، واللي قبله بتاتاً شلون مع مخرج مبتدئ وانتاج هدى حسين وعلى قولتك قتالة الشجعان يكفي !!!! ،،
- صمت غريب لــ سعاد عبدالله العام كانت مبلشه تصوير فرصه واللي قبله على وشك وايام ام البنات في كواليس لهم بالمطر والشتا يعني بادين ! وهذي عادة ام طلال تحب تبتدي مبجّر ،،، لهالدرجه النصوص اللي متقدمتلها قويّة وماخذت قرار ليلحين ؟!

شخصيا لا اتمنى ظهور داوود حسين في أي عمل حتى لو اذاعي لانه أصبح عاله على العديد من المشاهدين وينطبق عليه المثل : اكرام الميت دفنه ..

سعاد عبدالله للاسف توقعنا انها مع هبة حمادة هذا العام لكن لا يوجد .. وفعلا صمت غريب وكلنا انتظار لعملها