[نجواني الكويت]

اول شي الله يعطيك العافيه على الطرح والاسلوب الجميل

انا اوفقك الراي

المسلم فعلا ختم مسيرة مسرح الرعب من بعد زمن دراكولا

لانه قدمك ثلاثيه صعب صعب جدا يقدم مثلها

( مصاص الدماء , البيت المسكون , زمن دراكولا )

انا مثلك حضرت المسرحية ثلاث مرات على مسرح نادي القادسيه

حضرت اول عرض باول يوم العيد وكانت المسرحية عباره عن فلم سينمائي مرعب ... ماكانت فيها كوميديا بالمررررررررررره الاضاءة كانت باغلب الاوقات خفيفه ومرعبه

لاكن يوم حضرت لها ثاني يوم العيد العرض الاخير تفاجأءت بصراحه شنو اللي صاير ؟؟؟ المسرحية صارت كوميديه ... مشاهد رقص الاستعراضيين كان يدخل المسلم يسوي حركات بايخه عشان الناس تضحك .

واستغربت بصراحه شنو اللي قاعدي يصير كان مسرحية ثانيه ... وبعدها بيوم الي اذكره يوم كنا في الزوارة جريدة الامباء نزلت خبر في البوابه الفنيه ان الرقابه انتزعت العرب من زمن دراكولا ... ف عرفت ان السالفه فيها رقابه ... نفس الحال مع اول اعلان نزل لقصر الرعب اللي فيه صراخ انعرض اسبوع وبعدين امنعوه من العرض تلفزيون الكويت ونزل الخبر في جريدة الوطن اخر صفحه وكان مكتوب فيها المشاهدين يطالبون بمنع عرض اعلان قصر الرعب وقت الافطار .... لان بصراحه كنا نتفطر وبعد الاذان على طووول صراخ وكنا نناقز بوقتها يعني لو مالله ستر جان قصينا بالاكل .

نرجع لزمن دراكولا : النسخه اللي نزلت على الفيديو والدي في دي للاسف كانت نسخه ماتستحق المشاهده للاسف لان كل شي واضح
1- التصفيق المضاف
2- الضحك
3- المونتاج تعبان
4- مشكلة التصوير بان بينو ان في مشاهد مافيها جمهور والكراسي فاضيه

مشكلة هالمسرحية ان كمية الرعب فيها بسيطه يعني قصتها اقرب للرومانسيه والغموض... البيت المسكون تغلبت على مصاص وزمن دراكولا

والدليل ان لقاء عبدالعزيز في تلفزيون الكويت اواخر ايام العيد ... كانت المذيعه تقوله ان لمى عملنا مقابلات مع الناس بعد انتهاء عروض زمن دراكولا الكل اشاد بالمسرحية وحلاوتها والانبهار في الديكورات ... لاكن الكل اتفق ان كمية الرعب كانت بسيطه ويطالبون بزيادة جرعة الرعب في المسرحية


ومشكوووووووووووووووووووووووووووووووووووووووووووووو ر وسامحني على الطواله

[نجواني الكويت]

المشاركة الأصلية كتبت بواسطة الإسكافي

عمل راقي وضخم

وتم تسجيل نسختين من المسرحية

النسخة الأولى : رعب وإثارة

النسخة الثانية : رعب وكوميديا

للأسف نزلوا النسخة الأولى

نزلوا الثانيه قصدك

[الإسكافي]

المشاركة الأصلية كتبت بواسطة نجواني الكويت

نزلوا الثانيه قصدك

أي النسخه اللي ما تعتمد عالكوميديا وايد

مسرحية قصر الرعب أجمل شي فيها :

1 - القصه

2 - الديكور

3 - الخدع

وصح كلامك أتذكر الإعلان في رمضان ... كنا نخترع من الصراخ