[محمد....]

السلام عليكم و رحمة الله و بركاته

انا حبيت انفرد في هذا الموضوع و ما اشمله مع موضوع (( تغطية مسلسل البيت بيت ابونا )) حتى يقراه الكل, لانه في ناس مب عاجبها المسلسل و ماراح تدخل موضوع التغطية .فعشان جذي انا حبيت انفرد فيه و اتمنى من الاداره الكريمه انه تخلي الموضوع بنفسه

مسلسل البيت بيت ابونا
قصة جميله جداً , الفكره رااائعه و واقعيه و اعتقد محد تطرق على هالموضوع من قبل و انا احيي الكاتبه وداد الكواري على هذه الفكره و كان اختيار مووفق من ام سوزان و ام طلال في اختيار النص و هذه اقولها في منتهى الصرااحه , لكن ,,!!
كان بامكان من الكاتبه ان تخلي روح العمل مثل ( اعمال العملاقتين القديمه )
لكن ليش يا وداد الكواري تنفرين الناس من مشاهدة المسلسل؟؟
هناك ملاحظات على المسلسل الي خلت كثير من الناس ما تتابعه و تمل منه

الملاحظة الأولى و المهمه :
تمطيط الاحداث بشكل كبيييير جداً
الاحداث الي صارت من الحلقه الأولى لين الـ 13 مشوقه و بعضها مضحكه جداً و كلها واقعيه , (بداية من خلاف الاخوات و موضوع الاتكاليه و فجأه يتوهقون في غياب الأب و محد قادر يتصرف و كيف بيتفقون و هم محاربين بعض و اشلون بيتصالحون و اشلون بيصرفون عالبيت و العيال كلهم فشله و الأبو افتقر,,,, احداث جميله و الواحد يتمتع فيها , لكن مب في اسبوعين !!! هالأمور هاذي كلها تصير في 5 أو 6 حلقات بس ما يستحق اكثر و خاصةً انه العمل فيه كوميديا الموقف , و التمطيط هذا يزيل طعم الكوميديا و كثر خيرهم الفنانين انه يضحكونه بالرغم من رتم العمل الممل جداً .

الملاحظة الثانيه :
(( الورث ))
ورث , نورثك , بعد موتي , ورثني , بورثك تورثني
و كأنه الكاتبه توها متعلمه الكلمه هاذي و حطتها في كل الحلقات !!!
الواحد ما يقول هالكلام و محد يتمنى الشر لأبوه ولا لأمه, لكن كثرة استعمال الكلمه هاذي عند الكبار و الشباب و الشبات في هذه المسلسل تخلي الواحد يقولها حتى في حياته و يفاول على امه و أبووه , و طبعاً ما تكررت الكلمه هاذي الا بسبب التمطيط في الاحداث و زيادة الحوارات الي مالها دااااعي ابداً

الملاحظه الثالثه :
الحوارات
جميييل ان تكون فيه جمل باللغه العربيه الفصحى , و جمييل ان تكون في امثال عربيه و اشعار تنقال في المسلسل , لكن مب الكل يتكلم بهالطريقه ( الفااااشل الي ماله بالثقافه و حياته كلها طررررب + المغازلجي + البنت المراهقه + الأم الي ما تعلمت +الطالب الي دارس في اميركا كلهم يتكلموون بهالطريقه!!!!!؟؟؟؟؟
ما نوعت كلللش و خللت الكل يتكلم بأسلووب واحد و (( كثر خير الممثلين انهم اضافوو شوي في العمل )) يعني الشخصيات الي المفروض تتكلم بهالطريقه (( خالد البريكي )) دوره كاتب ممكن يتكلم بهالطريقه , ( مشاري البلام ) محامي ايضاً ممكن , ( حياة الفهد ) تهتم بالقراءه و الثقافه ممكن , لكن الباقي ليش؟؟
للاسف خلت الحوارات ثقيلة وطويله بعضها ( اتلاشت أو راحت ) في المجتمع الخليجي و العربي , و الفنانه شيماء علي واضح انها حافظه الحوار بالغصب و حتى بعض الفنانين الي ما اعرف اساميهم, و صارو بعضهم يمثلون ولا عايشين الدور صح بس قول حوارك صح بالحركات , مب ضعف من ممثل لكن اهو انحصر و صعب انه يعطي , حتى في بعض مشاهد حياة الفهد و سعاد عبدالله يقولونها بطريقة تمثيليه واضحه فما بالك الباقي

في الختااام
عودة العملاقتين بهذه الفكره كانت موفقه , الفكره كوميديه واقعيه و فيها احداث وايد و اكشنات , و يستفيد منها الكبير و الصغير , مسلسل تربوي + عائلي + راقي
و يذكرني واايد في احداث مسلسل (( رقيه و سكبيه و على الدنيا السلام وغيرهم )) اذا تم تليين او تخفيف المسلسل و اختصاره في 15 حلقه بس كنه بنشوف عمل ناجح 90% ,

و العملاقتين كانو ثنائي , و لازالوو ثنائي جمييييل جداً . و اجتماعهم مع بعض وااايد حلوو , و انشالله يكون هناك اجتماع اخر و يمتعونه مثل مسلسل (( البيت بيت ابونا ))

تحياتي

[صوت تبوك]

فعلا هناك تمطيط بالمشاهد وودي لو كان ١٥ او ٢٠ حلقه بالكثير
بس اللي رافع ضغطي الشايب ابو قحه وولد سعاد اسلوبه وشكله رافع ضغطي

[هذا أنا]

المشاركة الأصلية كتبت بواسطة صوت تبوك

فعلا هناك تمطيط بالمشاهد وودي لو كان 15 او 20 حلقه بالكثير
بس اللي رافع ضغطي الشايب ابو قحه وولد سعاد اسلوبه وشكله رافع ضغطي

و انا نفسكويا اخوي بو كحة يبط الجبد
و ولد سعاد عبدالله ثقيل دم يزعم يضحكنا مالت عليه


بصراحة العمل دون المستوى الحلقات الاولى صراخ و زعيج
و يظنون انهم بيضحكونا
ياليتهن ما اجتمعن

للعلم اتابع المسلسل غصبا عني لاني ضبطت روحي معاه
اتذكر العام بعد المسلسل الممل مجموعة انسان

بصراحة سعد الفرج يحتاج موضوع صاير ممل و ثقيل دم
خلاص سويت عليه اكس و لا بتابع اعماله

[BAREQ]

بخصوص هالعمل انا اخالفك بالفوائد الي ذكرتها للمسلسل لأن ما شفت اي حسنة اقدر أمدح بها هالعمل او اقدر اواصل في متابعته لأنه فعلاً عمل فاشل بكل معنى الكلمة .. و بالنسبة لحسنة اجتماع سعاد و حياة أشوف العكس ان اجتماعهم بهالعمل الركيك هو انتقاص بحقهم و الخطأ الأكبر انهم قبلو الإجتماع فيه .. أتمنى ان نوصل لمستوى القدرة على انتقاد العمالقة اذا فشلو مثلهم مثل غيرهم .

[كاتب مبتدئ]

كل النقاط أوافقك عليها ومابعد كلامك كلام .. العمل الحسنتين الوحيدين اللي فيه وجود سعاد وحياة + الفكره المبتكره .. وداد تحتاج لإعادة حساباتها

[محمد العيدان]

المشكلة الكبرى بأعمال رمضان هي تمطيط الحلقات لدرجة الملل

[عزآهـ]

مافي اي شي يشفع لنجاح المسلسسل للأسف الشديد

اتوقع لو كان المسلسل درامي تراجيدي كان ينجح

يعني يكون اخت شريره و اخت طيبه و مضلومه

او اختين بينهم عداوه و ثار قديم

و حوار و شخصيات قوية

[حيزبون]

المسلسل جميل من كل النواحي

والله يطول في عمرهم ويعطيهم الصحة والعافيه

وبالتوفيق الى بوعدنان وبو بدر

وكلهم على راسي

[محمد....]

بالعكس يا جمااااعه المسلسل فكرته وااايد حلوه و كان بامكان الكاتبه انها تخلي المسلسل وايد حلو لكن الحوارات ثقيله و مهب عفويه و التمطيط الي صاير ممل جداً و حتى المفردات الي باللغه العربيه الفصحى مبااالغ فيها و هاذي من ضمن النقاط الي ذكرتها
و يعطيكم العافيه عالردود و المرور