[الحــــازمي]

بسم الله الرحمن الرحيم

السلام عليكم ورحمة الله وبركاته ،، اتمنى ان تكونو بخير

طارق العلي ،، وبعدين !! والى أين ؟؟

أنا لا أنكر أني كنت من جمهور طارق ،، ولا أنكر أن هذا الشخص كان بالنسبة لي إدمااان
في مرحلة من مراحل حياتي ليست ببعيدة ،،

ولاكن بعدما مر الوقت ومرت الايام والسنين كان كل شي يتضح لي تلو الاخر بالتدريج يعني
اكتشفت أشياء كثيرة لـ طارق العلي وراح اسردها لكم

طارق العلي في المسرح :-

أنا تقريبا تابعت اكثر من 90% من مسرحيات طارق والمسرحية الواحدة شفتها اكثر من 10 مرات تقريبا
يعني بالمختصر كذا ،، أنا مذاكر طارق

طارق كـ خفة دم وكـ قبول أنا أعطيه 100 ٪
وطارق كـ ممثل وكـ حامل رسالة يا دوب أعطيه 4٪

وفي فن المسرح لازم الرسالة والهدف والمضمون والكوميديا يكونون مع بعض مو ضحك للضحك فقط
طارق في بداية مسيرته المسرحية كان رائع وكان مضمون المسرحية وقصتها حلوة ،، تجذبك كـ مشاهد تبي تشوف النهاية كيف تصير ،،

أما مسرحياته الاخيرة 1- البيت بيتك 2- حاميها حراميها 3- بخيت وبخيتة 4- الطرطنقي 5- بسنا فلوس 6- تحت الصفر ،، اللي أنا اسميها مسرحيات الـ ( الوجبات السريعة ) اللي يقدمها للجمهور للكسب المادي ،، وطول المسرحية ضحك لمجرد الضحك فقط وفي النهاية بطريقة مباشرة ينتقد كل شي ،، الفن يجب ان توصل لي كـ متفرج المشاكل بطريقة غير مباشرة وتطرح لها الحلول ،، مو ترفع علم الكويت في النهاية يعني اني أحث على اللُحمة الوطنية ،، هذا يسمى ( إستخفاااااااااف ) بعقول الناس

وحتى أدائه قل بشكل ملحوظ ،، والدليل المسرحية الكارثية بسنا فلوس كان دوره دور شايب نفس دوره في المسرحية الرائعة آه يادرب الزلق ،، لاكن ما تقمص ولا حسيت انه شايب في بسنا فلوس

ولما نشوف المسرحيات المصرية كـ مثال قريب ،، أقل مسرحية تعرض لمدة 4 سنوات ،، وطارق كل سنة مسرحية ،، راح يوصل مرحلة الناس يقولون له خلاص ملينا من اسلوبك المتكرر ومسرحياتك المتشابهه ونفس الكلام اللي تقوله خلااااص ،، وانا من الحين جالس أقولها ،،
نصيحه مني لطارق يعني لو يوقف سنتين مسرح حتى الجمهور يشتاق له ويراجع حساباته ويرجع لنا بقصة عظيمة وعناصر رائعة ،، نبغاك ترجع زي أيام ،، صح لسانك و ما يصح إلا الصحيح و قدها ونص ايام عز ومجد طارق

الحين يجيني واحد يقولي اهم شي انه يضحك ،، أقوله إرجع شوف مسرحيات عادل إمام وسمير غانم ومحمد صبحي ومسرحياتهم كلهم كوميدية لاكن لها قصه وفكرة وهدف ،، طارق آخر مسرحياته بس يضحك بس ،، وقالها سمير غانم ويحيى الفخراني لما تضحك وفي النهاية مالك ولا هدف خلاص تبووووز الحكاية ولا كأنك عملت حاجة


طارق العلي في السينما :-

له فيلمين الأول الفلم الكارثي معتوق في بانكوك ،، اعتبره فيلم غبي أحداثة تصير في كل فلم عربي يعني ما حسيت بشي جديد ،، حتى طارق ماضحكني في الفيلم ،، وسبب ان الفلم نجح ماديا هوا تسويق الفيلم اللي بعض القنوات كانت تعلن للفيلم بدون مقابل مادي ،، وان جمهور الخليج متعطش سينمائيا

والفلم الثاني هالو كايرو اللي اعتبره نوعا ما جيد بالنسبة لفيلم معتوق في بانكوك كـ قصه وعناصر كـ حسن حسني وأحمد بدير والفيلم فشل في السوق المصري

وحكمي على طارق سينامئيا كـ ممثل سينمائي مبتدئ لأن السينما والتلفزون تختلف عن المسرح



هذا رأيي في طارق ،، واللي عنده نقد لـ نقدي يتفضل هنا يكتب رده
تحياتي

الحازمي ksa

[الحياله]

اخــــــــوي الحآزمــــــي يعطيك العافية على طرحك الموضوع
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,
النقطه الأولـــــــــــى :
طارق العلي ممثل كوميدي من العيار الثقيل طارق ايام 97 ميلادي كانت مسرحياته توب التوب مثل صح لسانك هالمسرحية تابعتها اكثر اكثر من 5 مرات وبصراحه ضحكني كثير لكن طارق ينقصه انه يبتعد عن الانتقاد يعني مثلا يكون طارق العلي ومع احترامي له انه يكون بمشهد حواري مضحك مثلا بعطيكم حوار طارق العلي : يالسكران اطلع بيتكم - السكران : انا واقف على الدرج - طارق العلي: اطلع طيب وش منتظر - السكران هو يطلع من حاله - طارق العلي: بعض الاسواق مافيها درج يصعدك تبي بيت حكومي فيه درج صاحي انت ؟ وعند الانتهاء من المشهد ولم يجد شي يضحك الجمهور او لم يطيب خاطرهم على قولتهم ينتقل مثلا لشهاب حاجية وينتقده انت ليه دب انا لو مكانك ماقدر اتحرك وهكذا وصلت لكم ,, انا من جمهور طارق العلي تابعت بعض مسرحياته لم اقل كلها تابعت الاغلب منها ,,
.................................................. .................................................. .............................
النقطه الثــــــــــآنيـــــــــة والأخيره :
كما يعلم الاغلب انه طارق العلي صارت معه مشكلة اهوا وهيا الشعيبي وطلعو مع العيدان وباسم وحاولو يحلوها على التلفزيون امام المتابعين وكنت اتمنى انه يصلحون بيهما لكن ماحصل هالشي ! يعني كانو اصحاب واصدقاء وكان طارق يطقها اول باقوى ويضحكون ولمن تحصل مشكلة لكن قبل فترة هيا تقول طارق طقني او بعنى ضربني على صدري وانا طلعت 4 يوم عزاء ابوي المسرح مع طارق عشانه وقلت الملح والعيش الي بيننا وهي تبكي (تبجي) بصراحه انا ماني عارف مين الغلطآن الى الأن .. هذي وجهات نظري واتمنى اتمنى ماحد يزعل منها والي يبي يرد علي ياخذ راححته تقبلو ودي

[عزآهـ]

طارق العلي من بعد 2005 انتهى مسرحياً

او بشكل اصح من بعد مسرحية سوبر سطار انتهى و افلس فنياً

فمسرحياته اصبحت متشابهه في الحوار

و تحتوي على نفس المحتويات :

- اول المسرحية انتقاد في الحكومة الكويتية

- في نص المسرحية طائفية واضحه (بين السنة و الشيعة ) - ( بين الخوال و البيض )

- مضخرة زايدة في شهاب حاجية بأعتبار اصوله ايرانية

- ضرب الممثلين الي معاه امثال : هيآ الشعيبي و فرحان العلي

- قبل آخر المسرحية ( طرب و دنابك و رقص )

- و آخر المسرحية يمدح الكويت و اهل الكويت و يقول عبارته المعتاده ( جميع المذاهب و جميعنا مايفرقنا شي ( سني شيعي مسيحي انا كويتي و مذهبي كويتي و اصلي كويتي) !!

- في سنوات الأخيره صار يعتمد على قروب معروف ولم يتغير و كأنها عناصر اساسية

( شهاب حاجيه - هيآ الشعيبي - فرحان العلي - سوسن الهارون - و السخيف سلطان العلي )

و لو نلاحظ انه يغير البطولة فقط في بعض المسرحيات :

- مسرحية حاميها حراميها 2008( خالد البريكي )

- مسرحية خاربة خاربة2009 ( عبدالرحمن العقل )

- مسرحية بوسارة في العمارة2010 ( احمد فرج )

- مسرحية بخيت و بخيته2011 ( جمال الردهان )

- مسرحية الطرطنقي 2012( داوود حسين )

[.. ترآتيل ..]

شفت له مسرحية تحت آلصفر .. يآربي حدهآ سآآآمجه ..

4 سآعآت وآنآ آطآلعهآ وهآلجمهور طول آلوقت يتكركر وآنآ نفسي آضحك ضحكه يتيمه مآ لك آمل ..

يعني لآ ضحكت و لآ آستفدت شي ..

المشكله طول الوقت آهوو آللي يتكلم واذا غيره تكلم سسكته آو خلآه يقول كلمتين ويسكت !!

حتى الممثلين اللي معآآه لو تشوف وجييهم كآنهم مآ لهم خلق آبداً ..

قبل فترة هيا تقول طارق طقني او بعنى ضربني على صدري وانا طلعت 4 يوم عزاء ابوي المسرح مع طارق عشانه

بخصوص هآلموضوع صحيح طآرق ضربهآ ضرب مو صآحي ..

يعني لوو حآمل كآن سقطت هآلمسكينه .. يآلله آرتآحت منه ..

[محمد العيدان]

مستقبلا وبعد اختفاء الرعيل الاول سيكون الفن الكويتي كحال البيوت القديمة التي نشاهدها ونترحم على ايامها الجميلة

[البدرة]

انا اعيب على الفنان طارق كثرة استهزائه بالناس والسخرية على خلق الله بقصد اضحاك الجمهور

ولكنني لا انكر انني استمتعت في وقتا ما بمسرحياته وضحكت مع ناس اعزها في جلسات حلوة واحنا نشاهد مسرحياته

[* Hanadi *]

طارق ببساطة ( انسان ساذج ) يقيس النجاح بكثرة الجمهور والمتابعين !!

طارق احد اسباب دمار المسرح .. وأحد اسباب انحدار مستوى الدراما الخليجية !!

اعتقد ان آخر مسرحية ( محترمة ) وتستحق المشاهدة لـ طارق هي مسرحية البيت بيتك .. رغم تحفظي على مستوى هذه المسرحية