[الجليب]

المشكلة انهم يمثلون بطريقة تحسس الاخرين ان كثير من المجتمع الكويتي اصبح هكذا هذه هي قضية بعض الكتاب او المنتجين مو قضية ان هذا واقع او لا ... المفروض يطرحون القضايا بطريقة مقنعة واداء مقنع وممثلين موهوبين و ما يعممون ... حنا شاهدنا مسلسل جرح الزمن وثمن عمري على سبيل المثال .. هالمسلسلين تطرقا لعدة قضايا ومشاكل بطريقة حسست الاخرين ان هذه المشاكل موجودة بالعالم العربي مو بس بالكويت .... و الاحداث متسلسلة .... و الادوار موزعة بشكل ممتاز و القصة واضحة .... صدق عبدالله الحبيل لما قال الان اكثر من مسلسل يبين لك ان عايلة كاملة منتهية شالعايلة اللي ما فيها واحد صالح ....اساءة و تشويه لمجتمع باكمله و بشكل متعمد هذا غير المسلسلات اللي غصب تبي تبين للعالم ان الكويتيين اغلبهم تجار وعايشين في قصور وهذا مو صحيح... هالنوعية من الاعمال اللي فيها جرأة وواقعية لا يتفنن و يبدع فيها ويوصلها بالشكل المطلوب و الصحيح الا فنان او فنانة بحجم حياة الفهد .