[ابولين]

المشاركة الأصلية كتبت بواسطة عندليب الكويت

على فكرة .. عمرها ٥٧ ..

معتق
وبعدين وش عرفك

[عندليب الكويت]

سألتها عن عمرها وقصة حياتها أيضا خلال زياتي الأولى للفندق .. وذلك في إحدى الليالي حين كنت جالسا في الدور الأرضي ..

[الفن الجميل]

الحمد الله على السلامة اشوه انك ما رحت عندليب سمعت الخبر خفت عليك خصوصًا أن كنت غايب عدة أيام عن المنتدى...


57 تعتبر صغيرة وبعز النضج اذا اهتمت بنفسها وكشخت وكانت هادية مو عصبية شوف سمية الخشاب بعمرها بس ماشاء الله جنها بالثلاثين للحين

صج عندليب هل كانت لك مغامرات في مراقص سوريا بالماضي؟

[ابولين]

المشاركة الأصلية كتبت بواسطة عندليب الكويت

سألتها عن عمرها وقصة حياتها أيضا خلال زياتي الأولى للفندق .. وذلك في إحدى الليالي حين كنت جالسا في الدور الأرضي ..

ايوه كذا فهمت
مع العلم انك ماتوفر شئ

[الفن الجميل]

اليوم رحت مسرحية طارق العلي (آخر رحلة)

للأمانة التنظيم كان جبار وتعاون كبير وفطنة فيهم ومشددين على التصوير ماشاء الله ما يمدي واحد يمسك تلفونه يصور إلا الفلشر يصير عليه

طبعًا العرض كان المفروض الساعة 10:30 بس المسرحية بدت الساعة 11

بدت المسرحية وكنت متوقع ان الاداء يكون ضعيف لأنهم كانو عارضين الساعة 7 بتوقعت من التعب ينزل المستوى لكن بالعكس كانو الكل الممثلين بنفس الحماس وقوة الأداء

الممثل السعودي (سعود المطيري) صج دوره صغير بس ماشاء الله عليه له حضور

طارق العلي << للأمانة رجع لمستواه الفني قبل 2012 من قطات واداء كوميدي للأمانة ضحكنا مو نفس اداءه بمسرحياته الأخيرة


سعيد الملا <<< شي جبار واداء وخفة وكوميديا اصلا حتى لو كان ساكت كنت طول الوقت اضحك عليه وخصوصًا وصلة الاغنية والرقص شي فضيع

نورا بالالف<<< للامانة ع الطبيعة وايد حلوة واحلى من التصوير جميلة البنت تلق بيضاء ماشاء الله ودمها عسل وخصوصًأ انها طولت شعرها وتخليو بيضة ولابسة بنفسجي شي لا يوصف

محمد عاشور <<< اكثر واحد ضحكني للأمانة هالإنسان مبدع ويذكرني بفنانين مسرح الرشود

اسماعيل سرور<< كان مبدع ورجعنا لأيام مسرحيات 2000

هند البلوشي << اخيرا شفتها ع الطبيعة شي فخم للأمانة جميلة ونفس طلتها الحلوة بالتلفزيون بس حوارها قليل لاسف

لأمانة كل شي حلو من تنظيم الى مسرح الا اداء ما ندمت على فلوس التذكرة ابدا بالعكس ضحكت لين دخت ما قصرو وانا اهني ما اجامل او امدح تعرفوني ما احب شي بس اقول الصج

المسرحية فل زحمة ما توقعت هالشي ولا كرسي فاضي بس فوق وتحت من سعوديين وقطريين واماراتيين س العيب الوحيد المسافة بين الكراسي ضيقة يعني ريولك تقصلص ما تقدر تمدهم والمكيف عجيب والاضافات السينمائية تطور كبير بمستوى طارق الشي رجع لأيامه نجاحاته لأن الفترة الأخيرة مر بمرحلة ركود فني

[ابولين]

انت دائما ما تذم الاعمال ورأيك في محله وتحليلك للاعمال منطقيه وتحترم سواء
اتفقنا او اختلفنا
هالمره غير تماما مدح غير ما تعودنا عليه وطبعا اصدقك لانك ما تجامل اعرفك لو فيه عيب ذكرته
السؤال هنا او السبب
هل هو فعلا مثل ما ذكرت او الحضور المباشر يكون له تأثير يختلف عن المشاهده عبر التلفزيون
فالحضور يجعلك تشاهد كل شئ على طبيعته غير النقل التلفزيوني واللى يتحكم بها المخرج
ويضع لك ما يريد من تقطيع ويفسد عليك المتعه وبعدين تؤثر على الواحد بالحكم

[الفن الجميل]

المشاركة الأصلية كتبت بواسطة ابولين

انت دائما ما تذم الاعمال ورأيك في محله وتحليلك للاعمال منطقيه وتحترم سواء
اتفقنا او اختلفنا
هالمره غير تماما مدح غير ما تعودنا عليه وطبعا اصدقك لانك ما تجامل اعرفك لو فيه عيب ذكرته
السؤال هنا او السبب
هل هو فعلا مثل ما ذكرت او الحضور المباشر يكون له تأثير يختلف عن المشاهده عبر التلفزيون
فالحضور يجعلك تشاهد كل شئ على طبيعته غير النقل التلفزيوني واللى يتحكم بها المخرج
ويضع لك ما يريد من تقطيع ويفسد عليك المتعه وبعدين تؤثر على الواحد بالحكم

لا طبعا، معاك حق ماكو شي كامل بس انا حبيت بهالتقرير التفصيلي اركز على الاشياء الحلوة والايجايبية لو لاحظت اني ما مدحت نورا وعلقت على شكلها لأنها اصلا دورها فاضي .. ركزت هالمرة على العطافة والذكريات الجميلة مع اسماعيل سرور. بس بشكل عام طارق نزل وايد من بعد سنة 2014 لأن هيا الشعيبي وأن كانت سخيفة احيانا الا انها تركت فراق كبير بس بهالمسرحية هاذي تطور وايد وسعيد الملا ما قصر خذ مكان هيا وصك عليها بخفته وانا طبعا لم رحت توقعت انا بشوف شي مش حالك وكنت مجهز نقد وانتقادات بس انصدمت من الواقع شي جيد هالمرة وبالطلعة كان الكل مستانس وراضي :d انا اخترت طارق هالمرة لأن مسرحيات هالسنة كلها رقص وهز ويا وز وماكو قصة كلها رقص ولوعة جبد على الاقل اهني انا ضامن اني اضحك على القطات< بالعربي اهون الموجود



هالصورة بالخش قدرت اصورها