[قعدان]

هذا الاوبريت ختام مسرحية فرحة امه عام 1985 م امام قادة دول الخليج ،، اداه كلا من : عبدالحسين عبدالرضا وسعاد عبدالله واستقلال احمد وغانم الصالح
وفيما يلي النص : -

بسم الله
ياالله نفتح صفحة جديده .. بسم الله
صفحة محبة بعون الله
نفتح صفحة
فيها الفرحة
مرسومة على وجيه سمحة ..
فرحة امه
ومجلس قمه
ايه والله وياحلو اللمه
والتوفيق باذن الله
بسم الله .....
يافرحة حلوه
طيري بسلامه
وهاتيلي لوز وحلوى
من المنامه ..
واهل الامارات يتريونك
لا يكون تنسين
روحي يافرحة ومتعي عيونك
في منظر العين ..
يافرحة لي منك وصلتي عمان
ماعليك خلاف شوفيها
في واحة ماشافها انسان
الا عشقها وانفتن فيها ..
يافرحة مايحتاج ما اوصيك
مري على الدوحة
تلقين كل الناس بتلاقيك
بقلوب مفتوحة ..
وهناك ورد الطايف
يافرحة اول ماتروحين
سويلك قلادة
ومن ورود الطايف
هاتيلي ست وردات حلوين
بهديها للقادة ..
بسم الشعوب اللي تحت راياتهم
بسم الشباب اللي الامل غاياتهم
والحين يافرحة تعالي وشوفي
شوفي السعادة والهنا في كل بيت
على الملاعب والمدارس طوفي
شوفي البراعم من شباب الكويت ..
جيل تعلم من فعال اجداده
يفدي حياته للكويت بلاده
واحنا لها ورقابنا سداده
وكل خطوه نبتدي بسم الله
يامحلى جمع الشمل يامحلاه
..................
.............
......
..
.

[امل]

كلمات جميله و مسرحيه رائعه وهي عرضت اثناء انعقاد مؤتمر القمه الخليجي عام 83 و ليس 85

الف شكر لك اخوي