شهاب حاجية: طلبت رفع أجري 50 دينارا فاستبعدوني
 

ثار استبعاد الفنان الكوميدي شهاب حاجية من تقديم برنامج «خيمة فنون» ووضع المذيع مشعل الشايع بدلا منه استغراب المشاهدين والعاملين في المجال الفني، خصوصا أنه منذ انطلاقة البرنامج في الموسم الماضي عرف أنه من تقديم شهاب حاجية.

http://www.alqabas.com.kw/Temp/Pictu...7_category.jpg


تفاصيل الخبر المثير على هذا الرابط /

http://www.alqabas.com.kw/Article.aspx?id=564442&date=05012010


التعليق : المادة وما ادراك ما المادة .. ومن طمع طبع

صدقت استاذ محمد العيدان (المادة وما ادراك ما المادة)فهذا المذيع مشعل الشايع نجده في كل مكان هل من المعقول قبل شهر كان في ريفيرس ونشاهده بالمسرحيات وايضا في المسلسلات الا يعتقد ان الناس ستمل من مشاهدته ام ان المادة اعمت عينه وانسته احترام الحمهور بالتقليل من الظهور.
لكن اعيد واقول من طمع ما شبع

تقبل مروري وسامحني عالتطويل

انا اشوف من حق شهاب حاجيه يرفع اجراه لانه ممثل متميز وايضاً مذيع متميز

شكرا اخوي محمد على الخبر

بس حلو التنوع في مقدمين البرامج إذا كان للبرامج مواسم متعددة مثل برنامج ولا كلمة

حتى المشاهد ما يمل تكرار البرامج

ودنا نعرف كم ياخذ مشعل الشايع خخخخخخخخخخـ اكيد 49 دينار

التنويع والتغيير حلو ولكن هذا النوع من التغيير يسمى تغيير سلبي ويضر البرنامج

اول ما قريت ( طلبت رفع اجري ) تعجبت ولما قريت ( 50 دينار ) ضحكت ...
خلف الله علينا بس 50 دينار , فباقي الدول الفنانين يلعبون لعب بالملايين وكل شهر يزيدون اجورهم بما لا يقل عن مليون ... ليتك ما تكلمت يا شهاب لان كلامك يفشل بصراحة , واشوه بعد انه ماقال اجره كم حتى ما نضحك اكثر .

اخوي بالحلقه الوحده خمسين دينار مو العمل كله!

محمد العيدان

الموضوع مكرر انا منزلته قبل!!
ليه السرقه :confused:



هههههههه حلالك امزح معك

بس صدق والله انا منزلته قبلك

عطيني رابط موضوعك وانا مستعد احذف موضوعي

ماعند سالفه الشايع
من جد يصلح مهرج

يسلمو ع الخبر

انا اقول شهاب حاجيه اولى من الشايع

يكفي على الشايع ولا كلمه

ماحبه الشايع مو شء بالتقديم حاجيه أحسن بوايد

المذيع مشعل الشايع حلو الفنان شهاب حاجيه حلو
كلهم حلوين

الشايع مقدم جيد بس اللي يقول فكرة اعداد مقدم جديد فأشوف انه الشايع صاير ممل من كثر مانشوفه في كل البرامج وشهاب حاجيه الصراحة انسان فكاهي ومهضوم وخفيف دم وحتى تقديمة في خيمة فنون ممتاز خصوصا انه في مثل هالبرامج يحتاج شويه ضرافه مقبوله وشهاب راعيها الصراحة .
وازيدكم انا من شفت الشايع يسوي سيرك ويجلب بالحبل قلت اكيد يبا يمثل دور طرزان لكن الحين علمت انه راح يقدم في خيمة فنون...

كلهم عينين في راس لكن من وجهت نظري ان شهاب افضل من الشايع لان الشايع يحاول يضحك بالغصب وهو دمه ثقيييييل

ترى مسخت السالفة والشايع زودها حبتين نطالب بعودة شهااااااااااااااب


وشكراااااا على الخبر

يسلموووو ع الخبر

هذي المادة و ما تسوي .... للأسف .... البرنامج حلو بس وين الأول عالثاني !!!

إذا نظرنا لمشواري هذين الفنانين ( مشعل الشايع وشهاب حاجيه ) فكلاهما من خامة الممثلين وليسوا مذيعين .. ولكن إدارة برنامج رأت أن يكون العمل ودي ومرح أكثر .. والأخ مشعل يحمل روح دعابة وخفة ظل أكثر خصوصا ما إذا كان برنامج ولا كلمة 2 هو الجزء الناجح بعد ما أنقذه من الفشل بسبب سوء التقديم والتعالي وشكلية الديكور المتواضعة في الجزء الأول .. والمجاملات الطاغية في الجزء الثالث .. وبالنسبة للأستاذ شهاب حاجية نحن عرفناك كممثل وأحببنا أدوارك .. ولا نريد أن تخيب ظنوننا فيك كمذيع ..
وفي الأخير يبقى مشعل وشهاب إخوان وكلنا نحبهم ..
تحياتي لكم

آنا صراحة حابة شهاب حاجية كممثل ...والشايع أنعرف ونحب كمذيع ...
وأأمن بالتخصص يعني كل واحد يبدع في مجاله ألي نعرف فيه...
كل فنان ومذيع لهم ناس يتقبلونهم وناس لأ تبقى أذواق وآراء....
بس في شغلة...تغير المذيع من قبل الأدارة نهائيا مو ذنب المذيع الثاني المختار (بغض النظر عن الشايع)أين كان هذا قرار من الأدارة ,,, وشكرا أخوي محمد

والله فشله ...

تبي تقدم شي يا مشعل الشايع ميز نفسك في برنامج جديد من فكره ومضمون موتاخذ اعمال معروضه من ناس ميزوه على جذي ماراح يكون فيه شي جديد من تقديمك لان شهاب حاجيه تعودنه على ظهوره واسلوبه بالبرنامج وانته راح تكون التقليد الممل للبرنامج ..... لا تفكر تاخذ بعد برنامج ( بركات الوقيان) ترى الرجال رايح علاج وان شاء الله يرجع بالسلامه ..

أتمنى من (مشعل الشايع) ان لا يحرق نفسه ويصير جوكر للبرامج المكرره

صراحتاً انا افضل شهاب حاجيه على مشعل الشايع كفايه حركاته اللي في برنامج reverse وكلام ياهال بعد في خيمة فنون عز الله خرب البرنامج حرام يستبعدون شهاب حاجيه على 50 دينار مع انه احسن من الشايع بألف مره يعني هو المذيع اللي يناسب البرنامج لانه يبي له ضرافه مب ملاغه

الصراحه الشايع جيد بس شهاب حاجيه احسه متميز اكثر
وبالتوفيق للجميع

شكرا على المرور

سبحان الله رغم نجاح قناه فنون الى انها متمسكه بثقيل الدم مشعل الشايع

اتوقع انه هو الى يدفع لهم فلوس علشان يطلع ويتسبب لنا بغثه لا تطاق

عندما انا واصدقائي نشاهده في قناه فنون على طول نبدل القناه

لماذا فنون تجمع الكديش من الفاشلين

قناة فنون قناه محترمه أكبر من هذه التهم وايضاً الفنان شهاب كبير وبعيد عن هذه عن المهاترات .

اولا استاذي الغالي محمد العيدان اشكرك على ها الموضوع ..
الصراحه ها الشيء مو مستغرب من قناة فنون فلاحظ ان اغلب مذيعنها من طقة البونص دينار مع احترامي لهم ناس ماتعرف تقدم برامج ودمها ثقيل هذا شي يضر القناة من كل النواحي با النسبه لها كقناة تصنف نفسها انها قناة الكوميديا الاولى في الخليج العربي ..
اما مشعل الشايع او (الكورال) فهو ينطبق عليه المثل القائل سبع صنايع والبخت ضايع كل يوم تشوفه في مجال ولا هو راضي يتوفق بتقديم نفسه با الشكل الصحيح واتمنى منه انه يرجع لمهنته القديمه وهي الكورال احسن له واحتراما للجماهير الي تبغى تشوف برامج فيها من الكوميديا والافيهات الراقيه ..

بالنسبة لي الاحتكار ماله داعي...و التغيير مطلوب...و شهاب حاجيه عداه العيب ..فنان خفيف الظل
لكن الملاحظة الوحيدة اللي عندي....هي تكرر وجود مشعل الشايع اغلبية البرنامج
بدينا نحس بملل ونستثقل وجوده
ترا اللي يفكر الشهرة عن طريق التواجد في كل برنامج و كل يوم....اقوله غلطان
الشهرة اثبات وجودك حتى لو برنامج واحد بالسنة....

شكرا على المرور

تجربته بهالبرنامج كانت حلوة وهو اسلوبه لطيف ومايستخف دمه كثير

لكن مع الشايع اكيد الموازين تختلف

قواك الله