آخر جمله لهبه تدل على عدة اشياء راح الخصها قدر استطاعتي:
هبه حماده ما قالت هالجمله إلا لأنها ملت من كثر مهاجمة الصحافه و الجمهور لها على خيال و انعدام واقعية مسلسلاتها
ثم انها قال هالجمله تبرير لكل السقطات عن الواقع و الواضحه جدا في معظم مسلسلاتها
و أخيرا نستنتج ان هبه ما راح تتخلى عن هالاسلوب و اهي مستمره بأحداث الافلام الهنديه في مسلسلاتها
هذا كله مو كعناته ان مسلسلاتها فاشله بل على العكس اتوقع كالعاده نص جميل و سيناريو رائع و قصه معبره و هادفه على الرغم من ابتعادها الصارخ عن الواقعيه و عن المجتمع الكويتي خصوصا بعض الشيء
لا اخفي عليكم استمتاعي بمشاهدة اعمالها بسبب الحرفيه و العفويه في الجمل و الانسيابيه في التنقل من مشهد إلى آخر
ملاحظه أخيره: رااااائع جدا ان هبه غيرت شوي و ابتعدت عن القالب اللي كانت حاطه فيه الرجل (على اساس انه وحش مفترس ينقض على فريسته المرأة) شي حلو انها غيرت هالمره و واضح انها لاحظت مثل ما لاحظوا باقي المشاهدين تشابه الخطوط السلبيه الرجاليه في معظم اعمالها و هذي نقطه ايجابيه تحسب لها، بس اتمنى انها ما تخربها آخر شي بنهاياتها مثل انها تخلي بو كريم (عنصر الخير) يقتل كريمة زوجته (عنصر الشر) عموما أتوقع بتكون عودة قويه لسعد الفرج و لا ننسى ليلى السلمان؛ طاقه ابداعيه فذه أهملت و تخبطت في السنوات الأخيره
|