[كاتب مبتدئ]

ما أقول إلا: واحسرتاه عليك ياتلفزيون الكويت!

حتى المسلسلات النادرة اللي كانت بعصرك الذهبي وتألقت فيها المسؤولين كابتينها في الأدراج ولا فكروا يعرضونها عشان يعيدون ولو جزء بسيط من هالعصر!

للأسف تعبنا نقول ملينا من "درب الزلق ورقية وسبيكة وخالتي قماشة وعلى الدنيا السلام ودرس خصوصي.." والمنوال هذا انتو عارفينه، نبي أرشيف نادر ومسلسلات ما انعرضت إلا مرة وحدة ولكن لا حياة لمن تنادي!

للأسف إن هالخلل ليس فقط في تلفزيون الكويت بل حتى في القنوات الخاصة، فنون والوطن عادت هالمسلسلات أكثر من ٥ مرات كأن الكويت في الثمانينات ما أنتجت غيرها وقناة الراي مقاطعة الأعمال الكلاسيكية تماما!

هالكلام مو بس آنا أقوله حتى الفنانين العمالقة ولكن الشكوى لله