[مسافر1429]

هذا اللي تبيه الحكومه مسرح سطي يعتمد على النكته بلا هدف
تحياتي

[بوحمد123]

يعمي وين الفن القديم يالعيدروس وين راح وضهر زمن البراطم والدراريع

[فارس الخبر]

رجل مثل الفنان الكبير محمد جابر عاصر الرواد في الستينات والسبعينات من ايام زكي طليمات وجيل العمالقة

لا بد ان ينتقد السخافات الموجودة حاليا ويصفها بسلق البيض لأن المسرحيات ايام العمالقة كانت تأخذ تحضير كبير يصل الى اشهر او سنوات قبل العرض.

ويؤسفني ان العمالقة محمد جابر وخالد العبيد الان يشاركون مشاركات سطحية مع البلام والمسلم.

وكان المفروض العكس.

[® أم حـــور ®]

المشاركة الأصلية كتبت بواسطة the leader

من وجهة نظري المتواضعه

لكل زمان دولة ورجال

هو صج ماراح يكون الجيل الحالي ( عبدالعزيز المسلم - طارق العلي )

مثل الرواد بالمسرح امثال الفنان الكبير بوعدنان وسعد الفرج وغانم الصالح ...الخ

ولكن هذا هو الزمن وهذا المسرح في الوقت الحالي والكل يبي كذا ..ولو انو المسرح هالايام

مش ناجح ماشفتو الجمهور يتزايد عليه في السنوات الأخيره ..

اسمح لي أخوي , الإقبال على المسرحية مو عذر علشان يستمر الفنان بالفن الهزيل والبديء ..

بالعكس المفروض الفنان يحاول بكل جهد أنه يوصل رسالته الفنية بأفضل وأنظف شكل للجمهور

وتعويدهم على هالشي .. المسرح الكوميدي مو بس إضحاك الأوادم , المسرح ثقافة ورسالة

الهدف منها صقل عقول الشباب وتوعيتهم بشكل ممتع يجذبهم ..

أنا مو ضد الفنان طارق العلي .. لكن أتمنى انه ما يشوه مسيرته الفنية بالفن الهابط ..

[The leader]

المشاركة الأصلية كتبت بواسطة ® أم حـــور ®

اسمح لي أخوي , الإقبال على المسرحية مو عذر علشان يستمر الفنان بالفن الهزيل والبديء ..

بالعكس المفروض الفنان يحاول بكل جهد أنه يوصل رسالته الفنية بأفضل وأنظف شكل للجمهور

وتعويدهم على هالشي .. المسرح الكوميدي مو بس إضحاك الأوادم , المسرح ثقافة ورسالة

الهدف منها صقل عقول الشباب وتوعيتهم بشكل ممتع يجذبهم ..

أنا مو ضد الفنان طارق العلي .. لكن أتمنى انه ما يشوه مسيرته الفنية بالفن الهابط ..

اختي انا معك في كلامك .. بس بغيت اقولك .. عطيني مسرحية في الآلفية الثالثه

نقدر نقول عنها مسرحية خرافية او من زمن العمالقة ؟

المسرح الآن يعتمد بشكل كبير على مسايره الحياة العصرية والتقنيات الجديده

انا في نظري مافي مسرحية راح ترجع لنا زمن المسرح الكويتي القديم ..

وبالنسبه للفنان طارق العلي الجمهور تعود عليه كذا وعاجبهم هالشي

ودام طارق يشوف في اقبال كبير على مسرحياته اكيد راح يستمر على

ماهو عليه عشان لايخسر جمهوره اللي عشقه بهالفن ..

مسرحيات طارق العلي مو بالسرعه يمل الواحد منها بعكس مسرحيات

عبد العزيز المسلم اللي تكون كمية الكوميديا فيه قليله والحكم والمثاليه

الزايده كثيره .. بعكس المسرحية الآخيره لكل منهم فـ الانس والجن نسبياً

استمتعت بها اكثر من بو ساره في العماره .. وشكرا لك اختي ..

[® أم حـــور ®]

المشاركة الأصلية كتبت بواسطة the leader

اختي انا معك في كلامك .. بس بغيت اقولك .. عطيني مسرحية في الآلفية الثالثه

نقدر نقول عنها مسرحية خرافية او من زمن العمالقة ؟

المسرح الآن يعتمد بشكل كبير على مسايره الحياة العصرية والتقنيات الجديده

انا في نظري مافي مسرحية راح ترجع لنا زمن المسرح الكويتي القديم ..

وبالنسبه للفنان طارق العلي الجمهور تعود عليه كذا وعاجبهم هالشي

ودام طارق يشوف في اقبال كبير على مسرحياته اكيد راح يستمر على

ماهو عليه عشان لايخسر جمهوره اللي عشقه بهالفن ..

مسرحيات طارق العلي مو بالسرعه يمل الواحد منها بعكس مسرحيات

عبد العزيز المسلم اللي تكون كمية الكوميديا فيه قليله والحكم والمثاليه

الزايده كثيره .. بعكس المسرحية الآخيره لكل منهم فـ الانس والجن نسبياً

استمتعت بها اكثر من بو ساره في العماره .. وشكرا لك اختي ..

العفو اخوي بس انت مافهمت قصدي بالضبط ..

(( مو الجمهور الي يتحكم في نوعية الفن المقدم ... الفنان الي يعوّد الجمهور ))

الفنان هو الي ابتدا وتجرأ في تقديم فن يعتمد على الفكاهة والسخرية بشكل مستفز

يعجب ( البعض ) .. وما همه اذا فنه بيفيد في شي او يحتوي على هدف سامي .. اهم شي

يسمع صوت الضحكات عالية .. وغاب عن باله أنه المسؤول الأول في جعل هالجمهور المتحمس

له (( جمهور سطحي يضحكه السب والضرب المبرح والسخرية الزائدة عن الحد )) ..

أنت قلت المسرح الحين يعتمد على مسايرة الحياة العصرية !!!!!!!!

هل عصرنا الحين ماشي بالكلام الوصخ والطنازة على خلقة رب العالمين ؟؟

وإن كان في رايك جذي .. ليش ما نحاول نغير من هالشي بدل ما نسايره مثل البهائم ..

اذا يبي الفنان يغير , فلازم يغير للأفضل ... مو يشجع الغلط بحجة إن (( زمنا كذا الحين )) ..

اعذروني على الإطالة ... ومشكور أخوي ..

[الضامي]

المشكلة تقع عليكم يالفنانين الكبار مقاطعين المسرح

وتجون تنتقدون الفنانين النشيطين اللي يحاولون يسوون شي

أتمنى بدال مايكون هناك انتقاد قدمو لنا مسرحيات تليق ونافسو سلق البيض

[® أم حـــور ®]

المشاركة الأصلية كتبت بواسطة الضامي

المشكلة تقع عليكم يالفنانين الكبار مقاطعين المسرح

وتجون تنتقدون الفنانين النشيطين اللي يحاولون يسوون شي

أتمنى بدال مايكون هناك انتقاد قدمو لنا مسرحيات تليق ونافسو سلق البيض

هههههههههههههههههههه أخوي يعني بتقول لي سلق البيض سببه غياب عمالقة المسرح ؟؟

الفنانين الكبار ما قصرو في عطائهم وأعمالهم تشهد لها الأجيال القديمة والجديدة لأن أعمالهم

مخلدة ويستوعبها الكل (( صغار وكبار )) .. ولو حدث وغابو الآن عن المسرح فعلشان يعطون

فرصة للأجيال الجديدة في استكمال قيادة المسرح بنفس الرقي ... بس للأسف ما شفنا غير

التهريج و الأستفزاز و عدم الإحترام ..

أما طلبك في انهم يقدمون مسرحيات وينافسون (( سلق البيض )) , فهذي أكبر إهانة

لمشوار طويل وناجح لفنانين أحترمو أنفسهم وجمهورهم وخشبة المسرح , لأنهم أكبر من

أنهم ينافسون هالنوع من المسرحيات السطحية جداً ..

ومشكور أخوي ..

[ابولين]

===========مرحبا للجميع============
كلام الفنان الكبير صحيح لكن لا ننسي بأن الازمه ليست في الكويت فقط جميع الفنانين في القطر العربي يشتكي حال المسرح والافلام ايضا والمسلسلات وكما يقولون الحال من بعضه
راي شخصي وشكرا