[>< ساره ><]

طبعاً كان لهم فضل ،
منو مايتذكر مسلسلات عيال المنصور ؟!
كانو بفتره من الوقت نجوم رمضان والكل ينطرهم من القرار الأخير الى دروب الشك ( احس هني وصلو للقمه بهالمسلسل ) وعقب بدت الاخفاقات
مسلسل القدر المحتوم كان استعراض موأكثر ولولا نجوم مثل سعاد عبدالله ونورمان اسعد وباجي الشباب "المحبوبين" جان طاح المسلسل لأن نصه ضعيف حيل !
بعدين المسلسل الفاشل سهم الغدر ،
وعقب غصات حنين مانجح جماهيرياً رغم اني اشوف العمل جميل ومتعوب عليه ،
الى ان وصلو لجاده 7 والحب الذي كان !!

يمكن عيال المنصور اهم اول من بدا بالقصور والكل صار يقلدهم ،

اخفاقاتهم الأخيره يت من التكرار مثلاً ( اهم اصحاب شركه ومن طبقه غنية ، دايماً اخوان ، محمد المنصور يتهاوش وي اخوانه ، حسين المنصور الدنجوان ، اخر الحلقه الكل يموت او يدش السجن الخ لخ ) ،

ياريت لو يرجعون يعيدون أوراقهم مع نص حلو وتغيير بالادوار ، !