إضافة رد
 
LinkBack أدوات الموضوع انواع عرض الموضوع
قديم 07-07-2011, 11:50 PM   #1 (permalink)
عضو شرف
 
الصورة الرمزية بحر الحب
 
 العــضوية: 3807
تاريخ التسجيل: 01/07/2009
الدولة: الكويت
المشاركات: 5,012

افتراضي ( في لقاء يبث لأول مرة له مع الشبكة ) الفنان شعبان عبّاس يُهاجم طارق العلي ويكشف حقائق لأول مرة ( صوت + صور )


شعبان عباس فنان جميل وله تجاربه وقدم لنا كوميديا رائعة في فترة من الفترات ..
تمت استضافته في شبكة الدراما والمسرح في لقاء خاص تم إجراؤه عن طريق الاخ العزيز ( روائي )
وكان اللقاء ساخن جداً للغاية بل إنه يصل لمرحلة الغليان !!!
في البداية كانت أسئلة الاخ روائي عادية وموضوعية إلا أن شعبان أصر أن يخرج
ما في جعبته من هموم وقضايا ..
اللقاء تم تسجيله صوتيا .. قبل عدة أسابيع ونبثه اليوم بالإتفاق مع الاخ العزيز روائي
مُجري اللقاء الذي قام مشكوراً بتسليمي اللقاء وأعطاني الاذن ببثه







من العناوين الساخنة التي قالها شعبان حرفيا والتي تم توثيقها صوتيا في اللقاء مايلي:



( شعبان عباس: طارق العلي شجرة مدمرة )
( شعبان عباس: عيسى العلوي أحد أسباب خراب طارق العلي )
( شعبان عباس:فن طارق العلي وكوميدياه رخيصة )
( شعبان عباس: طارق العلي لم يقدرني في مرضي وكان كل همه تقديم المسرحيات )
( شعبان عباس: أفلام طارق العلي مبتذلة ورخيصة )
( شعبان عباس: طارق العلي تنّكر لمن صنع نجوميته )
(شعبان عباس : طارق العلي مايعترف بأصله )
( شعبان عباس: جرحي من طارق العلي مايبرى )
(شعبان عباس : أتمنى أن أواجه طارق العلي وجه لوجه .. ولكن خلو البير مستور ! )
(شعبان عباس: ما أبيه يوقف على جنازتي )
( شعبان عباس: طارق العلي متواطئ مع الرقابة .. ونصوصه تختلف مع مايقدمه على الخشبة )
( شعبان عباس: توفيت أمي ولم تكن راضية عن طارق العلي !)
(شعبان عباس: نجوم الأمس يحجمون نجوم اليوم !


هذا بالاضافة للكثير مما قاله سنتابعه سويا باللقاء المسجل

ولمتابعة اللقاء المسجل والذي تم رفعه على موقع اليوتيوب مرفقا بصورة شعبان وهو يتصفح الشبكة من خلال العرض التالي :

وهنا نشكر من قام برفع الفيديو على اليوتيوب وتنسيقه العضو الجميل " بن عيدان "

https://www.youtube.com/watch?v=Wdlz5Ds9Knc



وهنا صورة للفنان شعبان عباس وهو يتصفح موقع شبكة الفن والاعلام




وكذلك نعيد الشكر للأن روائي الذي قام مشكورا ً بكتابة اللقاء " كتابة " لمن يحب القراءة وهو على النحو التالي :




روائي : /شعبان عباس نجم كوميدي شكل ثنائي مع طارق العلي لكن اليوم وينه ووين طارق العلي ؟؟؟
شعبان : طبعا االاخ روائي من شبكة الفن
روائي مقاطعا / طلال .. طلال انا الحين بره الشبكة بره السور ..
شعبان : طبعا الاجابه على هذا السؤال تشكيل الثنائيات .....
روائي مقاطعا : هل تعتبرون حالكم ثنائي أم مجرد يعني كانت مشاركتكم صدفه أم ماذا ؟
شعبان : شوف هي الثنائيه موجوده من ايام الفن الكويتي يعني ان كان على صعيد المسرح اللي فاتنا كا ابيض واسود ولا المسرح العصري الاستاذ عبدالحسين عبدالرضا والاستاذ سعد الفرج والاساتذه اللي الله يرحمهم واللي بقوا منهم .. الاستاذه حياة الفهد والاستاذه سعاد عبدالله .. تم تكونين "قروبات " وليس ثنائيات بالنسبه لنا احنا كا جيل شباب ..انت كاشاب ماتقدر توقف نفسك بنفسك مع شخص تقدر تسوي دويتو بس ماتقدر تسيطر على المسرح ككل فا انت اهني لازم تسويلك قروب وهالقروب يساعد بعضه البعض .. طبعا الفضل بعد الله سبحانه لتشكيل القروبات اول القروبات كان ل حق لاستاذ الكبير محمد الرشود قروب مسرح الجزيرة بعده م قروب مسرح الأبرق اخوي الكبير احمد جوهر اللي فضل من الله فتح لنا المسرح فتح ايده في الماده انشأ مسرحية " مخروش طاح بكروش " "طاح مخروش " مسرحية " بلنتي " قبل الغزو يعني مسرحيات وايد انتجها احمد جوهر بعدين شاف انه المسرح ياخذ المجرى السياسي .. التجاري .. المجرى السخري على حساب المجتمع الكويتي وللأمانه أحمد أحد اعمدت الفن الكويتي كاشباب وخريج المعهد العالي للفنون المسرحية على مستوى الكويت ومصر فامايرضا على نفسه انه يوصل لهذا المستوى .. شكلنا ثنائية انا وطارق في بعض المشاهد ونجحنا فيها فا الناس خذت على انه احنا ثنائي وابتعادي عنه في نفس الوقت انه هذا الثنائي خلاص يتله فتره علاج عالج نفسه شاف نفسه كعلاج وصحه

روائي :هل انت تشبعت نقدر نقول ؟
الا انا ماتشبعت بالعكس انا متعطش للمسرح بس المشكله اتعطش على شي صار رخيص كا قيمه معنويه للناس هذي مصيبه!!

روائي : الكوميديا اللي يقدمها الفنان طارق العلي كوميديا رخيصه؟!

شعبان : طبعا كوميديا رخيصه لو ماهي رخيصه جان ماشفته يعرض عرض واحد بالإسبوع وجملته اربع عروض بالشهر .. ونقول استمر كمسرح هذي مصيبه ..

روائي : وشرايك بالجمهور اللي على المسرح اللي يحضر مسرحياة طارق العلي

شعبان : طبعا الجمهور من اخوانا الاعزاء في الخليج وهذا واحد .. اللي يقضون الويك اند عندنا في الكويت

روائي : تتوقع مع الوقت هذا الجمهور راح يقل ويختفي ولا راح يزيد ولاشنو المسأله ؟

شعبان : والله اذا بتزيد كمية الإستخفاف فيهم راح يزيدون .. بتقل بأحترم بيزيدون .. يعني انا لما اقدم شي مفيد لناس .. يعني انا لما اعطي لناس شربت ماي ولا اعطيهم ماي ملوث ماي صحه ولا ماي ملوث منو الأستفاده الأكثر منو الإقبال عليه اكثر ؟

روائي : أكيد الأول

شعبان : صح ولا لأ ..الماي الصحي هو اللي راح يعطيني الصحه والعافيه بعد رب العالمين
روائي : طبعا والعمل الصحي كذالك هو اللي يثمر مع الوقت
شعبان مقاطعا: وهو بنفس الوقت راح يعطيني ناتج صح على موضوع يطرح يفيدني خليجيا مو بس بالكويت.. ليش مصر مانقدر نعرض قضايانا عندهم ؟ لانه ماتهمهم .. المجتمع المصري في كذا قضيه عندهم ابعيده عن منضور قضايانا احنا بتعددهم باجناسهم عاداتهم تقاليدهم بعددهم بتشعبهم باختصاصهم احنا ماعندنا اكثر من هالاختصاصات هذي احنا نناقش قضايا بسيطه بالنسبه لنا يعني لو تعدينا 19 مليون ماشاءالله هو 85 مليون

روائي : طيب شعبان انت توه تكلمت وقت انه مايصح الا الصيح وهذا عمل قدمته مع طارق العلي .. سوبر اصطار . هل ياك سوبر اصطار من طارق العلي ؟؟

شعبان : يعني تقصد سوبر اطراق ؟!

روائي : اصطار .. ألم على قولت المصرين ..

شعبان : هو ياني ألم منه لمن قالي منو ياخذ دورك وانا في قمة احتياجي للعلاج لما تكرر السؤال ثلاث مرات .. كنت انا ابي علاجي

روائي : يعني كان يهمه الربح المادي على المسرح ماتهمه صحتك ..

شعبان : كان يهمه التواصل مع الجمهور اكثر من صحة شعبان .. يعني لو وقفت صحة شعبان شلون تبي تتواصل مع الناس ..

روائي : طيب انت ماحاولت تنصح طارق العلي تنوره بما انك صديقه ومقرب منه يعني تغير منه او او عيا او شنو الموضوع ؟؟

شعبان : على قولت المثل .....

روائي : عمك أصمخ ؟!

شعبان : لأ .. ناصحهم فاضحهم يعني حاليا اللي ينصح طارق يصير عدوه ..

روائي : واللي يذم فيه يصير صديقه ؟!

شعبان : واللي يضحكله على خباثه هو صديقه ..

روائي: طيب احنا عندنا مثل يقول امشي ورا اللي يبجيك لاتمشي ورا اللي يضحكلك ..

شعبان : هذا عند منو؟ عند الناس اللي تفهم ..

روائي : الناس اللي تفهم الناس اللي تتذوق الفن ..

شعبان : الناس اللي تحترم اهلها قبل كل شي ..

روائي : يعني انت تتوقع طارق العلي ما احترم المجتمع الكويتي من خلال مايقدمه .. والمسرح تدري نافذه يعني مباشره مافي حائل بينك وبين الجمهور .. شنو ردة فعل الجمهور ؟

شعبان : هل الإحترام معناه اني اتكلم بإيحاءات من السر وتحت .. علشان يكون هذا مسرح محترم .. شنو دور وزارة الإعلام في الموضوع.. أو وزارة الإعدام !!

شعبان : مافي دور لانه وزارة الإعلام تشوفهم مع الراقابه قاعدين السطر الأول مع أهلهم تذاكرهم مجانيه وزيارات شخصية ويتفضلون على البوفيه وتقديم جاي وقهوه واخوان معاملات هذا الوضع اللي قاعد يصير

روائي : مصلحه في مصلحه .. وشعبان يرفض هذا الموضوع .. واذا كان طارق العلي يقدم كوميديا ضاره ليش ماتكون من يقدم الكوميديا الصحيه الصحيحه .. المضاده للكوميديا اللي يقدمها طارق .. الكوميديا الرخيصه اللي انت تفضلت وقلت عنها ..

شعبان : احنا مشكلتنا هني أولا عدم وجود مسارح ,,

روائي مقاطعا : ممكن تقدم عمل تلفزيوني .. عمل مصور اينكان تتكلم عن الموضوع ...؟

شعبان : شوف خل اقولك شي .. لو واعوذ بالله من كلمت لو كانت اهداف المسرح الحاليه صحيحه .. وينا من المسرح التلفزيوني ؟ لو كانت اهداف المسلسلات التي تقدم في المحطات الفضائيه جملها صحيحه وتخص المجتمع الكويتي .. وبرقابه ذاتيه من وزارة الإعلام .. لما قدمت في أول واكبر المحطات الخارجيه .. فا تلفزيون الكويت هو ابو الفنون وشكل تلفزيونات دول .. وتلفزيون الكويت لايرضا .. لقيمة المجتمع الكويتي بعد انا ماقدر اصير رقيب على الناس كلها

روائي : طيب لو كنت انت وزير الإعلام شنو راح تقر وشنو راح ترفض ؟
طبعا لو كنت وزير الأعلام وأعوذ بالله من هالكلمه مره ثانية,,, أولا

روائي مقاطعا : يمكن يسمعك وزير الإعلام الحالي.. نسيت اسمه لوووول

شعبان : المليفي .. اي اتمنى من الله أتمنى يوضع قرار .. بمنع اي ممثل يقدم عمل قبل تقديم النص ومرورهه على تلفزيون الكويتي اذا كان فيه ممثل كويتي ويعتر يحمل راية المجتمع الكويتي يعني شعبان ممثل كويتي يبي يقدم عمل في تلفزيون ابوظبي .. دبي .. قطر .. يجب ان يقدم نسخه من النص لكي يوافق عليها لجنة من الإعلام انه في بعض أمور لاتشكل عجينة المجتمع الكويتي علشان انا اطبقها وايبها بحذافيرها باسم شخص كويتي يقدمها ويستهزء بشخصية اي كويتي واي اي شخص من الاسره الكويتيه او الخليجيه .. في اعمال لاترتقي للمجتمع الخليجي انك تطالعاه من متى كنا احنا ننشر غسيلنا اوكي فينا اخطاء مو معصومين ولسنا في المدينه الفاضله لكن انا اقدم عمل يرتقي الى مستوى للفن .. ليش التلفزيون السعودي مايقدم اعمال ساقطه لانه في حزم وربط واختيار وصعوبه بالتقديم .. يعني انا لمايقدم التلفزيون السعودي مسرحية كويتيه يقطعها ويشبع تقطيع ل منها يش مو حرام ؟ ليش مانقدم عمل نظيف ماكو فرق بينا وبين السعوديه .. السعوديه ثقافه واحنا ثقافهم لهم اصل ولنا اصل ..

روائي : اي طبعا كلنا واحد ماكو فرق بينا وبين السعوديه .. اغلب اعمالنا الكويتيه ما انجحت الا بممثلين سعودين وخذو بطوله واعالمهم خالده لهذا اليوم ونطالعها

 
شعبان : اي طبعا وهم يختارون منا واحنا نختار منهم وهذا التبادل الفني بينها .. والفنا السعودي مايقدم الصوره الشيئه لانه في رقابه عليه

روائي : واذا قدم مشكله يحاول انه يعالجها اهم شي العلاج ياجماعه استاذ شعبان: احنا اذا تكلمنا عن قضيه او مشكلها كانها سخريه وكل قضيه او مشكله جنها عاده عندنا مثل موضوع الاغتصاب صارت عاده عندنا
شعبان : نهول في الموضوع للاستخفاف والفضايح و و و ..موضوع الاغتصاب ههذا جنك قاعد تشرب شوره وتاكل سلطه على السفره..
روائي : مثل العادات والتقاليد صارت ..

شعبان : اي موضوع الاغتصاب صار مثل العرس ..الله

روائي : وقضية الشواذ وغيره .. ونشوف طارق العلي يتلذذ بهالقضايا ويجيب ممثلين من هالأشكال هذي .. ومايعالجها وحتى الممثل مايحاول يغير فيه ..

شعبان : للاسف صرنا في زمن فن بلا فن .. يعني اسم الفن موجود بس داخل مافي شي

روائي : انت توك تكلمت شعبولا عن الكوميديان العالمي مستر بن .. لو بقارن بينه وبين طارق شنو بتقول من جميع النواحي ..؟؟

شعبان : ماكو مقارنه .. لانه مافي وجه تفضيل لانه مستر بين يقدم المسرح الكوميديه الانجليزيه البحته بابداع وباحتراف واحترام وبعاده تاليد ولاحظ انه العرب اللي يشترون اعمال مستر بن مايقدمون الشي المبتذل اللي يقدمه مستر بن لانه مجتمع الانجليزي هذي عادته وتقاليده ماكو شي اسمه حرام واحنا عندنا عادات وتقاليد وحرام و وقوانين دين اسلامي محنا اصحاب فضيله لاكن احنا مجتمع لازم نحافظ على عاداتنا وتقاليدنا

روائي : وطبعا اعمال طارق العلي مافيها ابداع ؟ انا اتكلم عن اعماله الحاليه ولا اعماله القديمه ولا اروع منها وجميله جدا وكانت معاك ..

شعبان : احنا ابدعنا في سنه من السنين في سنة 97 في مسرحية صح لسانك جمعنا المسرح الكوميدي الضاحك المعنى الفن الطرب الضغوطات داخل البيت القضيه الحزن الضحكه ..

روائي : اللي يدري يدري ؟

شعبان : اللي يدري يدري .. سوبر اصطار .. مايصح الا الصحيح .. حتى سوبر اصطار قدمنا فيها استخفاف بسيط بس ماكنا بحجم اللي نعيشه حاليا ...

روائي : الحين عطاكم جرعه زايده وقتل الابداع والموهبه اللي فيه ...

شعبان : يارجل الحين جنه واحد يقول انا درست صرت دكتور وبشتغل محاسب انا احط تحصيل علمي اكثر من 17 سنه دراسه علشان اصير محاسب علشان اصير حرامي !! يالطاف الله بالموضوع

روائي : منو يوقف ورى طارق العلي ؟ شنو سبب ققوته ؟

شعبان مقاطعا : ماكو في شي اسمه قوه ولايوقف في شي اسمه مسرح انا عندي مسرح انا بقدم انا محد يوقفني .. وهذا اللي قاعد يصي ر لانه اللي بيقدم عمل نظيف هالايام راح يتعب بمستوى اللي يقدمه طارق ..

روائي : واذا الجمهور يطلب من طارق جذيه اعتقد انه هذي كارثه .. طبعا شريحه مو كل الجمهور

شعبان : يعني في ناس يواجهوني يقولولي ليش ماتقولون حق طارق .. المشكله الناس اللي يقولولك ليش ماتمثل معاه هم مايروحون الاعمال لانه عمل سخيف

روائي : مع الاسف انه وصل لاوج عطاءه الفني والحين نزل ,,

شعبان : وبعدين في منتداكم كاتبين هل يسحب طارق العلي البساط من عبدالحسين .؟ طبعا هذا مستحيل لانه العمر الي قدمه عبدالحسين لليوم هذا اكبر من عمر طارق الحقيقي

روائي : طبعا الفنان االعملاق عبدالحسين عبدالرضا هذا ايقونه الكوميديا الخليجيه هذا مايختلف عليه اثنين ..

شعبان : احنا قاعدين نتكلم عن اجيال يجب ان تحافظ على نفسها ..

روائي : يعني تطالع وسع صدرك ولا درب الزلق .. وسع صدرك يضيق صدرك اذا تطالعه

شعبان : يضيق صدرك هذا المفهوم منه .. يعني انا اتكلم عن شخص قاعد يحاربونه لما نزل مع طارق بصفة اسمي كاشعبان

روائي :البيت بيتك ؟

لا المسرحيه الاستعراضيه اللي قدمها مع ستيج قروب .. وقفت وقلتله يامحمد الحملي انا جدامك قاعد ارجف لانكم شباب تخوفون وانا مو من جيله يمكن انا لاما بديت ماكان مولود ؟؟ بس للامانه مبدع لما اشترك مع طارق وداوود حجمه المصيبه انه الابداع يقتل من الناس الكبار كاجيل شباب

في عطاء .. طب نقدر نقول انه طارق وداوود وجهان لعمله واحده ؟

شعبان : كل الموجودين بالمسرح الشبابي وجه واحد لعدت عمل بس كل واحد يقلب عملته على كيفه سواء طارق .. داوود .. المسلم

روائي : يعني نقول انهم نجوم الامس كومبارس اليوم

شعبان : لا نجوم الامس يحجمون شباب اليوم ؟

روائي : شنو سبب التحجيم ؟ يخافون احد يسحب البساط من تحتهم؟ اذا كان طارق على كلام احد الأعضاء سح البساط من تحت عبدالحسين عبدالرضا .. اذا وصل للمستوى هذا وهالهاله م العملاقه ن العطاء والفن والابداع والابتكار ليش يخاف من فنان طلع بع

شعبان : انا اقولك .. انت تقدر تقدم الاغنيه الجيده والاستاع الصح من الناس ويكون عليك الطلب من الناس لازم احد يحاربك ولاتقف ولاتحارب الا الشجره المثمره وانت ياطارق شجره مثمره انت شجره مدمره ان تميت او قطيت فا انت قاعد تدمر سمعت فن ليش مايشارك من مسارح خاريه !!

روائي : انا ماعتقد اللي بره يعترفون باللي قدمه وانا وحد من الناس ناقشت طارق وموضوع المذاهب واعماله المسرحيه للاسف انه حتى لماتروح المدارس قاعد تسمع القطات البايخه .. انت من المذهب الفلاني انت من الاصل الفلاني ونص الكويتين من هذه الاصول .. مشاجرات داميه خراب مجتمع هدم

شعبان : انت سني انت شيعي انت ابيض انت اسود ... .. ماكو قيم

روائي : للأسف الفنان ماصار الحين شمعه ,, صار.....

شعبان : فلعه صار

ضحك روائي : والله العظيم هذا مسدس النار ماكو اللي يحرق

شعبان : انا كنت قاعد الصبح اطالع سما دبي وحطوا فاصل كوميدي لمسرحية طارق .,, الي خلا المخرج قطع الفاصل وغضب وقال شو هذي السخافه ياطارق هذا مسرح؟ انا تألمت من هالكلمه ؟

روائي : حتى الاكاديمين اكرهوا اللي يقدمه طارق ليش يستمر طارق اذا وصل لهذا المستوى شي محرج المفروض يغير ؟

شعبان : لانه مو خسران دافع فلوس مسرح ماجره لمدت عشر سنين ..

روائي : عيسى العلوي هل هو سبب دمار طارق ؟ وهل وجودهم خطر على المسرح؟

 
شعبان يتحدث ثم يجري مكالمه : هذا احد الاسباب الرئيسه بالمدمره بالنسبه لطارق انا لما ايي واجيب ادواتي وانا ماعرف شي واقول انا ابو العريف طبعا هذي مصيبه .. فا انا لما اقدم عمل وانا كويتي رايح مصر ولا تايلند تصيرلي مشكله . هذي امور ناقشناها .. نبي شي مثل بس يابحر ..

روائي : الصمت

شعبان: الصمت عرس الزين ماني نتكلم ونول احنا في طفره فنيه هذي مو طفره هذي لوثه فنيه

روائي : سمعنا انه طارق وداوود راح يجتمعون بعمل مسرحي هل تتوقع انه راح ينجح؟

 
شعبان : هذا شي مستحيل تدري ليش لانه كل واحد يشوف نفسه نجم فا مستحيل كل واحد يتنازل عن نجوميته

 
روائي : طيب لو خيرزك بتقديم عمل ثنائي كوميدي .. بغض النظر عن اي سبب .. بين طارق واسماعيل سرور منو راح تختار وليش ؟

شعبان : ماراح اختار احد .. لانه اعرف كل شخص وامكانيه

 
روائي: الفنان اسماعيل سرور مايقدر يقدم شي

شعبان : لا مايقدر

 
روائي : بس هو كوميدي على المسرح ؟

شعبان : بس اسماعيل يعتبر مرادف نجم لانه كل شخص في هالدنيا يحتاج من يعينه .. يعني لولا نجومية عبدالحسين مالقيت تحته سعد الفرج خالد النفيسي الله يرحمه وابراهيم الصلال وغيرهم

روائي: يحتاج لاسم لامع ؟

شعبان :لا يجب تضحية

روائي :يعني ننكر انه كانت له اسهامات كثيره .. مثل مسرحيات الفين ولن اعيش في جلباب زوجتي

شعبان: الحين انا اعطيك عبدالناس وحسن البلام لولا وجود عبدالناصر ماللقيت حسن البلام يعرف يمثل ؟

روائي :هل انجحوا مع بعض ؟.

شعبان: انجحوا لانه واحد يكمل الثاني عبدالناصر مثل الجوكر وين ماتحطه ينجح لو مع م ممثل مبتدئ

روائي : مع الاسف مالقيناله عمل بطوله غير ريموت كنترول .. واحنا سمعنا انه بيعتزل .

شعبان : هو ماقال بس كا فيه لو سنحت لك فرصة اعتزال قال اعتزل في اي قت

روائي : في احدى الصحف قال انه بيعتزل ؟

شعبان : لا الصحافه تكتب مانشيت على كيفها

روائي : مثل توه صحيفه اكتبوا انهشعبان ماراح يتزوج من الوسط الفني ومن الحجي انت استغرب من هالجمله ..
شعبان : انا قايلها

روائي : فيها تضخيم ..؟

شعبان : اي لازم في تضخيم لانه خبايا انا ادري والكل يدري

محد غشيم عن الموضوع في مواقع متخصصه وبغض النظر كل انسان يسال عن اللي يبي ياخذها ..

تبي تعرف عن العروسه اسال عن امها مالقيت في امها عيب اسال عن امها واخوانها ساعات من سمعه لسمعه تخرب
مع احترامي لعيسى العلوي وطارق .. في تتكلم بكل اعلان اخوي عيسى العلوي يعني هو اللي سواك؟ فا انت ناكر للجميل لاحمد جوهر وومحمد خالد وعادل الدوسري

روائي : هؤلاء الاسماء اهما ....؟

 
شعبان : اللي صنع نومية طارق العلي بعد الله

روائي :ماشفت بلقاء ولا ربع سطر

شعبان : ولا ذكر لهم اسم

روائي : ليش؟

شعبان : لانه اختلف معاهم

 
 
روائي : يعني نقدر نقول طارق العلي ناكر

شعبان : هذا شي اكيد .. الي مايعترف باصله ومن بدا فيه فهو ناكر انا ماعترف بالشخص اللي قدمني ..

روائي : اللي ماله اول ماله تالي

 
شعبان: هذا انت قلتها

 
روائي: واضح انه الجرح اللي بينك وبين طارق العلي اعميق انا لاحظت من كلامك هالشي ؟

شعبان :انا بعطيك كلمه بسيطه لما ييك احد في يوم من الايام فلان يسلم عليك شفيا .؟ تقول لابركتن فيه وسلامه هذي مصيه ..فلان يسلم عليك

 
روائي : خيركم من يبدا بالسلام

شعبان: لو كان قاتل واحد من اهلك تقل وعليكم السلام ورجاءا لو بينكم سلام قوله لاتوصلي سلامه كلمه طيب خاطر ماتقدر تنطر وجود انسان بحياتك؟

روائي : لا احنا ماننكر انكم كنوا مع بعض والعشره ماتهون الا على عيال الحرام س واضح انه الجرح بينكم .. صعب انه يبرى .. يعني قالت ذكر في اغنية جرح في طرف اصبعي لو تشوف جوح قلبي وش تقول ؟ شنو تعليقك على الاغنيه

شعبان : لو كان طارق يبي يبرى جرح شعبان فيه يروح يجيب سماحة امه الله يرحمها

روائي : يعني نقول شي مستحيل ؟

شعبان : مستحيل انك تاخذ سماحه من ميت ؟ شلون تيبها وانت تدري انه زعلانه عليك قبل لاتموت ..

روائي : وطبعا طارق عنده نفس الفكره ؟

شعبان :خلاص يقولي عفا الله عما سلف وانسى الموضوع والي مات مات

روائي : ويرجع يجرحك مره ثانيه ؟

شعبان : عني انت تتقد انه شعبان مايقدر يواجه طارق العلي ؟ انا اتمنى عبر منتداكم اذا صار لقاء صحفي اتواجه مع طارق باسبابي وعندي اثباتاتي .. ومعاي شهود على اللام هذا كله وساعتها راح اتكلم عن شي الناس كلها راح تنصدم منه وبي الناس كلها هي اللي تواجهه مو شعبان وخلو البير مستور ..

روائي: شبكة الفن راح تعرض القضيه هذي .. واحنا بنشوف اعضاء من منتدى طارق .. اذا يحب يدش معاك بمداخله انا عطيك خبر

شعبان :لا انا ابي امداخله شخصيه ولايف دام الناس بتلفزيون رسمي وانا اعرف اشلون اتكلم

روائي : طارق ليش خايف انه يتكلم ؟ انا حاس انه يتهرب من المواجهه..

شعبان : من اخطا في حق الناس ليس لديه حجه في الاعتذار

 
روائي: يعني هو يتوددلك علشان يرجعك ومايتكلم عن المستور والخافي .. يعني ماخفي كان اعطم ..

شعبان : وماخفي كان اعظم كثر ماقدرنا انه نحاول نصلح بس اللي انكسر ماينجبر .. لاكان من زجاج او عظم

روائي :لك طولت العمر استاذ شعبان .. جنك قاعد تقول لايوقف على جنازتي ؟!

شعبان : لايوقف ماعندي مشكله اللي تحبني تعرف شلون توقفلي

روائي : يعني انت تقول ممكن اذا ناقش قضيه بحثيه مهمه .. انا ممكن اوقف معاه ؟ يعني تمثل معاه عشان الناس وتضغط على جروحك؟

شعبان : امثل معاه على شان الناس بقدم شي صح مابي احط دينار بجيبي وانا ضحك على الناس اقدر اسويه اقدم مسرحية عشر ايام العيد اداء حركي وبلي باك وابوق عيادي اليهال .. وفي امان الله مسرح اطفال ولا اتعب نفسي وماني خسرن

روائي : طارق العلي قال في ختام مسرية اللي يدري يدري .. " شتبون بالفلوس ؟ الفلوس تخلص بس المحبه عمرها ماتخلص" وين المحبه في حياته اذا له كل هالعداوات هذي ؟

شعبان : خل يعيد المسرحي ويشوفها

 
روائي : يغير بالنهايه ...تهقى انه يطالعها .. ؟

شعبان : لا مايطالعها لانه كلها نصايح الاعمال اللي قبل 2004 لانه تكتب بحرفيه نصيه نظيفه ابي الجمهور يستوعب كلامي مايقدمه طارق لاينطبق شروطا ونصيا وحر على النص اللي قدم لرقاب فيا وكتابيا على النص الذي يقدم للرقابه

روائي : مع علم الرقابه بهالشي ؟

شعبان: مع علمهم والريال من الرقابه خل يقولي غيرهالكلام .. حتى الكاتب القطري وزوجته قاعد يتصفح النص جان يقطع طارق العرض ويقوله انت من صجك قاعد تقرى ؟ يبى هذا نصك قطه .. وانا كنت واقف على السرح

روائي : يعني طارق غارق؟

 
شعبان : هذا انته قلتها كمل الغرقان غطه هذا هو خل يسمح اغنية راشد هو وعيسى العلوي راشد والجسمي يضحكون على جراح الناس ..

روائي : حصري لشبكة الفن والاعلان من شعبان .. ويعطيه العافيه وماقصر .. 
 


بهذا يكون قد إنتهى اللقاء مع الفنان شعبان عباس .. حرصنا فيه أن نظهر وجه الحقيقة دون أي غشاء أو تأثير منا على فرضها , بل كانت بإرادة كاملة وإيمان من الفنان شعبان عباس

 

 

__________________

 






حياة الفهد قالت :
غانم الصالح أيقونة نجاحي طوال 50 عاما
اما عبدالحسين عبدالرضا قال :
الكويت كلها حزنت على فراقه ,, هو الاخ والصديق والمؤسس
محمد المنصور :
لا أنسى ابداعه في علي جناح التبريزي
خالد العبيد :
غانم الصالح عندما يلبس الشخصية .. يعطيها حقها
محمد جابر :
صداقتي بغانم الصالح خمسين سنة وتسع أيام
عبدالرحمن العقل :
غانم الصالح هو عمري الفني كله
احمد جوهر :
غانم الصالح فارس وترجل عن جواده
محمد السنعوسي :
هل سيأتي من يملأ جزء من اداء غانم الصالح وادواره ؟
داود حسين :
كان يوقف التصوير من اجل الصلاة , و"زارع الشر" يشهد
عبداللطيف البناي :
راح الابو و العم و الفن و الفنان
عبدالعزيز الحداد :
غانم الصالح لا يصرخ .. الا امام الكاميرا وفوق الخشبة
زهرة الخرجي :
افضل ادوار حياتي كانت امام غانم الصالح
باسمة حمادة :
نافسته مرةً على الالتزام بالمواعيد , فسبقني
خالد أمين :
استلهمت أدائي لشخصية "خلف" من غانم الصالح
خالد البريكي :
غانم الصالح لو كان حيا لقال للجميع التزموا بصلاتكم
وبحر الحب يقول :
شخص مثل غانم الصالح لايأتي الا مرة بالحياة , لكنه لايُنسى أبداً

بحر الحب غير متواجد حالياً   رد مع اقتباس
قديم 08-07-2011, 12:00 AM   #2 (permalink)
إدارة الشبكة
 
 العــضوية: 6
تاريخ التسجيل: 30/07/2008
المشاركات: 145

افتراضي

تؤكد شبكة الدراما والمسرح الكويتية الخليجية حرصها على إظهار الحقيقة جلية

وتؤكد بأن ما ذُكر في اللقاء المسجل والمكتوب يقع تحت مسؤلية الفنان شعبان عباس

وشبكة الدراما والمسرح منبر حر ومفتوح وتتيح لكافة الاطراف حرية الدفاع عن النفس والرد بالمثل

سواء من الاستاذ طارق العلي أو من ينوب عنه ويمثله

وتؤكد شبكة الدراما والمسرح أن اللقاء أعلاه خاص بها , ولكن تتيح للجميع حرية نشره في المواقع والمنتديات

أو شبكات التواصل الاجتماعي ( فيس بوك . تويتر )
.

 

 

لجنة الانضباط غير متواجد حالياً   رد مع اقتباس
قديم 08-07-2011, 12:12 AM   #3 (permalink)
عضو شرف
 
الصورة الرمزية The Red Blue
 
 العــضوية: 11531
تاريخ التسجيل: 18/10/2010
الدولة: KSA
المشاركات: 442
الـجــنــس: ذكر

افتراضي

لي عودة للتعليق على كامل الحوار إن شاء الله ..

لكن، حتّى لو كان شعبان قال في وسط الحوار إنّ أم طارق ماتت و هي غير راضية عليه، هل هذا الأمر فنّي ؟ و هل شعبان كان موجود معها لما تحتضر ؟ أعتقد المفروض الأمور التي ليس لها علاقة بالفن و الموضوع المفروض تزال.

كل الشكر موصول لروائي على جهوده. : )

 

 

The Red Blue غير متواجد حالياً   رد مع اقتباس
قديم 08-07-2011, 12:19 AM   #4 (permalink)
عضو شبكة الدراما والمسرح
 
 العــضوية: 12819
تاريخ التسجيل: 26/01/2011
المشاركات: 284
الـجــنــس: ذكر

افتراضي

بكل أمانه وأخلاص قبل فتره شفت الفنان شعبان على شارع الخليج سلمت عليه وقتله ليش ماتمثل ويا طارق العلي قالي بالحرف الواحد ( الي يغلط على أهلي ما يشرفني أمثل وياه ) ' والله على ماقول شهيد

وبعدها بفتره شفتهم اهم الاثنين بلقاء واحد على تلفزيون الكويت !

 

 

bos3yd غير متواجد حالياً   رد مع اقتباس
قديم 08-07-2011, 12:20 AM   #5 (permalink)
عضو شبكة الدراما والمسرح
 
الصورة الرمزية الضامي
 
 العــضوية: 6319
تاريخ التسجيل: 18/10/2009
الدولة: السعودية
المشاركات: 177
الـجــنــس: ذكر
العمر: 28

افتراضي

يعطيكم العافية على هالحوار مع الفنان شعبان عباس


بس تمنيت المراجعة الاملائية على الحوار حتى يستقيم المعنى


اما مايخص شعبان وطارق

باين انه شايل عليه وتمنيت شعبان ترك الحوار والكلام فقط عن عمل طارق وعدم التطرق لحياته الشخصية

ولا انسى ان أشيد بالأخ روائي الذي استطاع انتزاع الاجابات التي يريد

 

 

الضامي غير متواجد حالياً   رد مع اقتباس
قديم 08-07-2011, 12:35 AM   #6 (permalink)
عضو شرف
 
الصورة الرمزية الأنين
 
 العــضوية: 3051
تاريخ التسجيل: 25/04/2009
الدولة: السعودية
المشاركات: 4,482
الـجــنــس: أنثى

افتراضي

شفيه متحامل على العلي كثير
يعني لما كان يظهر معاه بالمسرحيات ماكانت كوميديا رخيصة ؟؟
دائما لما نكون زعلانين من شخص نفسر امور بمزاجنا ونشوف العيوب وننسى المحاسن والفضل

شاكرة لك

 

 

__________________

 


الأنين غير متواجد حالياً   رد مع اقتباس
قديم 08-07-2011, 12:50 AM   #7 (permalink)
عضو شبكة الدراما والمسرح
 
 العــضوية: 13405
تاريخ التسجيل: 10/06/2011
المشاركات: 61
الـجــنــس: ذكر

افتراضي

احس شعبان شايل على طارق , لكـن ما نقدر نحكم حتى نسمع الطرف الآخر

 

 

__________________

 





أذكرني كل ما أقبلت
للمسجد تصلي..!
كان ودكـ تذكرني..!

abo nawaf غير متواجد حالياً   رد مع اقتباس
قديم 08-07-2011, 01:10 AM   #8 (permalink)
عضو شبكة الدراما والمسرح
 
 العــضوية: 10113
تاريخ التسجيل: 27/07/2010
المشاركات: 84

افتراضي

بعد اذن صاحب الموضوع و عامل اللقاء ،

تسمحولي أوصل هالموضوع للفنان طارق العلي وعيسى العلوي ونشوف ردهم ؟

وعندي تعليق كبير جداً ولكن راح خليه بعدين ولكن اللي حبيت اعقب فيه

- هل شعبان عباس اصبح الآن كوميديان ؟

- إن كان فعلاً طارق العلي سيئ لهذه الدرجه ليش تروح مسرحياته وتقعد تكركر وتضحك ياشعبان

المسرحيه اللي طافت لطارق العلي حضرتها وقاعد تضحك بشكل هستيري وتتغشمر مع طارق

اوكي ممكن طارق العلي خطأ ممكن طارق العلي مو زين كلش! ولكن ليش الحين طلعت وتكلمت

وينك يا شعبان من زمان ليش الحين لمن ماخلاك تمثل معاه ولا عطاك دور ولا شي صرت تقول جذي

انا بنفسي اشوفك تدخل كواليس المسرحيات وتضحك مع طارق وتاخذ وتعطي وتقد بالمسرحيه شوي وتنفجر من الضحك

تطلع الحين تقول جذي .. مقابله كامله طول وعرض تهجم على طارق العلي !!

اذا طارق العلي نكر ان اللي طلعه فلان وعلان هم انت يا شعبان نكرت ان اللي برزك طارق العلي

انت شنو اخرتك يا شعبان ؟ حالياً يا شعبان انت عضو في رابطة نادي القادسيه الرياضي للمشجعين ..

تمسك طبل بالمدرج وتشجع الفريق ونهايه الشهر تاخذ المقسوم .. !

هم طارق العلي عطاك الفرصه وخلاك تبرز .. وحتى وإن كان الكلام صحيح المفروض هالكلام ماينقال

عيب مقابله طول وعرض اقلل من قيمه طارق العلي وامور خاصه لطارق العلي قاعده تخرج عيب

يعني امه ماتت واهي مو راضيه عليه وهالامور هاذي كلها غلط تطلع هذا امر خاص بطارق العلي وعيب نتكلم فيه واهو ادرى مو انت يا شعبان تقرر ان كانت امه راضيه عليه او لا

يعني ميخالف نتقد طارق العلي .. ننقتد شخصيته واعماله .. لكن مانتدخل بوالدته الله يرحمها وكانت راضيه عليه او لا !!

وطارق العلي مايعترف بأصله ومادري شنو امر غريب فعلاً .. اوكي انتقد طارق العلي وتكلم عليه وعلى شخصه ولكن في المجال الفني

ليش تدش بأموره الخاصه .. واخر شي نشوفك تدش عنده المسرح وتضحك وتكركر وتطلبه ايي ويقعد معاك وتبيه يقعد يمك !

عموماً من بعد اذن صاحب الموضوع راح اوصل الموضوع كاملاً لطارق العلي وعيسى العلوي لان انذكر اسمهم في القابله

ونشوف ردهم

 

 

__________________

 


من لا يحترم وجودي.. لا أحترم وجوده

في أمان الله

Ali H غير متواجد حالياً   رد مع اقتباس
قديم 08-07-2011, 01:28 AM   #9 (permalink)
عضو شرف
 
 العــضوية: 11392
تاريخ التسجيل: 19/09/2010
الدولة: الكويت
المشاركات: 1,370
الـجــنــس: ذكر
العمر: 24

افتراضي

بسم الله الرحمن الرحيم


مابغينا هاللقاء ينزل



طبعا أشكر أخوي بحر الحب على مجهوده الجميل .. وأشكر الإدارة

وبحر الحب مخول بالرد على الأعضاء جميعهم وكذالك شعبان قالي ابي اتواصل مع الاعضاء فا اللي عنده تساؤلات بوصلها لشعبان وراح يرد عليها كلها ..


والأخ اللي فووقي اللي اسمه علي ليش مشتط وحالته حاله بالراحه اخوي !!


واللي انذكرت والدت شعبان رحمة اللة عليها مو والدة طارق بس كان خطا مطبعي ...



كل الشكر للقدير بحر الحب

خلونا نرتقي بالحوار والنقاش .. لاتتعصب لنجمك اذا كنت تحبه لازم توعيه على أخطاءه ..

والشبكة تكشف الحقائق سواء مع شعبان او غيره .. ومستعدين نسوي لقاء مع طارق العلي اذا حب ونسمع رده


وكذالك عيسى العلوي .. وذكر ايضا عبدالحسين عبدالرضا واحمد جوهر وداوود وعبدالعزيز المسلم وواسماعيل سرور وحسن البلام ومحمد الحملي

ودرويش ومستر بين ... يعني اللقاء ما اقتصر على اسم معين .. واذا كانت بعض الاسئله

لطارق العلي هذا لانه مشوار شعبان كله كان معاه

 

 

روائي غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الفنان طارق العلي يزور الفنان داوود حسين في المستشفى [ صورة ] زهرة البحرينية الـقاعـة الـكـبرى ( الفن والإعلام ) 9 18-06-2011 05:55 AM
لقاء طارق العلي على ناس tv جنون أنثى && الـقاعـة الـكـبرى ( الفن والإعلام ) 2 10-11-2010 10:44 AM
الفنان طارق العلي + الفنان عبدالرحمن العقل السفير الـقاعـة الـكـبرى ( الفن والإعلام ) 16 28-08-2010 06:50 AM
نفى وجود خلاف مع طارق العلي وداود حسين لقاء جنون أنثى && الـقاعـة الـكـبرى ( الفن والإعلام ) 5 15-07-2010 02:39 AM
الأن على قناة سكوب لقاء مع الفنان طارق العلي بو عبدالله الـقاعـة الـكـبرى ( الفن والإعلام ) 8 10-01-2010 04:46 PM


الساعة الآن 10:38 PM


طلب تنشيط العضوية - هل نسيت كلمة المرور؟
الآراء والمشاركات المدونة بالشبكة تمثل وجهة نظر صاحبها
7 9 244 247 267 268 269 270 271 272 273 274 275 276 277 278 279 280 281 282 283 284 285 286 287 289 290 291 292