[bos3yd]

( العشـره ماتهـون إلا على عيال الحرام ) !

فكيف بأخوان عاشو ويا بعض أكثر من عشرين سنـه !؟ مهما سوى \طارق مايطلع بهل شكل ويتكلم عليه

[bos3yd]

الكل ينتقد هني وموعاجبه بس بالعيد اول واحد يحضر واول واحد يشتري سيدي المسرحية .. مادري شحقه الأنتقاد خلاص تبون يظل فن عبدالحسين إلى متى ؟؟

هذا المسرح اهو الجمهور يبيه وعاجبه وقام يحضر الي موعاجبه محد جابرة يطالع .. شحقه تطالع وتحرق قلبك على الفن الذهبي

[bos3yd]

السؤال الي يطرح نفسه :

شكو شعبان يتكلم عن حيات الفنان طارق العلي الخاصه ؟؟ .. وشلون يسمح لنفسة صاحب اللقاء ينزل اللقاء بهل صورة الي تسيء لطارق العلي بشخصة ؟؟

وهل هذي طريقتكم يالشبكه للأنشهــار ؟

[سقف الأبداع]

المشاركة الأصلية كتبت بواسطة >< ساره ><

عزيزتي تدرين شنو المشكله ؟!

ذكركم لبوعدنان أكبر دليل ان مافي حجه !! تدرون ان مسرحه ضعيف (فنيّا ) !!

دايماً الناجح يتكلم عن اللي يخصه !
والفاشل "يبرر" فشله بذكر اخفاق غيره !!
وهذا بالضبط اللي يصير وي جمهور طارق ، اذا انذكر موضوع ضعف مسرحياته قالو شوفو فلان شيسوي ، طالعو مسرح علّان !!

آآما الواقع يقول اسوأ شي سواه حسين ( مراهق في الخمسين ) أفضل من كل مسرحيات طارق الأخيره ( اعماله مابعد : لن اعيش في جلباب زوجتي ) !!

بوعدنان مايعجبني حاضره بس ماضيه مشرّف ومشرّف حيييل بعد !! جيل بوعدنان يسمونهم ( جيل الرواد ) اهم اللي أسسو المسرح ! وبخصوص كلامج عن المتوفر هذا غلط غلط غلط

- اول شي بزمنه كان في مسرح وممثلين واايد ماينذكرون لأن اللي برز حسين وحياة وسعاد والصلال ومريم الصالح وغيرهم !!
- على بداياتهم ماكان في معهد عالي للفنون المسرحيه ،
- وهم على وقتهم هم ماكان في اعلام قوي يخدمهم مثل ماهو موجود الحين !!
ومؤلفين ، مخرجين ، تقنيات المسرح الخ الخ الخ
هذولي الناس حفرو بالصّخر ووصلو مسرح الكويت لمصر وبعدها المغرب بوقت ماكانو يعرفون عن الكويت سوى إنها دولة على اطراف الخليج بس !!

اما الجيل الحالي متوفّر لهم كل شي ( خريجين أكاديميين سواء ممثلين مخرجين الخ الخ ،، تقنيات عاليه ) !!

ليش محّد سأل نفسه ليش طارق مايختار الا "فئه معيّنه" ؟؟؟؟؟!
اللي نسميهم ( مهرّجين ) !

ليش مااييب معاه الفنانين الشباب الأكاديميين مثل خالد امين ، احلام حسن ، التركماني ، فاطمه الصفي ، أو حتى اللي من جيل الكبار مثل مريم الصالح وابراهيم الصلال وغيره وغيره وغيره ؟!؟؟؟؟؟
لأنه يسيئ للي وياه بالمسرح ( حتّى لو شلّته بالمقابلات يتكلمون بمناسبه وبدون مناسبه انه يحترمهم ويحبهم وشوية الكلمتين هذوولي ) بس الواقع اللي نشوفه انه مايحترمهم عالمسرح !!
اتخيل لو اني بنت شهاب حاجية أو احمد الفرج بستحي اخلي ربعي يحضرون ويشوفون شيسووي بأبوي

بالنهاية انا موضد طارق ولاأكرهه بالعكس ممثّل كوميدي درجة أولى بس للأسف ماقام يحترم جمهوره ! مستحيل احضر مسرح نصه يتطنز عاللي وياه والنص الثاني يسولف وي الجمهور !!

##
##

كل الكلام الي قلتيه صحيح كفيتي ووفيتي

[محمد العيدان]

الخلافات بين الفنانين موجودة ولابد من ان هناك شخص مخطئ بالموضوع وشعبان قال اللي بقلبه
وانا قلتها من قبل النص الذي يكتب مدته نص ساعة فقط والباقي ارتجال

وشهد شاهد من اهله

[The leader]

انا احد جمهور طارق العلي واقولها بـ صراحه

اللي يبي يضحك يحضر مسرحيات طارق العلي ولكن يكون في علمه ان بيطلع

من المسرح بدون فايده !! يعني بيروح يضحك ويطلع وهو ما استفاد شي ..

وبالنسبه للي يقارن طارق العلي بالعملاق عبد الحسين اقوله استريح بس !!

الف شكر ..

[الشبل]

المشاركة الأصلية كتبت بواسطة the leader

انا احد جمهور طارق العلي واقولها بـ صراحه

اللي يبي يضحك يحضر مسرحيات طارق العلي ولكن يكون في علمه ان بيطلع

من المسرح بدون فايده !! يعني بيروح يضحك ويطلع وهو ما استفاد شي ..

وبالنسبه للي يقارن طارق العلي بالعملاق عبد الحسين اقوله استريح بس !!

الف شكر ..

بالضبط هذا إلي نقصده مسرح طارق العلي للضحك فقط بدون اي فايده و الي مهمته يضحك الناس بدون ما يفيدهم هو المهرج

[قلم صحفي]

المشاركة الأصلية كتبت بواسطة the leader

انا احد جمهور طارق العلي واقولها بـ صراحه
اللي يبي يضحك يحضر مسرحيات طارق العلي ولكن يكون في علمه ان بيطلع من المسرح بدون فايده !!
يعني بيروح يضحك ويطلع وهو ما استفاد شي ..

كتبت فأنصفت
أصبت كبد الحقيقة و أوصلت ما كنا نريد إيصاله إلى مؤيدي طارق العلي

وبالنسبه للي يقارن طارق العلي بالعملاق عبد الحسين اقوله استريح بس !!

كما ذكرت آنفاً إتباع أسلوب المقارنة بين العملاق عبدالحسين عبدالرضا و طارق العلي
لم يكن إلا من أجل تغيير مسار موضوع النقد الموجه إلى الأخير , و من ثم وضع اللوم على الأول

و كما قال الأخ بحر الحب فشل مسرحية ( قناص خيطان ) يضاهي جميع المسرحيات التي كانت بطولتها المطلقة لطارق العلي

[Zandi]

مداخلتي فقط بخصوص المقارنة بين عبدالحسين عبدالرضا وطارق العلي

اتمنى من جمهور طارق العلي ان يسترجعوا تصريحات طارق عن عبدالحسين عبدالرضا

طارق العلي في كل لقاءاته يمجد في عبدالحسين عبدالرضا ويؤكد انه من المستحيل ان يقدم ولو جزء بسيط مما قدمه الفنان عبدالحسين ولا نبخس حق جيل الرواد معه

هل تريدون ان تكونون ملكيون اكثر من الملك نفسه؟؟

عبدالحسين هرم
عبدالحسين تاريخ
عبدالحسين البرج الرابع في الكويت
عبدالحسين ليس مجرد فنان .. انما صاحب رسالة هادفة للمجتمع الخليجي

هل تعلم ان مشهد واحد فقط من مسلسل درب الزلق يتغلب على جميع المسرحيات التي تعرض في العشر سنين اخيرة سواء من طارق ولا داوود ولا المسلم ....