[قلم صحفي]

المشاركة الأصلية كتبت بواسطة ali h

بالعكس ياخوي احنا ماسمحنا هالموضوع ينحط عندنا بالمنتدى عشان لحد يغلط على شعبان او يصير فيه مشادات !
كنت اقدر اسمح بهالموضوع في منتدى طارق العلي وتشوف شتم ولكن ماحطينا الموضوع وين الشتم

أنا قصدت موضوع منصور الضبعان الذي تم تنزيله في منتداكم
و تأسفت على الشتائم التي قيلت في حق هذا الشخص من قبل أعضائكم الذين قالوا بأنه تهجم على طارق من أجل الشهرة , و كأنهم بذلك علموا الغيب و دخلوا في نياته
مع العلم أن منصور أجاب على سؤال بخصوص تقليد الممثلين الشباب لأسلوب طارق في المسرح , و أبدى رأيه الشخصي بهذا الخصوص

طارق العلي دائماً يقول خل ينتقدوني وخل يقولون اخطائي عشان اصححها لكن بدون تجريح !

يعلم الله يا أخ علي بأننا لا نكره طارق و لا نحمل في قلوبنا حقداً عليه , بل أننا نتمنى منه أن يكمل مسيرة الرواد في المسرح
أو أن يقدم عروض كوميدية تعتمد على الإرتجال كالتي قدمها في الرياض و نالت إستحسان الحضور

[abc]

المشاركة الأصلية كتبت بواسطة The Red Blue

"سنة شيعة ما يهم كلنا الكويت" جملة انتهى زمنها للأسف، الآن كل شخص صار ينتظر الزلّة من الشخص من المذهب الثاني عشان يتهاوش معاه !!

وانت شكــوو
احنا بالكوويت ماعندنا هالسواالـف البايخة اللي عند غيرنــا
واتحدااااك اتييب لي واحد كويتي يدوور الزله عاالثاني خاصة اهني بهالمنتدى

[The Red Blue]

قلم صحفي، حصل خير ^^

abc، عزيزي لا تفهمني غلط، لكن أسألك بالله كم مرة شفت ناس يستخدمون "قطّات" طارق ؟ في المنتديات ؟ في المواقع ؟ في المدرسة ؟

هالسوالف البايخة للأسف موجودة في كل مكان، لا نهرب منها.

أتمنّى ما نتعمّق في الموضوع أكثر، لأنّ كل الي حبّيت أوصله إنّ هذه "القطّات" المفروض أبداً لا تستخدم على المسرح، فسوء الاستخدام بسببها بالتأكيد حدث و سيحدث.

[shdgam]

الفنان شعبان لمن قال انه مسرح طارق مبتذل ماشمله كله لانه قال بالحرف الواحد مسرح طارق بعد 2004
ومانكر انه تعامل وياه وقدم معاه مسرح فيه صبغه فنيه لكن مايقدمه طارق حاليا هو فن الا فن مثل ماتفضل شعبان وكل كلام شعبان صحيح وعالجرح لكنه في بعض النقاط الي مالها داعي تنذكر مثل الامور الشخصيه بينه وبين طارق
لكن العشره ماتهون الا على ابن الحرام وطارق جحد عشرة شعبان مع انه طارق بدا مشواره مع شعبان
لكن يوم كان شعبان مريض وبحاجة العلاج طارق ضغط على شعبان بالعقد علشان يكمل بين قوسين (( مثل ماسمعت )) يعني كان همه نفسه ونسى حالة صاحبه واخو دنيته مثل مانكر تاريخه مع الي اخذ بيده للنجوميه وهو الفنان احمد جوهر
والي يبي يقنعني انه الي يقدمه طارق فن اقوله روح شوف بوساره فالعماره وغيرها من مسرحياته فاخر ست سنوات من حبكه وموضوع والمصخره الي تصير فيها وقارنها مع مسرحيات 2003 والي قبلها واعمال طارق الاخيره للاسف لفتره زمنيه محدده وبعدها تنمحي من الذاكره وللاسف هذا حال مستوى الفن حاليا وخاصة الفن الي يمشي مع مقولة الجمهور عاوز كده

[سقف الأبداع]

لجميع من يحي طارق العلي هل سألتم لماذا اكثر من ممثله وممثل رفضوا العمل مع طارق العلي
وهل تقبلون ان تتضحكون على كلمات جنسيه بحته ومفهومه والدليل على كلام شعبان وكلامي مسرحية
بوساره فالعماره وغير الكلمات بل بالحركات مع فرحان العلي
وهل الكوميديا تفترض ان تعييب على لون فلان وشكل فلان هذه خلقة الله هل الكوميديا التعييب على خلق الله والاسباب تطووول
اما لكلام شعباان بعضه صحيح وبعضه نريد الرد من طارف العلي على كلام شعباان

والشكر موصول للأخوين بحر الحب وروائي على التغطيه

[قرناس الكويكبي]

لييييييييييييييييييييييييييييييييييييييييييييييييي ييييييييييييييييييييييييييييييييييييييش

[مجروح و يكابر]

والله حالينا طارق العلي مسرحياته كلها من السر وتحت حتى القروب حق طارق جدا سيئ وسخيف جدا
حتى حاليا طارق مهوب اهو اللي ينجح المسرحية ويحليها الله يخلي عبدالرحمن العقل واحمد الفرج

[روائي]

شغله مهمه أحب أوصلها للأعضاء ..


يمكن طريقتي في العرض كانت على شكل تقديم .. بس الموضوع مو تقديم ولا هو لقاء صحفي .. الموضوع

عباره عن دردشه تصير في كل مكان وكل ديوانية وكل وزارة وكل جامعه وكليه ومعهد واللي يخطر على بالكم


بعد صعبه كل فنان يحط حراس على كل هالاماكن ويمنع الناس من الحديث عنه .. !!


كل واحد حر برايه وراءينا في طارق كان موضوعي .. بعيد عن التجريح .. ووضعنا فتره زمنيه مابعد عام 2004



يعني بالذمه مسرحية البيت بيتك شنو مضمونها ؟ ابوساره في العماره شنو مضمونها ؟ حاميها حراميها شنو مضمونها ؟ قدها ونص شنو مضمونها ؟

ابي جمهور طارق وانا واحد من الجمهور طبعا .. يجاوبني ؟؟؟


ياترى هلمسرحيات المذكوره ؟ ولا صح لسانك ؟ هذي المسرحيه اللي كثر ما اطالعها ما امل منها.. أه يادرب الزلق اموووت من الضحك وتعلمت اشياء منها .. اللي يدري يدري ؟؟ فضيحه هذي المسرحيه الهادفه اللي قدمت اللي الكوميديا باروع صورها ...


شنو مفهومكم للكوميديا ؟؟ ضرب مؤخرات وكلام وصخ عمرنا ماسمعناه !!!!!!!!!!!!

[لله درك]

السلام عليكم...

صراحه شي محزن!!!!
انا استغرب الهجوم العنيف من فترة على الفنان طارق العلي
ولا كأن أحد يقدم مسرح غيره في العالم ؟؟؟!!!!!
يعني انت الحين ما يعجبك طارق فنيا ففي غيرك يعجبه اعماله
يعني شيء عجيب ما يعجبك صار فاشل ومفلس فنيا ،، اذا على
كلامك هذا كان شفنا المسرح خالي من الجماهير ؟؟؟
واذا قلت لي انه الجمهور تافه ويحب هالشغلات التافهة من طارق
فحتى عبدالحسين عبدالرضا من وجهي نظري انه فاشل
والجمهور الذي كان يحضر مسرحياته جمهور غير واعي وغير فني...

اصابع يديك مو بعض

طارق تمكن من وجود مسرح خاص له.. وهذي شطارة

وحتى كلام شعبان عباس عن طارق مع احترامي له كشخص
احترمه واقدره ،، لكن كفنان ومنو شعبان عباس في عالم الفن
اشتهر كومابرس لطارق العلي وداوود حسين طوال مسيرته الفنية
ولا عمل واحد اخذ بطوله !!!!
تجي تقيم فنان بحجم طارق.. بعض النظر عن الخلاف الشخصي

يعني الشبكة من زمان طارق العلي شغلها الشاغل
فاشل ومفلس و... طيب خلاص فاشل ... في ناس يعجبها اعماله ومسرحه
واذا قلتوا جمهور تافه.. فهذه اذواق..
اشوف مسلسلات هالوقت مايمدي احطه دقيقة وحده لأنها ماتعجبني
مثل مسلسلات سعاد وحياة وعبدالحسين وغيرهم
وانتم يمكن تعجبكم

واخيرا

اتركوا الرجال يشتغل لجمهوره لحاله..
تراه ولد الكويت