[روائي]

في البداية اقدم اعتذار بالنيابه عن شعبان ومني على التأخير اللي صار بسبب ظروف كلينا وانشغاله ... وكذالك اوصلكم سلام شعبان وتهنته لكم بحلول شهر رمضان المبارك اعاده الله عليكم بالخير واليمن والبركات

واليوم قررت تنزيل الرد كتابيا .. لأنه شعبان لم يوافق على عرض التسجيل بسبب جزئية اعترض عليها ونحترم الفنان شعبان وطبعا يهمنا انه يكون مرتاح ومانجبره على شي ..

لكن مايمنع اني اكتب بعض الردود على الأعضاء اللي ورد ذكرهم بالتسجيل .. ونحترم شعبولا على شجاعته وعدم تهربه من المواجهه .. ولا عزاء للجبناء ممن مرغ انفه بالتراب

واليكم خطاب شعبولا حرفيا بدون زياده ونقصان مع تعديل بسيط على الكلمات وكل عضو من خلال سياق الكلام بيعرف الجواب على سؤاله

" أولا : خذيت فرصتي كل من وقف مع شعبان وسانده أبد ماقصر معاي وبعدين ماضحيت واكون بموقع الند المساند كان ماشفنا ابداع من العم عبدالحسين عميد الفنانين الكويتين بمسانده من العم سعد الفرج والراحلين علي المفيدي وخالد النفيسي علشان نرتقي بالأعمال وهذي الأدوار تكون أقوى من دور البطوله والحمدلله مثلت مع طارق ومن غيره ماتفرق عندي الموضوعية
ثانيا : بالنسبه للقاء تم التنسيق مع ادارة تلفزيون الكويت علشان تنكشف الحقيقه مع بعض المحاذير من طارق علشان لا اقول أي موضوع عن الخلاف بينا وهذي شهاده من المعدين ومخرج ومذيعين اللقاء وصار موضوع ماله داعي حضرتك انت تعرفه ياسيد لانه ليس كل مايحدث يقال لناس ماتعرف التفريق بتوافه الأمور واللي أتخصني مع الناس اللي كليت معاهم ابماعون واحد وافهم يافهيم !!
طرحت على طارق سؤال وايد طلب مني من تحت الطاوله عدم الخوض بالحديث عن ابعاده بس طلبت من عنده انه يضع النص على طاولة النقاش لكي نناقش تنقيح النص الصالح مجتمعنا الكويتي والخليجي
والظاهر انك ماتعرف انه طارق مايعجبه الشخص المحاور لانه يرى نفسه الصح وكل الناس خطا يعني انت معاه من الخطا معصومين صح ياباشا !
ثالثا : على فكرة بالنسبه لنص سوبر اصطار كان راقي جدا وهالكلام أشهد عليه كاتب النص القطري تيسير عبدالله اللي اعدها جد الاعداد وبعد توقيع العقود تم محورت النص مع تساهيل جدا كبيره من لجنة الرقابه والنصوص لطارق !!
(وهي غايه في نفس يعقوب )
وحضر الكاتب مع زوجته حق عرض المسرحيه وكان يتابع النص لدرجة ان طارق قاله (انت مصدق نفسك انك كتبت النص خل النص وتابع التغيير)
وهالشي يعتبر التواء لبعض ادوات المسرحيه لانه كلامنا مسمار بلوح لما انشارك ويضل طارق اخونا وبينا عشر عمر اما التغييرات مايحقنا التدخل فيها مادام في رقابه ولجنة لها الحق بالرفض ..بس فقرة توقيع العقد ألغيها لاني عمري ماوقعت عقد مع طارق ابكل مسرحياتي طوال حياتي من انتاجه فقط مسرحية صح لسانك كانت انتاج مشترك مع
المنتج : عادل الدوسري والمخرج : محمد خالد
رابعا: على طاري اللي يغلط على اهلي ما اعتقد انك ياسيد راح ترتضي على نفسك انه أي شخص يقول انك ناكر للجميل وعيب عليك هالكلام ولازم تلتزم حدك واتعرف انت منو وانا منو وانا مو اللي كنت اصرف عليك علشان اساعدك ماديا وانك سويتلي واسطه للعلاج بالخارج وكلهذا صار بشهادة من كبار المسؤولين بالكويت ومن متى طارق كان كل هذا فضله علي واتناساه وانا موظف الحمدلله في وزارة الاعلام سنة 1996 واهو انتج اول عمل خاص فيه 2001 لازم تفهم يا علي
ومن يقول اني اول من يحضر حق مسرحيات طارق دائما الدعوه توجه لي من عنده بشهادة ولد عمي وبعض من الاصدقاء وبعدين طارق تنكر لفضل الله واحمد جوهر ولاحضرتك نسيت هالشي وتنكر لعادل الدوسري ومحمد خالد وخل الطابق مستور لانك تجهل ماتقول يا استاذ علي باشا واتمنى تفهم بشنو قاعد تسال ..
وبالنسبه حق نادي القادسيه روح حق ادارة النادي واطلب كشوفات حق تسليم المقسوم على حسب ثقافتك واكتشف اذا كنت اول من يضحي لاسعاد الاعبين والجمهور بالمدرج يامن تقبض المقسوم من ولي نعمتك يامدعي الحق ونادي القادسيه تاج على راسي وراسك وشوف انجازاتهم قبل لا تتكلم عليهم
خامسا : وبالنسبة للمسرحية اذا انت تتشرف انك تخلي اهلك وبكل فخر يحضرون المسرحيه حق أي عرض حالي لطارق فهذا خلل في نفسك بانك لاحياء عندك لحفظ كرامة اهلك من هالكلام الخادش والجارح للحياء يامحترم لانه الكلام والتلميحات الفاضحه عيب اذا كنت تعرف شي اسمه احترام لقيمة عائلتك ياعلي
سادس : صحح بعض من معلوماتك انا لم ولن افشل بالغناء والدليل باي مكان يكون ابإيدي المايكروفون يطلب الجمهور وصله غنائيه للاستمتاع وبالنسبه للايقاعات شكلك نسيت تقرا عدل وتفتح عينك انه شعبان عاش بعائله فنيه مع والده لغاية دراسته بمعهد الدراسات الموسيقيه والمعهد العالي للفنون من دفعة سنه 1988 قبل الغزو يامحترم واقود فرقه فنون الليوه الشعبية مع والدي رحمة اللة عليه وفرقة ابوي حمد بن حسين الله يرحمه

وكذالك وجه شعبان كلاما لمدير موقع طارق الذي تهرب من المقابه انذاك قائلا له وبالحرف الواحد : " قول حق علي خادم موقع طارق شنو سواه طارق مع قروب بخيت وبخيته من فوضى وهلاقه سوقيه عالطيران القطري روحه ورجعه يامن تعرف الحق !! واطرح على ولي نعمتك وسيد قومك سؤال اذا كنت تملك الجرأه
ليش مايبتعد عن المبالغه في كلامه عن الشيعه والسنه والعربي والقادسيه والجهره والضاحيه الى اخر الحديث اللي لاتجديد فيها من غير احترام لوقت الجمهور من الحضور اللي بكم مره يسهزء بهم وتكون ردت فعلهم مباشره واخرى غير مباشره واخر مره نسيت ماصار معاه مع الاخ القطري بمسرحه وجمهور الاحساء والامارات اتمنى تراجع نفسك على الاقل يافهيم فديتك يابو المنتدى !!!"

بالنسبة للتسجيل الصوتي الممنوع لكن اخذنا ردود الأعضاء التاليه اسماءهم :-

رد شعبان على العضوه الأنين : ماكل مايحدث يقال لان هي الاخت الانين ماتابعت الامور اللي داخل الكواليس او الشي اللي يصير جدامنا علشان تتكلم عن الموضوع هذا ... يعني انا لما اتكلم عن شي الناس تفهم شي ثاني لانها قاعد تطالع المسرحيه كا عرض مسرحي سجل وخلاص انتهى فا يوم التسجيل ينتهي ل شي راح يوثق لكن لما يكون النص من الاساس غير الكلام الموجود وانقال هذا شي ثاني من وجهة نظر الناس اذا كان يصرح من هيئة الرقابه في أي دوله في الخليج او في العالم العربي او الاجنبي كلام يخدش الحياء مثل الكلام اللي يقال في مسرحيات طارق حاليا انا اتكلم عن المرحله الحاليه تركوا ماضي شعبان مع طارق انتهى انا اتكلم عن وجود طارق الحين اذا كان في شي يصرح فيه نفس الكلام اللي يقال ويوثق داخل لجنة الرقابه والنصوص فا أنا راح اقول على الدنيا السلام على الفن بس الكلام والنص مو ايه قرأنية علشان لاتحرف ولاتغير فا في تهاون جدا كبير ,, وخل تفهم واذا هي يعجبها انه هي تقعد مع اخوها وابوها في الايحاءات المسرحيه التي تقول على الدنيا السلام حتى على الناس اللي تتابع على الاعمال هذي

رد شعبان على ساره : صح انا ماني ممثل رئيسي بس البيت له عمودين العمودين .. احنا نشكل بالمسرح عمودين الضاحي والمضحي فا لما انا احط راسي براس طارق اثنينا نكون نجوم
و اللي يثبت انه شعبان موقع عقد مع طارق فله مكافأه من شعبان مليون دينار كويتي لو على قص ارقبتي انا هالكلام اقوله بدليل اثبات رسمي من جميع عقود طارق عنده .. فاخل يطلعون عقد يثبت هالشي
شعبان الناس مافهمت ولاعرفت يوم احتاج علاجه طارق قالي ثلاث مرات بالكواليس بيني وبينه قاعدين بالغرفه وجدام الشباب " منو ياخذ دورك؟" هل هي الصحه او على قولتهم الدور المسرحي واصحاب الدور يعني شعبان تبون تشوفون يموت ينتهي انتوا ترتاحون علشان تقولون والله طارق ضحى ولا شعبان ضحى ؟ يعني لين يموت الفنان علشان انتوا ترتاحون مشكله الناس ماتفهم معنى انسان ينام ويقعد وهو واقف ينام ويقعد وهو ياكل لقمته ينام ويقعد وهو على غنفه مو على سرير مثل ماحضرتهم ينامون ويرتاحون واتمنى كل واحد يعرف الصح من الغلط لما شعبان راح سافر على حسابه الخاص ثم على حسابه الخاص علشان تعرفون مدى الحقيقه .. شعبان تسلف من واحد من ربعه 3 الألف دينار علشان يوصل جده ويرجع بدمعته لما الدكتور يقوله انا ماقدر اسويلك عمليه للنك راح تموت انت انسان تهمني اكثر من الفلوس انسان غريب يوقفلي وطارق يقولي منو ياخذ دورك بالمسرحيه وثمنوا كلامكم علشان لا اطلع الجرح المخيط واللي مو عاجبه هالكلام اتمنى لو يصير فيه هالشي بشخص عزيز عليه علان يعرف حجم المعاناه اللي شعبان سكت عنها من 2004 !!!

رد شعبان على قلم صحفي :- صح كان في تعاون في مسرحية بخيت وبخيته وهذا جاء على لسان طارق وفي موضوع محد يدري عنه والكاتب محمد خالد قاله طارق ابيك تكتب نص بيني وبين شعبان وصارت شغله بالغلط ورفض النص من الاستاذ ولغى الموضوع وسكتنا عن السالفه .. وانا ما اتلزق بشخص هو كان يطلبني ليش مارحت للرشود او طارق اللي يقدمون لي اربع اضعاف مايعطيني طارق
..
..
..
..
..
..

وإلى هنا تنسدل الستاره بعدما انكشفت الأقنعه والحقيقه التي ظهرت رغم هروب البعض من ساحة المعركه .. لأنهم جبناء ولايفقهون بأصول المبارزه لكنهم ماهرين بالتخفي والطعن بالظهر

شكرا لكم على تفاعلكم وعلى مشاركاتكم .. وشكر موصول لزهرة البحرينيه والطاقم الإداري .. والى ان نلتقي مع شخصيه جديده لكم مني ارق تحيه .... طلال

[الضامي]

اللهم اني صائم

ما أدري ليه الاصرار على مسألة شعبان وطارق

خلاص شعبان وضح انه على خلاف مع طارق وقال كل شي

ما يحتاج شعبان يعيد ويكرر

للأسف بديت أحس ان شعبان أُستُغل وكفى ..

[قلب النسر]

والله مطولين السالفة ... الجمهور ماله شغل بجميع خلافاتكم هذه الامور من الخطأ تطلع للناس .. مو كل شيء ينقال فيه شغلات ما تعني لنا كجمهور ما تفيدنا ... مثال: شعبان يقول امه ماتت وهي مو راضيه على طارق ... علينا من الامور الفنية ... واضح انه شعبان ماعنده سالفة في بعض الامور اللي قالها الله يهديه


شكرا لكم

[قلب النسر]

ننتظر الشخصية الجديده وأنت قلت لي مع من بتلتقي .... شكرا جزيلا لك روائي (طلال) بس ياريت فيما بعد تسجل مع فنانين مختفين منذ زمن بعيد عن الساحة الفنية مثل بوهلال وترتب مع الادارة ... حقيقة هذا الفنان مثل كثير مع طارق العلي بمسرحيات 2000 وغيرها من الأعمال .. فأين هو الأن لأن من حقنا كجمهور نعرف أخباره خصوصا أنه ما يظهر لا بصحيفة ولا له خبر .

[أبو أصيل]

شعبان ماعنده شغل غير السب والشتم في طارق ؟

مو مشكله
عالعموم هذي هديه متواضعه لك ولفنانك المخضرم ( أرجوا الاطلاع )
http://forum.fnkuwait.com/showthread.php?t=19017

[قلب النسر]

كلنا كجمهور يحق لنا ننتقد ونقول اللي بقلبنا فالجمهور الكويتي والسعودي والخليجي ناس واعيه جدا ... لكن نتكلم يا شعبان عن خلافات بين فنان وفنان .. مالنا شغل بالخلافات الشخصية بينكم .. ألاحظ أن شعبان خرج خارج الموضوع قليلا وهذا ما سمعناه بالتسجيل الصوتي الأخير .... ألا تعتقد أنها تكون فتنة أو حقد وكراهية مابين الناس وبينك وبينه!!!! ... الحديث يكون في اطار الخلافات الفنية وما يعيق ويرعقل تقدم الفن الراقي ... وليس عن الخلافات الشخصية ونغوص في العميق ما نعرف شلون نطلع على الرغم من أنه صادق في كلامه كله ولم ينطق الا الصح لكنه خرج عن الاطار العام قليلا ...... (وجهة نظري)

[محمد العيدان]

الخلافات بين الفنانين عادية جدا ولكن بعض الاعضاء عندما يتحدثون عن خلافات اهل الفن يأخذهم الفضول لمعرفة الاسباب ... والاخ روائي ماقصر فتح لكم باب المشاركة بموضوع خلاف شعبان وطارق لمعرفة مايجري ... وعلق شعبان على على كلام الاعضاء واعتقد الى هنا انتهى الموضوع

[ممثل الشعب]

يا جماعة خلصونا من هالسالفة ... فخار يكسر بعضه

[روائي]

المشاركة الأصلية كتبت بواسطة الضامي

اللهم اني صائم

ما أدري ليه الاصرار على مسألة شعبان وطارق

خلاص شعبان وضح انه على خلاف مع طارق وقال كل شي

ما يحتاج شعبان يعيد ويكرر

للأسف بديت أحس ان شعبان أُستُغل وكفى ..

كلنا صايمين حبوب :d

مو اصرار فديتك بس انا وعدت الاعضاء بالاجابه على تساؤلاتهم واللي يدق الباب يلاقي الجواب

لاهنت على مورورك الكريم