[أبيك و ما أبيهم .~]

أطفال "المخدات"


اهمه أطفال بعض المشاهد في الاعمال تتطلبهم و لكن مخرجين الخليج الاعزاء يبدلونهم
بـ مخدات و قراطيس و كوارتين


مشهد طفل "المخدات" مشهد معتاد جدًا جدًا في الدراما الخليجية و يكون مثير للضحك الصراحة


يعني أمس جفت مسلسل "الجليب" كان مشهد فاطمة عبدالله و خالد البريجي كانوا شايلين مهاد خالي فيه جم قرطاس اظاهر و المشهد كان مثير للضحك و مافيه واقعية أبدًا

و يمكن لو نقعد لباجر نحسب المشاهد لهالسنة بس لـ اطفال "المخدات" ما بنكمل



يمكن البعض يجوف انتقادي "سخيف" و "ماله داعي" بس جد شسالفتهم منتجين الخليج


هالقد عندنا نقص باليهال .. أو أجور اليهال عالية أو شنو بالضبط ؟!!!

[اللين]

هههههههههههههههههههههههههههههههههههههههه
سبحان الله امس كنت اتناقش على سالفه الطفل الموجود بمسلسل بوكريم وانه وشلون ساكت
خصوصا انه يحركونه كثير بعدين قالوا لي انه من جنسية عربيه وبيني وبينك قلت بعذره هادي
وساكت رغم الافتراء اللي صاير فيه

عيالنا الله يخلف منفسين وشايفين نفسهم عساك بس تلمسهم الا سوا انفجار صياح وعل قلبك
وش يبون فيهم يعطلونهم عن التصوير وياذونهم وصاروا يعوضونهم بمخدات وقراطيس ويالله الفكه

[سوالف بنت]

بالعكس الموضوع مهم ومضحك وملفت واهنيك عليه فعلا
كلهم مخدات والي الاحظه دائما بأغلب المسلسلات يجيبون اطفال يرددون الحوار ويطالعون الكاميرا
ماادري متى نوصل للاحترافيه ونهتم بكل الممثلين واداء كل واحد حتى لو طفل صغير
احترموا عقولنا يامخرجين