[القدير]

مسرحية الزوج يريد تغيير المدام من انتاج المسلم


البطولة كانت المفروض تكون لسعد الفرج وسعاد عبدالله وطارق العلي وعبدالعزيز المسلم

لاكن جميعهم اعتذروا عن العمل فبدال المسلم هالممثلين:


بدل سعد الفرج بـجمال الردهان(تعليقك على التبديل)


بدل سعاد عبدالله بـالهام الفضالة(تعليقك على التبديل)


اعتقد ان دور شيماء كان المفروض حق هيا الشعيبي(مواكيد)


ايضا طارق اعتذر



__________________________________________________ __________________



شنو رايكم بالتبديلات وهل وفق فيها المسلم؟؟


هل اعتذار الممثلين سببه ضعف نص المسرحية؟؟

[كلمة حق]

تبديلات غبيه
مع الاحترام لجمال الردهان لكن هذا سعد الفرج
وللي اعتبرها وحاليا اصبحت مهرجه الهام هذه ترى سعاد عبدالله
دليل وااضح على ضعف النص
وحضرت المسرحيه اليووم
بالفعل نص ضعيف اللي تم اسناده لفنانين ليسوا بحجم العمالقه ادوارهم هامشيه كانت
وان تواجدوا فمجرد تواجدهم اضافه للعمل فقط

[شايل جروحي بروحي]

للاسف دور سعد الفرج وسعاد عبدالله محد يقدر ياخذه ويتقن مثل مايتقنون الدور

[عاشق ومن الحر طافش]

طارق العلي تبدل مكانه من

[bujassim]

طارق العلي قويه


شلون طارق العلي مع المسلم ؟

لان كل واحد له مسرحية بروح

[>< ساره ><]

نفس ماقلت بردي على موضوع ثاني بخصوص المسرحية :
من شفت الهام ام المسلم غسلت ايدي !!!!!!

الهام والردهان الأبو والعيال شيماء وممثل "ماعرف اسمه" وجعدتهم عبيط الشيطان طالب الثانوي !!!

وزين يسوون سعاد وسعد الفرج لأنها عادية حيل ماراح تضيفلهم شي ،،،

[رحـلتي]

أخـوي للعـلم فقـط المسـرحيه تغيـرت كثيراً بعد أعتذار سعـاد عبدالله وسعـد الفرج عن المسرحيه وتم تغيير الكاركتيرات .. ولكن أعتذار سعاد كان لأنشغالها .. اما سعد الفرج فـهو " مجهد " لأنه تصوير مسلسل العضـيد التراثي أنتهى في رمضان فأعتذر لعبدالعزيز المسلم ..

أما الأخوان الي يقولون كيف ألهام أم عبدالعزيز المسلم !!
وين المشكله !
هذي مسرحيه والمخرج والكاتب يلعبون فيها ..
على سبيل المثل : مسرحيه لولاكي شلون تصدق أنه ولد الديره ياهل رضيع !!
وشلون تبجي على مشهد حزين وانت عارف انه تمثيل وموحقيقي !

فبالنهايه اللعبه المسرحية تقنع المشاهد بهل شي ..

[بشاير]

بصراحه انا حضرت كذا عرض من هالمسرحيه
وكلمة حق تنقااااااااااال المسرحيه بقمة الروووعه قصه واداء ومضمون
وشيماء والهام بدعوا فيها ياليت يستمرون مع مسرح الكبار وااايد احسن
وبالنسبه لدور هيا الشعيبي اللي اعتذرت عنه اخذه جمال الشطي بعد اعتذار هيا مو شيماء
لان شيماء من الاساس كانت معاهم ودورها ابداا مايصلح لهياا

[مجنونة الامبراطور]

انا ماشففت المسرحيه صراحه
ومايعجبني مسرح المسلم
لكن بخاطري شي بخصوص الهام
الهام بـ اكثر من لقاء تابعته لها وبلسانها
تقوول ارفض اي عمممل مسرحي للكبار الا اذا كان مع بوعدنااان !!!!!!!!
اما غيره صراحه لاا لانه تعتبر مغامره
بس اشوف الحين الحال تغير والراي تغير
شـ السالفه يـ ام فجر
شنو الي استفزززك بعمل المسلم عشان تشاركين معاه وتتنازلين عن قناعتك !؟
اتوقع الماده ماكو غيرها!

[رحـلتي]

المشاركة الأصلية كتبت بواسطة مجنونة الامبراطور

انا ماشففت المسرحيه صراحه
ومايعجبني مسرح المسلم
لكن بخاطري شي بخصوص الهام
الهام بـ اكثر من لقاء تابعته لها وبلسانها
تقوول ارفض اي عمممل مسرحي للكبار الا اذا كان مع بوعدنااان !!!!!!!!
اما غيره صراحه لاا لانه تعتبر مغامره
بس اشوف الحين الحال تغير والراي تغير
شـ السالفه يـ ام فجر
شنو الي استفزززك بعمل المسلم عشان تشاركين معاه وتتنازلين عن قناعتك !؟
اتوقع الماده ماكو غيرها!

الحـقد يشـع !!
لا يالغـآلي مو الماده .. ولو متابع اللقاء الصحفي على قناه مباشر جان سمعت ردها .. لأنه واحد قام يشتغل مسرح صـرح ومسرح جاد > هذا ردها

[كاظم]

المسرح الكويتي عبدالحسين عبدالرضا وسعد الفرج فقط لا غير لا حياة الفهد ولا سعاد عبدالله لانهم مكملين لهم وليس العكس ولا اللي يليهم ... لولا عبدالحسين وسعد لا يوجد مسرح مستمر او يعتمد عليه كمسرح

[مجنونة الامبراطور]

المشاركة الأصلية كتبت بواسطة رحـلتي

الحـقد يشـع !!
لا يالغـآلي مو الماده .. ولو متابع اللقاء الصحفي على قناه مباشر جان سمعت ردها .. لأنه واحد قام يشتغل مسرح صـرح ومسرح جاد > هذا ردها

!!!
حقد !!
بالله من وين استبطت الحقد من كلامي

ياخوي انا من محبين الهام لعلمك
وبلقائها بـ برنامج قعده ماتنمل هي ذكرت الكلااام
فيما معناه
قالت صعب دخولي مسرح الكبار والكبار له ناسه ومنهم بوعدنان
و اعتذذرت من الي قدموا لي نصوصهم بس انا مومقتنعه بالي قاعد يقدم على المسرح
ولو قدم لي عرض من بوعدنان راح اشااارك فيه لان بوعدنان يشيل
و وانا مرتاحه مع مسرح الطفل

وبعدين ليش احقد اعرفه تعرفني ناس من جد متخلفه
وانا قلت احتمال الماده والكل يعرف المسلم ريال يدددفع
واخيرا انا بنت مو ولد

[هرول]

شكل المسرحية متعوب عليها

[>< ساره ><]

المشاركة الأصلية كتبت بواسطة رحـلتي

أما الأخوان الي يقولون كيف ألهام أم عبدالعزيز المسلم !!
وين المشكله !
هذي مسرحيه والمخرج والكاتب يلعبون فيها ..
على سبيل المثل : مسرحيه لولاكي شلون تصدق أنه ولد الديره ياهل رضيع !!
وشلون تبجي على مشهد حزين وانت عارف انه تمثيل وموحقيقي !

فبالنهايه اللعبه المسرحية تقنع المشاهد بهل شي ..

اقنعتني شوي : )
صح كلامك ممكن الممثلين يلعبون بالعمر !!

بس بغض النظر عن الأدوار اشوفها مسرحية ( فاضيه ) مافيها نص دسم !! وكلها حشو × حشو !!
حتى مفهوم الوحدة الوطنية اللي ناقشوه احسه ينفع حق متوسط وثانوي مومسرح كبار !!!

الهام كانت ضايعه بينهم ! موالهام اللي اعرفها ،، اداء عادي وأقل من عادي !!
شيماء علي حدث ولاحرج ودوره لايهش ولاينش ،، حتى ابراهيم دشتي مع اني مااحبه بس احسن منها !!

[خالد العبدالله]

بإختصار جدا
المسرحية فاشلة