اقتباس:
ومسألة ان المسرح الاكاديمي غير جماهيري فهذه لا تنتقص منه أبدا افضل الفنانين الشباب الذين ظهروا بآخر السنوات هم خريجي هذه المسارح والحين يعني خالد امين ممثل جيد ... والحبيل اللي هو جاك نيكلسون الكويت مثلا !! اتمنى انك تكون حيادي وشجاع وتعترف بسقطات الحبيل وفشله في بعض الاعمال ولا تجامله لانه والدك .. |
مادري شنو آخرة اللي يتباكون على الماضي واقبح الاعمال صارت الأجمل لأنها من ريحة الماضي :o يذكروني ( بعجايزنا وشيابنا ) لما يحنون للطفوله ويزعجونا خخخ -هالعمل فاشل ،، بس دام طاف عليه 20 سنه صار افظع عمل -هالممثل لالا مايعرف يمثّل ،، لأنه مومن جيل الرواد !! وكأن الممثل الفلاني العملاق مامر بمرحلة الشباب ومرت عليه اعمال خفق فيها !! ولا انولد كبير حذي ؟؟؟! غير هذا وذاك أتوقع اللي خلقهم خلق غيرهم وأحسن منهم بعد ،، =خالد أمين ( دام ذكرتوه كمثال ) عندي أفضل من نص فناني الثمانينات !!!! ## ## !! نقطه مهمه !! في فرق بين المناقشه وبين فرض الراي ،، !! لوكانت آرائنا وحده وميولنا واحد ليش نفتح باب منتدى ونقاش من الأساس ؟! كل واحد يحتفظ بوجهة نظرة لنفسه ويقعد ببيتهم :) ،، والأهم من هذا كله اذا رايي يختلف عن رايك مايعطيك الحق ( تهمّش فكري ) أو تصغره أو تتهمني بإني ماأفهم أو أو أو !!!!!! وعلى فكره هالشي يقلل حجّتك مايزيدها :) ،، |
اقتباس:
مو انت ذاك اليوم تقول ان ما يعجبني الا الرواد والعمالقة .. قلبنا أشوف |
اقباس لرد الأخ شكور اقتباس:
والا لكان احد الممثلين الكومبارس في "درب الزلق" والذي لازال الا يومنا هذا يمثل من اعظم الفنانين اقتباس:
اعمال اليوم التي تهاجمونها ستصبح في المستقبل ماضي جميل بالنسبة لكم وتترحمون عليها أشد ترحم .. وهكذا اقتباس:
|
اقتباس:
وأنا أتفق مع الأخ بورشدي .. لا ادري كيف نسيت ناصر القصبي .. ناصر فنان نادر الوجود ويمتلك قدرة هائلة على اداء جميع الشخصيات من شر وخير وكوميديا وتراجيديا و....الخ لا تشعر بان من جسد فؤاد هو نفسه بونزار هو نفسه عدنان هو نفسه رجل الدين المنافق هو نفسه عليان هو نفسه الزوج المهمل و....الخ ولكن يعيب ناصر انه حصر نفسه في اطار طاش طوال هذه السنوات وقد يكون مجبرا على ذلك لأن السوق السعودي لم يعرف الا طاش في وقت من الاوقات .. ولكن هذه السنة سيتمرد على ذلك ويخرج من هذا الاطار بجملة أعمال قادمة .. وهذا فعلا من يستحق لقب الجوكر |
يعجبك الرواد مع بعض الفنانين حاليا كاخالد امين وشجون الهاجري ومرام وردهان حفضنا الاسامي الي تحبها ودائما ترفع فيها ترفيع ودائما بكل ردك تذكر المرحوم غانم صالح كامثال او غيره هذي ردودك بختصار خالد امين فنان تراجيدي جيد بس اما تقول جوكر ماتدخل اي عقل صراحه ولا حته ردهان فنان كوميدي بتلفزيون حلو بس بالمسرح !!!!!!! الجوكر الحقيقي الي يمثل كوميديا وجميع الانواع اما باعمل ولا عملين تقول جوكر !! ماتجي لووووول |
كررتم مرارا وتكرارا بأننا نعشق الماضي ولانتقبل الحاضر وردا على الاخ بحر الحب (( شنو حدر اباطهم ؟؟؟ )) والله وانا احلف لو يجي خالد امين بكبره ويشوف هالرد راح ياكلك اكل وراح يهزئك وراح يقولك ان عبدالله الحبيل استاذ بالنسبة لي وانا تلميذ !!!! ................................................. ردا على الاخت سارة احنا كلنا مثل العجايز والشياب ونحن لأيام طفولتنا مو ذنبنا لو ماعشتي تلك الفترة وماطلعتي الا بجيل شجون وفاطمة الصفي وغيرهم من هالجيل وكل شخص عاش بذاك الوقت غصبا عنه يحن ويعشق لذكريات قبل (( بما انه انسان ويملك قلب )) ومن قال ان احنا نتكلم على اساس انهم بالثمانين او السبعينات فقط !! من قال ان احنا حبينا مسلسل الغرباء لانه بالثمانينات وكرهنا مسلسل عديل الروح لانه بالالفية من قال ان احنا حبينا عبدالله الحبيل لانه من ايام ابيض واسود يمثل وكرهنا شجوه الهاجري لانه ماطلعت الا بالالفية من قال ان احنا عشقنا غانم السليطي لانه مثل مسلسلات ومسرحيات بالثمانينات والتسعينات وكرهنا خالد امين لانه مامثل الا بنهاية التسعينات والالفية !!!!!!!!!!!!!!!!!!!!!!!!!!!!!!!!!!!!!!!!!!!!! مليون علامة تعجب على كلامكم واستنتاجاتكم الغريبة وكأن بالفعل احنا تطرقنا وقلنا لهالشي حجتي شي طبيعي بتكون ضعيفة امام اعينكم !!! لان لو جينا لعمل معين وشفنا دور ممثل معين انا راح اعجب فيه وانتم راح تقولو عنه فشل !! واهني نقطة الخلاف اللي بينا !!! ومو نقطة الخلاف حن الماضي وعشق الماضي وعدم تقبل الحاضر بشتى انواعه !!! هذا انا عشقت مسلسل اماراتي اسمه الدريشة بــ 2005 !!! عشقت مسلسل الخراز واعجبت به !!! حبيت مسلسل تصانيف بجزئه الاول وهو بعام 2010 !!! جرح الزمن بعام 2002 لايعلى عليه !!! القدر المحتوم !! جميع هالاعمال بالالفية وعشقناها راح تقولي شاركو فيها كبار (( بقولج حتى اللي ماحبيناها وانتقدناها شاركو فيها كبار !! )) يعني السبب مو ممثل فلاني او مسلسل فلاني او سنة انتاجه بالعام الفلاني !!! هذا انا شخصيا اعجبت بمسرحيات بعد وليس مسلسلات !! غزلان وملك الفئران !! وهذي تو ماصار لها 5 سنوات حتى !!! نعم اللي أسس الفن هو من جعلنا نحب الفن وجعلك انتي وجعل غيرك يعشقون الفن !! عبدالحسين عبدالرضا - سعد الفرج - عبدالعزيز النمش - خالد النفيسي - عبدالله الحبيل - حياة الفهد - مريم الغضبان - مريم الصالح وغيرهم وغيرهم هم من جعلونا نعشق التلفاز والاعمال المسرحية والتلفزيونية هم من فتحو اعيننا عالكوميديا والتراجيديا والادوار الاخرى لذا لابد لنا وان نعشقهم انا اكرر للمرة الثانية ليس انتقادي لخالد امين او شجون الهاجري او غيرهم هو سبب كرهي وحقدي لهم اعجبت باعمال لهم اكرر وازيد اعجبت واعجبت واعجبت لأعمال شارك بها خالد امين وشجون الهاجري لكن انا انتقدهم لانكم تقارنونهم بعمالقة وليس هذا فقط !! بل تزيلون وتحذفون اسماء عمالقة وتجعلونها فاشلة مثل بحر الحب مع الكابوس اللي اتوقع كل يوم يحلم فيه حلم رعب (( عبدالله الحبيل )) اللي واضح جدا جدا جدا انه كارهه وكاره جميع اعماله لكن مايقدر يقولها على الملأ ان الفنان عبدالله الحبيل انا اكرهه والسبب هو .. الله اعلم طبعا لانعلم عن سبب كرهه للحبيل ولكن اكيد فيه سبب !! انا لما اقول غانم السليطي فنان جوكر اعني مااقوله لما اقول ان نجح بمسلسل سوالف دنيا اعني مااقوله واعبر عن رايي !! اعجبت بادواره كلها لذا اطلق عليه لقب جوكر !! انتي وغيرك مااعجبتم بادواره كلها واعجبتي فقط بشجون وخالد امين وهالجيل !! هذا رايك وشي راجع لك لكن عليكم احترام العمالقة والكبار !!! لان لو نعمل لقاء مع خالد امين او شجون الهاجري مستحيل يرضو انهم يصنفون مابين هالعمالقة !! وبالنسبة لغانم السليطي نعم فهو عملاق منذ بداية الثمانينات وهو يمثل !! واتوقع العصر الذهبي (( كان من الستينات حتى نهاية الثمانينات ! )) وكل من خرج بهذا الوقت له الفخر انه شارك بهالوقت لان جميع الاعمال ( تقريبا ) كانت رااائعة |
اقتباس:
ويذكر عبدالله الحبيل كمثال فاشل بالنسبة له !! <<< حبيت اضيف على ردك هالمعلومة بس :) |
وبخصوص الاخت ساره احنا نكلم بصراحه ان الاعمال القديمه ابدا ماتتقارن مع الحاليه وتقدر تجيب اي احد يشاهد الاعمال الحاليه ويقارن !! ويشوف ان الفن الحالي هابط ومافي افكار جديده عكس الفن القديم في افكار افضل من الحالي مقارنه وحته فنانين قبل غيرررررر يمثلون بااحتراف اكثر من الحين .....فنانين الجيل الحالي فقط للفلوس يمثلون وتقدرر تشوف الفن ايش صاير فيه الكل يجي يمثل وينتج ! + كل شي قديم حلوووو مو بس بالفن بجميع المجالات..... |
| الساعة الآن 12:07 AM |
Powered by vBulletin® Version
Copyright ©vBulletin Solutions, Inc
SEO by vBSEO 3.6.0