ماشاء الله بكل موضوع بتشوف شكور او علي الحسيني يتكلمو خارج نطاق الوضوع ماتقفله
بس بحر الحب لما يحول مواضيع كثيرة عن مسارها لالا عادي ماعندو مشكلة
واضح منو اللي متحيز ومنو اللي متحسس اكثر !! هذا ردا على كلامج بموضوع آخر
،،،،،،،،،،،،،،،،،،،،،،،،،،،،،،،،،،،،،،،،،،،،،،
بالنسبة لردج هنا
ماعلينا من اصل الفنان ،، لان لو جينا لأصل الفنان لرأينا غانم السليطي مزيج بين دول الخليج
أمه بحرينية عندها الجنسية البحرينية بس اصلها واصل اجدادها اماراتيين وغير خواله مادري اعمامه مادري شيقربون له كويتين
ولو جينا لأظهرنا فنانين كويتين مو أصل وكثييييييييييييييييييييير هم لان قليل جدا الكويتين الاصل !!
ومع هذا مو هذا نقاشنا وماعلينا من هالشي احنا نتكلم عن هالفنان ينعد على أي دولة ؟؟ ماعلينا من اصله علينا منه اهووو وش جنسيته !!
شي آخر انا ذكرت لج خمسة بس لو ابي اذكر واعدد لج الفنانين القطريين ومنهم من اعتزل ومنهم من واصل ومنهم من اصبح مذيعا ،، بعدد لج بس بعد ماابي اقلب الموضوع علشان ماتجي انتي وتقفليه ،،
شي آخر لو كان السليطي بالكويت هل بيكون بهالمكانة ؟؟
ايه نعم بيكون بهالمكانة !! بس بعد اسلوبج وكلامج وكلمة لو جدا مو حلوووة لان فيه ناااس كثير يحقدو على فنانين يطلقو هالكلمة اولها الصديق الصدوق بالنسبة لج بحر الحب لفنانين كبار دائما كلمة لو ولو ولو
وانا بعد رأيت اكثر من واحد خارج هالموقع يقول لو و لو و لووو
على سبيل المثال // رأيت شخص يحقد على سعاد عبدالله ومايحبها وماتعجبه نهائيا فقال لولا مشاركتها عبدالحسين عبدالرضا وخالد النفيسي ماكانت كبيرة وماانشهرت !!!!
فكلمة لووو هذيلا للعاجزين عن الردود اعتبرها او للرد ويلجئو للفظ لو علشان يحاولو يقنعو اللي قدامهم
فلو كان السليطي مب كويتي لما كان بهالمكانة (( حتى لو هالكلام صحيح )) هالشي ماصار والسليطي اصبح جوكر وفنان قطري مشهور و معروف وشارك الاعمال الكويتية بالتمثيل والسيناريو ومشاركة التأليف منذ بداياته !!
/// ايضا علشان مايتقفل هالمووووضوع نرجع لصلب الموضوع ///
المسرحية على حسب ردود الفعل من حضرها من جمهور بالفعل كلام كثير قال انها فاشلة ومانجحت
ولكن على حسب كلام السليطي بأنها ناجحة ونجحت
فأنا ماابغى احكم عليها من مطلق جمهوري او شخصي لفنان ،، ننتظر العمل حتى نحكم عليه
صحيح سعد الفرج لم تعد له طاقة للعمل الكبير على المسرح مثل السابق ولكن تاريخه يساعده عالنهوض وغانم السليطي لايزال مبددع مسرحيا وتلفزيونيا وجوكرا بالاثنين
كنت اتمنى شخصيا مشاركة شخص ثالث معاهم يعتبر كبير كــ (( عبدالعزيز جاسم أو صلاح الملأ ))
لكي يكون العمل قطري ولكي يساعدو الفنان غانم السليطي على التقديم والابدااع اكثر
ولكن هذا لايمنع بالتفاؤل تجاه سعد الفرج فأنا متفاؤل من تحقيق نجاح لهذه المسرحية
واتمنى بكل تأكيد لهم التوفيق ،،،،
| 
العرض الشجري
المواضيع المتشابهه 
