[Marseille]

السلام عليكم ورحمة الله وبركاته


مساء / صباح .. الخير جميعاً


شلونكم ؟ ان شاء الله تمام وبخير ^^


حبيت أقولكم رايي بالمسرحية اللي حضرتها أمس واهي مسرحية ( وبعدين ؟ ) بطولة : داوود حسين وطلعت زكريا وعماد العكاري وفيصل بوغازي وعبدالله العتيبي ويوسف البغلي وميثم بدر .


قصة المسرحية انها تناقش قضية الخصخصة وشلون حال الديرة والمواطنين بعد الخصخصة .. وهل هي إيجابية أم سلبية ؟


في نوعين من المسرحيات ( اللي شفتهم ) .. نوع اللوحات يعني كل مشهد موضوع يديد ولوحة يديدة ( نفس مسرحية : صباح الخير يا كويت ، كرة مدورة ، لعيونك ..الخ ) .


والنوع الثاني : التسلسلي يعني كل المشاهد مرتبطة مع بعض ( نفس مسرحية : مراهق بالخمسين ، باي باي لندن ، صح لسانك ..الخ )


في مسرحية ( وبعدين ؟ ) المخرج المبدع عبدالعزيز صفر دمج بين الاثنين يعني بكل مشهد موضوع غير عن اللي قبله وبنفس الوقت الاسرة نفسهم ثابتين اللي تدور عليها الاحداث .. ما راح اقولكم شلون عشان لا احرق عليكم المسرحية أكثر من جذي ^^


رايي بالمسرحية :-


بصراحة وبدون مبالغة .. المسرحية ردت فيني الى زمن مسرحيات أول مثل اللي ذكرتهم قبل شوي ( لعيونك ، صباح الخير يا كويت ، كرة مدورة ) .. وبالصدفة طاحت عيني على التذكرة وأقرا اسم محمد الرشود المشرف الفني على المسرحية .. وقلت " أها عشان جذي المسرحية فيها لمسة من المسرحيات القديمة " ^^


المسرحية فيها نص مكتوب صح .. الممثلين ملتزمين إلتزام كبير فيه وماكو خروج عن النص الا قليـــــل جداً .. حتى داوود حسين إلتزم فيه وما طلع منه .. وهالشي يدل على احترام النص المكتوب ^^


أداء الممثلين كان عالي حيل دون استثناء صراحة .. المسرح فيه حركة والقروب كله كان يتمتعون بنشاط وروح حلوة .. بالاضافة طبعاً الى الاخراج الاكثر من رااائع من اضاءة وعرض فيديوات والصوتيات ( الاغاني ) ^^


الكوميديا كانت حاضرة وبقوة .. وخاليه من الاستظراف والتهزيء المبالغ فيه .. صج ان في تطنز بس خفـــــــــــــيف حيل وهذي نقطة تحسب للمخرج طبعاً .. والكوميديا بالمسرحية فانتازية وخيالية وهذا اللي مخلي الجمهور متهيء للضحكة طول الوقت ^^


# داوود حسين يعني من زمان حيل ما شفته يمثل بهالبراعة والأداء الكبير .. أهنيك يا بوحسين ;*
# طلعت زكريا قدم دور حلو بس مو نفس القوة اللي نشوفه بالأفلام لكن بالنهاية تجربة ناجحة واضافة مميزة .
# فاطمة عبدالرحيم تفاجأت انها مو معاهم .. يابوا بدالها ممثلة سورية أو لبنانية وبدعت فيه صراحة .
# عماد العكاري وميثم بدر ويوسف البغلي .. لهم مساحة كبيرة بالمسرحية قدموه بشكل جيد جداً .
# فيصل بوغازي .. قنبله كوميدية موقوته صراحة فجر المسرح بقطاته وأفيهاته ( ضحكني لدرجة الدموع ههههههه ) .. بس لي عتب عليه بآخر المسرحية ما وقف مع الفنانين وحيا الجمهور مادري ليش !!


تقييمي للمسرحية : 9 من 10


طلعت من المسرحية مستانس ومو متحسف على دقيقة وحدة .. لدرجة اني افكر اروح لها مع ربعي بعيد الاضحى اذا الله أحيانا .. لأن امس رحتلها مع الاهل ومن هذا المنتدى وهذا الموضوع .. أنصحكم تروحون لها وراح يكون في عروض بعيد الاضحى .. وصدقوني ما راح تحسفووووون .. ^^


= انا رحت مسرحية طارق العلي ( بسنا فلوس ) وفرق شــــــــاسع بين المسرحيتين وأكيد الفرق لصالح مسرحية داوود حسين ( وبعدين ؟ ) .. ما احب اقارن بين الاثنين لأن ماكو مقارنة أصلاً لوول بس كلمة حق ولازم تنقال ^^


وهذا رايي بمسرحية ( بسنا فلوس ) >> (هنا ) كان رد لـ موضوع احد الاعضاء الكرام

وان شاء الله اكون وفقت بهالموضوع وكان خفيف على قلوبكم

والسلام أجمل الختام

[نيو سيناريست]

منذ البدايه و انا متأكد بأن مسرحيه و بعدين هى الافضل
لسبب واضح لاان الكاتب الاستاذ بدر محارب
اهم شىء فى المسرحه هو الكاتب اذا فكره سليم و يبحث
فى المضون و يكتب عن الواقع المسرحيه ستكون رائعه لا محاله
حتى اذا كان الممثلين ليس بالمستوا المطلوب

ولكن اذا ترك المسرح للمثلين ليتحدثو فى خشمك اذنك بطنك عينك
بدون مضمون ولا فكره واضحه مثل مسرح طارق العلى اكيد بتكون المسرحيه فاشله

للامانه هذا العام فاجأنا عبدالعزيز المسلم يبدو ان النيو لوك اثر على تفكيره
و أظهر لنا فكر جيد افتقدناه منذ زمن بعيد على مسرحه فى مسرحية مثلث برمودا
هذا العام هو افضل عام للمسرحه الكوتيى منذ 10 سنوات مضة

1- وبعدين
2- مثلث برمودا

[كاتب مبتدئ]

بصراحة كلام يثير التفاؤل ويرفع الروح المعنوية

عساهم عالقوة

اخيرا بدوا يصحون من التكرار اللي كانوا فيه ويخرجون من عنق الزجاجة..

[لحن المطر]

تلك السطور التي تثلج القلب , لابد لنا أن نقول للمحسن احسنت
وللمسيء أسأت..متفائل جدا ولم يخب ظني بهذه المسرحية

شكرا لنقلك الصورة الجميلة

[محمد....]

الصراحه اخوي انا احييك على رايك
مع اني ما شفت المسرحيه كوني في قطر لكن عيشتني جو المسرحيه و تخليني افكر انه اعيد ثالث العيد في الكويت عشان احضرها ...!
و هذا يدل على ثقافتك الفنيه و المسرحيه و الزين يفرض نفسه
لو شفنه عمل متكامل حتى الي ما يفهم بالمسرح شي لكن بيلاحظ انه العمل كوميدي راقي و متعوب عليه من ناحية النص و الديكور و الاضاءه و الاخراج
عكس طارق العلي الي ماخذ المسرح ( عبث ) بزياده لدرجة انه ما يفتكر لا بالنص ولا بالاخراج ولا حتى بالممثلين و كانه في المسرحيه مافي الا طارق العلي و الباقين كومبارس مالهم قيمه!

اتمنى من الناس انها تصحى و تميز بين الاعمال المسرحيه الراقيه و بين الاسفاف
احنا في قطر انعرض عمل مسرحي في العيد لعبدالعزيز جاسم و حسن البلام اسمها (( قطري 60%))
و المسرحيه رااائعه بمعنى الكلمه من جميع النواحي و الاقبال عليها كبييير لين اخر عرض الي كان أمس
و انشالله الفنانين الكبار يتجهون دايماً الى الاعمال الكوميديا العفويه و الهادفه

[محمد....]

الصراحه اخوي انا احييك على رايك
مع اني ما شفت المسرحيه كوني في قطر لكن عيشتني جو المسرحيه و تخليني افكر انه اعيد ثالث العيد في الكويت عشان احضرها ...!
و هذا يدل على ثقافتك الفنيه و المسرحيه و الزين يفرض نفسه
لو شفنه عمل متكامل حتى الي ما يفهم بالمسرح شي لكن بيلاحظ انه العمل كوميدي راقي و متعوب عليه من ناحية النص و الديكور و الاضاءه و الاخراج
عكس طارق العلي الي ماخذ المسرح ( عبث ) بزياده لدرجة انه ما يفتكر لا بالنص ولا بالاخراج ولا حتى بالممثلين و كانه في المسرحيه مافي الا طارق العلي و الباقين كومبارس مالهم قيمه!

اتمنى من الناس انها تصحى و تميز بين الاعمال المسرحيه الراقيه و بين الاسفاف
احنا في قطر انعرض عمل مسرحي في العيد لعبدالعزيز جاسم و حسن البلام اسمها (( قطري 60%))
و المسرحيه رااائعه بمعنى الكلمه من جميع النواحي و الاقبال عليها كبييير لين اخر عرض الي كان أمس
و انشالله الفنانين الكبار يتجهون دايماً الى الاعمال الكوميديا العفويه و الهادفه

[حيزبون]

تحياتي الى الفنان الكبير والقدير بوحسين

بصراحه كنت وبعد الله واثق من داوود حسين وهو كفو

فنان كبير وكان يحتاج الى نص جميل يرجعه الى مكانه الطبيعي

مومثل بعض الفنانين اللي سنين وهم يهرجون على بعض

وانا دائما أشم ريحة تراث الفن الكويتي من خلال داوود حسين

وداوود بمسرحياته ومسلسلاته فقط هو عملاق بدون برامجه المنوعه

[حيزبون]

تحياتي الى الفنان الكبير والقدير بوحسين

بصراحه كنت وبعد الله واثق من داوود حسين وهو كفو

فنان كبير وكان يحتاج الى نص جميل يرجعه الى مكانه الطبيعي

مومثل بعض الفنانين اللي سنين وهم يهرجون على بعض

وانا دائما أشم ريحة تراث الفن الكويتي من خلال داوود حسين

وداوود بمسرحياته ومسلسلاته فقط هو عملاق بدون برامجه المنوعه

[* Hanadi *]

ماأقدر احكم عليها قبل مشاهدتها

لكن اتوقع انها افضل وبكثير من مسرحية طارق العلي مع اني ماشفتها

ثاانكس ع الموضوع الجميل