[زهرة البحرينية]

المشاركة الأصلية كتبت بواسطة luca_brasi

بالعكس مسلسل حلو وخفيف وكل يوم قصة
على اي اساس قلتو تافه ؟؟؟؟

بسكم عاد حتى لو كنتو على خلاف معا طارق !! عاد مو كل شي قمتو اتقولون عنه
فاشل وتافه .

انت على اي اساس قلت ناحج ؟
اذكر لي عامل واحد مميز فيه ، عامل ضحكة مبارك المانع اللي تخوف اليهال ؟
او عامل تصفع طارق لنجوم اللي معه ؟ او عامل منى الشداد اللي تحاول تجمع
كركتراتها السابقة وتحاول تضحك المشاهد ولا تستطيع

ناجح على القصص تبدأ الحلقة وتنتهي ومحد من المشاهد عارف شنو المغزى منها ؟
ناجح على شنو ؟

ناجح على تسريحة سلطان الفرج اللي يضن ان هالتسريحة راح تذبح الجمهور من الضحك؟
ويضن انه عامل حركة يعجز عن مستر بين


بالعكس احنا ما نختلف مع طارق كـ موهبة وكـ قدرة وكـ كوميديان مميز ولكن
هجومنا و اختلافنا على اعماله

اذا عاجبك مثل هالاعمال ....... مستعده اساعدك للوصول لطارق العلي في بيته الخاص
واخليه يمصخرك عشان بس تضحك ...

[luca_brasi]

عفوا اخت زهرة شنو يمصخرك ؟؟!
تكلمي بإحترام
وانا قلت مسلسل ناجح عاجبج عاجبج موعاجبج جهنم يلاااا

وعدلي اسلوبج

[ليالي الخيام]

جزء ثالث او عاشر العمل فاشل لاقصة ولا كوميديا

[زهرة البحرينية]

المشاركة الأصلية كتبت بواسطة luca_brasi

عفوا اخت زهرة شنو يمصخرك ؟؟!
تكلمي بإحترام
وانا قلت مسلسل ناجح عاجبج عاجبج موعاجبج جهنم يلاااا

وعدلي اسلوبج

اششش شوي شوي ماما
مو كوميديا طارق ياماما واعمال طارق كلها مصخرة وضحك على الاخرين

واحيانا يتمسخر على الجمهور يكفي اذا سئلوه ليش تقدم اعمال بهذا النمط ؟

يقول: شنسوي الجمهور يبي جذي <<< طبعا يقصد الجمهور مثلك وشرواك

الجمهور يعشق المسخرة ونجوم طارق يعشق المسخرة من اجل الضحك

لذلك قلت لك اذا تحب يمسخرك ويمسخر الاخرين جدامك عشان تضحك

مستعده اخذك عنده ....

انا مو ما احترمتك بالعكس احترمك بس اقولك كلام الواقع والحقيقة

مو عاجبك ؟ <<<< مابقول لك جهنم <<<< بقولك بالطقاق :d

[راشد عبدالوهاب النعماني]

ياجماعه من حق كل واحد يعرض رايه
وليس من حق أحد يفرض رايه ويشتم الاخر
ولا أش راي الإداره؟

[أحمد سامي]

ليش كل هالقسوة على جمهور طارق العلي ؟

ترى ما ارضا عليهم .

[عزآهـ]

مسلسل جذب المشاهدين في الجزء الأول فقط

و طارق فاشل و جمهوره يحب المسخره


الله يرحم ايام الزمن الجميل.. ايام الفن و الكوميديا الي تكون بدون تجريح ولا تمصخر

ايام خالد النفيسي و علي المفيدي و غانم الصالح

[عابر سبيل]

طارق العلي لا أختلف مع من يقول انه يقدم إسفاف و تهريج و أعمال فاشلة
مشوهة للكوميديا و المسرح الكويتي الذي كان في الماضي مسرح حقيقي ..

و لكن أن يصل الأمر لنعت جمهوره بالغبي أو الرد على أحد المدافعين له بهذا الجفاف
و عدم الإحترام ، لا أرضاه صراحة !

عموما مسلسل الفلتة لا يحتوي على قصة لذلك بالنسبة لي عمل فاشل و لكن قولك
أنه ما يخسر فلوسه .. تراه بيعوض الي بيصرفه دبلات .. و عموما المسلسل ضارب خصوصا
بين المراهقين و الشباب ، و هذا شي لا يعجبني و لكنه واقع.

شكرا

[طيف الحياه]

بالعكس المسلسل رائع ومااشوف فيهه شي بس لانهه طارق العلي فيهه واشوف تلت ارباع المواضيع عن طارق وفشله ومسرحياتهه طيب اني هذا راي وانتون هذا رايكم بس مو كل مسلسل او مسرحيه يسويهها طارق العلي لازم اسوو سالفهه ..........
( وجهتت نظر )