[يآسمين]

بعض قصائد الامير خالد الفيصل...






يموت الشجر واقف..


يموت الشجر واقف وظل الشجـر مامـات
رياح الدهر تصرخ وهـي تجـرح جنوبـه

لك الله شجر للمـوت ماترخـي الهامـات
بقت وقفتك يارافـع الـراس مهيوبـه

شجوني لها مع وقفتك يا شجـر وقفـات
عيون النظر مع نظرة القكر مصحوبـه

شموخ الشجر عبره لمـن يفهـم الشـارات
والانسـان فـي غفلـه والايـام محسوبـه

أرد النظـر لاشـك يانظرتـي هيـهـات
أباستوعب العبـره بالاشجـار مكتوبـه

وانا بهترينـي ضعـف الانسـان والهقـوات
أروم العزايـم يـوم وايـام مسلوبـه


أباظهر عن الدنيا مع حالم النظـرات
واسافر عن العالم علـى غايـم دروبـه

وابارسم على غيمه دروب الهوى بسمات
وابانثـر كـلام الحـب طـرب مطـروبـه

واغني بهـا سامـر واقـوم بهـا عرضـات
واباترك ثرى الدنيا لمن كان مطلوبه



مرتــاح أحبـــك ...







1 مرتـاح احبـك ولا علَّـمـت حتَّى انـت عيّـت أبيّـن لـك

2 و البارحه يـوم انـا سلمـت شكّيـت لـو عينـي تـدلـك

3 برقٍ لمع في العيون و خفـت مواجـع القلـب توصـل لـك

4 عساك في ناظري مـا شفـت كيف المعاليـق يومـنّ لـك

5 من خوفتي لا احتـرق جنَّبـت هربت مـن شمسـك لظلّـك

6 اخشى عليك الهوَى لو طحـت مـا تلّـنـي يـمّـك يتـلّـك

7 أبـي قليـلـك ولا حصّـلـت بعضـك تركنـي مـع كلّـك

8 ما ادري صواب او خطأ ما قلت إنـك حبيبـي و انـا خـلّـك




حمر النواظر




صوت يحورب قامت تلبي صفـوف
طق الطبل وانسلت تغطرف سيوف

اليوم عرضة نشوةالسيـف والخيـل
والعز ومضة في حيـاة الرجاجيـل

صكوا على البيرق قـروم النشامـا
ذبوا غترهم ماعلـى الهـام هامـا


كـل تحـزم بالشجاعـة حزامـا
يامـوت ول وبيـرق العـز قامـا

اليوم عرضة نشوة السيف والخيـل
والعز ومضة في حيـاة الرجاجيـل

الارض ثور عجها حـدر الاقـدام
رجل تدوس الذل ورجـول قـدام

العج واصوات الرجاجيل وزحـام
ياموت ول وبايع الـروح ماسـام

اليوم عرضة نشوة السيف والخيـل
والعز ومضة في حيـاة الرجاجيـل

نز العـرق بجبـاه حمـر النواظـر
كل هتف ياساعة المجـد حاضـر

وسيوفهم تمشي كما السيل هـادر
ياموت ول والطير بالجـو كاسـر

واليوم عرضة رقصة الحرب والموت
وما للرجل رقصة سوى رقصة الموت



موت الوفا



لو يبور الملأ ما أحسـب حبيبـي يبـور
وأحسـب انـي أمـوت ولايمـوت الـوفـا

وأحسب انه على هـاك المـودة غيـور
ما احسب ان الشعاع اللي بقلبـه طفـا

كيـف يانـور عينـى وانـت للعيـن نــور
يختفـي نـور وصلـك فـي ظــلام الجـفـا

اثر قلبـك علـى فرقـا الولايـف جسـور
واثر طرفك اليـا سهـرت عيونـي غفـا

وين هاك الونين اللـي يشـق الصـدور
وين هـاك الدمـوع اللـي تشـق الصفـا

كــل حـــي ٍ الـيــادارت ليـالـيـه يـــدور
كــل قـلـب الـيـا عـفـت جـروحـه عـفــا

ويل قلب توالت فـوق جروحـه كسـور
كــل جــرح الـهـوي ياصاحـبـي ماكـفـا


التمس لك عذر لو كان ما أنت معذور
وان جحـدت المـوده بــان لــك ماخـفـا




فدوت عيونك


فدوت عيونك لو غدت روح مغليك
وش عاد لو راحت لعيونك عشاير

ابيع مايغلى على الكون واشريك
واسوق لو جتني علومك بشاير

وازعل جميع الناس بالحيل وارضيك
واصبر ولو دارت علي الدواير

واخذ من اايامي لك واعطيك
وان راح عمري فلا هو خساير


ياصاحبي



ياصاحبي هانت عليك المحبه

لا واحسافه عقب هاك المواثيق

جمر الغضا في وسط قلبي تشبه

نارٍ حطبها يابسات المعاليق

كاسٍ مليته بالوفا لا تكبه

خله يبلل بالوصل يابس الريق

صبه بقلبي ثم ملَه وصبه

وان كان ودك غرق القلب تغريق

دام الهوى راسي وراسك يهبَه

خذ سجةٍ ترى زمانك توافيق

ترى حلاة العمر مع من تحبه

شخصٍ تريده من جميع المخاليق